Category: Movies

မြန်မာသည် ဒေသတွင်းနိုင်ငံများနှင့် နိုင်ငံသားချင်း ဆက်ဆံရေးပိုမိုနားလည်ခိုင်မြဲအောင် လုပ်ဆောင်နေကြချိန်တွင်အိမ်နီးချင်းများကိုလည်း အထူးအလေးထားလာနေသည်။ မြန်မာ-အိန္ဒိယ ချစ်ကြည်ရေးအသင်းကအိန္ဒိယသံအမတ်ကြီးအားတည်ခင်းသော မိတ်ဆက် ညစာစားပွဲကိုယနေ့ ဇွန်လ ၄ ရက် ၊ညနေ ၆ နာရီက ရန်ကုန်မြို့ Lotte Hotel ရှိ Emerald Roomတွင်ကျင်းပခဲ့သည်။ ထိုပွဲတွင် နှစ်နိုင်ငံ ကုန်သွယ်မှုပမာဏတိုးမြှင့်နိုင်ရေး၊ နှစ်နိုင်ငံဓလေ့များအပြန်အလှန်နားလည်ပြီး ကူးလူးဆက်ဆံနိုင်ရေး၊ ချစ်ကြည်ရင်းနှီးမှုပိုမိုခိုင်မာရေးတို့ လုပ်ဆောင်သွားကြမည်ဖြစ်ကြောင်း မြန်မာ-အိန္ဒိယ ချစ်ကြည်ရေးအသင်းဥက္ကဋ္ဌ ဦးဝင်းမြင့်နှင့် မြန်မာနိုင်ငံဆိုင်ရာ အိန္ဒိယသံအမတ်ကြီး အဘေးထာကိုးလ်တို့က ရင်းနှီးစွာ ဆွေးနွေးဖလှယ်ခဲ့ကြသည်။ မြန်မာ-အိန္ဒိယ ချစ်ကြည်ရေးအသင်းဥက္ကဋ္ဌ ဦးဝင်းမြင့်သည် စီးပွါးကူးသန်းဝန်ကြီးဟောင်းတစ်ဦးဖြစ်သလို ကုန်သည်စက်မှု အသင်းချုပ်ကြီး၏ ဥက္ကဋ္ဌတာဝန်ကိုလည်း ထမ်းဆောင်ခဲ့ဖူးသူဖြစ်သည်။ ဤချစ်ကြည်ရေးအသင်းတွင် အိန္ဒိယနှင့်ကုန်သွယ်နေသော ကုမ္မဏီများ၊ နယ်စပ်မှ လုပ်ငန်းရှင်များ၊ သံတမန်ဝန်ထမ်း ဟောင်း၊အိန္ဒိယအသိုင်းအဝိုင်းမှ ပုဂ္ဂိုလ်များပါဝင်ကြသည်။