ယူကရိန်းထံ အနောက်အုပ်စု၏ တင့်ကား ပေးပို့ကူညီမှုအား လေကြောင်း တိုက်ခိုက်မှုဖြင့် ရုရှား ပြန်လည်တုံ့ပြန်လာ

0
188

ယူကရိန်းအား တောင်းဆိုထားသော ခေတ်မီတင့်ကားများ ပေးပို့မည်ဟု ဂျာမနီနှင့် အမေရိကန်တို့က ကြေညာခဲ့ပြီးနောက် နာရီပိုင်းအကြာတွင် ရုရှားသည် ကိယက်ဗ်နှင့် ယူကရိန်းမြို့များကို ဒုံးကျည်များဖြင့် ပစ်ခတ်ခဲ့ကာ ပြန်လည်တုံ့ပြန်ခဲ့ကြောင်း သိရသည်။

ထို့ကြောင့် ယူကရိန်းသည်လည်း ၎င်း၏ တပ်များထံသို့ ကတိပေးထားသော စစ်လက်နက်ပစ္စည်းများအား တတ်နိုင်သမျှ မြန်မြန် ပေးပို့ရန် အနောက်အုပ်စုအား တိုက်တွန်းထားသည်။

ရုရှားသည် ဇန်နဝါရီလ ၂၆ ရက် ကြာသပတေးနေ့ နံနက်တွင် ယူကရိန်းဆီသို့ ဒုံးကျည်ပေါင်း ၅၅ စင်း ပစ်လွှတ်ခဲ့ကြောင်း ယူကရိန်းဝန်ကြီးချုပ် ဒဲနစ် ရှမဲလ် က တယ်လီဂရမ်ပေါ်တွင် ပြောကြားထားသည်။

ဒုံးကျည်များသည် ယူကရိန်း၏ စွမ်းအင်ဆိုင်ရာ အဆောက်အအုံများထံ ချိန်ရွယ်၍ ပစ်လွှတ်ခဲ့ကြောင်းနှင့် လျှပ်စစ်ဓာတ်အားခွဲရုံအချို့ ထိခိုက်ခဲ့ကြောင်း ရှမဲလ်က ဆိုသည်။

အဆိုပါ ပစ်ခတ်မှုအတွင်း ကိယက်ဗ်မြို့ရှိ အသက် ၅၅ နှစ်အရွယ် အမျိုးသားတစ်ဦးမှာ ဒုံးကျည်အစအန ထိမှန်မှုကြောင့် အသက်ဆုံးရှုံးခဲ့ရသဖြင့် နိုင်ငံတစ်ဝန်း လေကြောင်းတိုက်ခိုက်မှု သတိပေးချက် ထုတ်ပြန်ထားကြောင်း ကိယက်ဗ် မြို့တော်ဝန်က ပြောခဲ့သည်။

ယူကရိန်း၌ ဒုံးကျည် အပြင် ဒရုန်းဖြင့် တိုက်ခိုက်မှုများလည်း ဖြစ်ပွားခဲ့‌ကြောင်း သိရသည်။

Source: CNA


LEAVE A REPLY

Please enter your comment!
Please enter your name here