ကမ္ဘာတစ်ဝန်း လေးစားအားကျစရာအမျိုးသမီးအယောက် ၁၀၀ စာရင်း၌ ခိုင်နှင်းဝေပါဝင်လာ

ရန်ကုန်၊နိုဝင်ဘာ ၂၄

ရုပ်ရှင်သရုပ်ဆောင်ခိုင်နှင်းဝေသည် ဘီဘီစီက ထုတ်ပြန်သည့် ကမ္ဘာတစ်ဝန်းရှိနယ်ပယ်အသီးသီးမှ လေးစားအားကျစရာအမျိုးသမီးအယောက် ၁၀၀ စာရင်း၌ပါဝင်လာကြောင်းသိရသည်။

နှစ်စဉ်ထုတ်ပြန်နေကျဖြစ်သော အဆိုပါစာရင်းတွင် အမျိုးသမီးရေးရာများသာမက ရာသီဥတုပြောင်းလဲမှုဆိုင်ရာလုပ်ဆောင်ချက်များအပြင် နယ်ပယ်အသီးသီးမှလေးစားအားကျဖွယ်အမျိုးသမီးများအား ရွေးချယ်ထုတ်ပြန်ခြင်းဖြစ်သည်။

ယင်းသို့ထုတ်ပြန်သည့်စာရင်း၌ ယခု ၂၀၂၃ ခုနှစ်အတွက်စာရင်းတွင် မြန်မာနိုင်ငံမှ ရုပ်ရှင်သရုပ်ဆောင်ခိုင်နှင်းဝေလည်းပါဝင်လာခဲ့ခြင်းဖြစ်သည်။

သရုပ်ဆောင်ခိုင်နှင်းဝေသည် ၁,၉၉၉ ခုနှစ်က အနုပညာနယ်ပယ်သို့စတင်ဝင်ရောက်လာပြီးဆန်ရေ ရုပ်ရှင်ဇာတ်ကားဖြင့် လူသိများကျော်ကြားလာကာ နာမည်ကျော်အမျိုးသမီးသရုပ်ဆောင်ဖြစ်လာခြင်းဖြစ်သည်။

သို့သော်လက်ရှိအချိန်၌မူ ၎င်းသည် ရုပ်ရှင်သရုပ်ဆောင်တစ်ဦးဘဝထက် အလှူအတန်းနှင့်ပရဟိတလုပ်ငန်းများကြောင့် ပို၍လူသိများကျော်ကြားလာခဲ့သည်။မိဘမဲ့နှင့်စွန့်ပစ်ခံကလေးငယ်များအရေးဆောင်ရွက်ရန် ၂၀၁၄ ခုနှစ်တွင် ခိုင်နှင်းဝေဖောင်ဒေးရှင်းအားစတင်တည်ထောင်ခဲ့သည်။

လက်ရှိအချိန်၌မူ စွန့်ပစ်ခံကလေးငယ် အယောက် ၁၀၀ အား ခိုင်နှင်းဝေဖောင်ဒေးရှင်းက စောင့်ရှောက်ထားပြီး ၎င်းအနေဖြင့်လည်း ကလေးသူငယ်လူကုန်ကူးခံရမှုကာကွယ်တားဆီးရေးဆိုင်ရာသံတမန်အဖြစ်ဆက်လက်တာဝန်ထမ်းဆောင်နေကြောင်းသိရသည်။

Source : BBC