ထိုင်း – မြန်မာ ပြောင်းကုန်သွယ်မှု ပိုမိုအဆင်ပြေစေရေး ရှမ်းပြည်နယ်အရှေ့ပိုင်း ပြောင်းလုပ်ငန်းရှင်အသင်းဖွဲ့စည်း

0
594

ထိုင်းနှင့် မြန်မာ ပြောင်းကုန်သွယ်မှုကဏ္ဍတွင် ရှမ်းပြည်နယ် အရှေ့ပိုင်းရှိ ပြောင်းလုပ်ငန်းရှင်များ ပိုမိုလွယ်ကူလျင်မြန်စေရန်ရည်ရွယ်၍ ရှမ်းပြည်နယ်အရှေ့ပိုင်း ပြောင်းလုပ်ငန်းရှင်များအသင်း ယနေ့ နံနက်ပိုင်းတွင် စတင်ဖွဲ့စည်းလိုက်ကြောင်း သိရသည်။

အဆိုပါ ရှမ်းပြည်နယ်အရှေ့ပိုင်း ပြောင်းလုပ်ငန်းရှင်များအသင်း စတင်ဖွဲ့စည်းခြင်းအခမ်းအနားကို ယနေ့ စက်တင်ဘာ (၁၇) ရက်နံနက်ပိုင်းက တာချီလိတ်မြို့ရှိ ဟိုတယ်တာချီလိတ်တွင် ကျင်းပခဲ့ခြင်း ဖြစ်သည်။

“ပြောင်းလုပ်ငန်းက မြန်မာနိုင်ငံရဲ့ စီးပွားရေးကဏ္ဍတိုးတက်ဖို့အတွက် တဖက်တလမ်းကနေ ရန်ပုံငွေတိုးစေဖို့ဆောင်ရွက်ပေးတဲ့လုပ်ငန်းဖြစ်ပါတယ်။ လက်ရှိမှာလည်း မြန်မာ – လာအိုကုန်စည်စီးဆင်းမှုမှာဆောင်ရွက်နေပြီဖြစ်ပါတယ်။ ပြောင်းလုပ်ငန်းအသင်းဖွဲ့စည်းခြင်းဟာ မိမိနိုင်ငံရဲ့ အကျိုးစီးပွားအတွက် ဆောင်ရွက်ခြင်းဖြစ်တာကြောင့် များစွာဝမ်းမြောက်မိပါတယ်”ဟု တာချီလိတ်ခရိုင်အုပ်ချုပ်ရေးမှူးဦးမြင့်နိုင်က ပြောသည်။

အခမ်းအနားတွင် မြန်မာနိုင်ငံပြောင်းလုပ်ငန်းရှင်များအသင်းဥက္ကဋ္ဌ ဦးအေးချမ်းအောင်မှ လိုက်နာရမည့်စည်းကမ်းများ၊ တာချီလိတ်ကုန်သွယ်ရေးကုန်သည်ကြီးများအသင်း ဥက္ကဋ္ဌ ဦးစိုင်းစိုင်းမှ ပြောင်းကုန်သည်များ တရားဝင်စာရင်းပေးသွင်းရန်နှင့် သက်တမ်းတိုးရန်တို့အား ရှင်းလင်းပြောကြားခဲ့ကြသည်။

ယနေ့ ဖွဲ့စည်းခဲ့သည့် ရှမ်းပြည်နယ်(အရှေ့ပိုင်း) ပြောင်းလုပ်ငန်းအသင်းသည် (၉)သင်းမြောက်ဖြစ်ကာ အနီးစပ်ဆုံးပို့ကုန်များအတွက် တဖက်နိုင်ငံဈေးကွက်နှင့် မြန်မာနိုင်ငံ၏ ဈေးကွက်အခြေအနေပေါ်မူတည်၍ ဆောင်ရွက်ပေးသွားမည်ဖြစ်ကြောင်းလည်း သိရသည်။


LEAVE A REPLY

Please enter your comment!
Please enter your name here