သာမန်လူတန်းစား ဝယ်ယူစားသုံးနိုင်တဲ့ တန်ဖိုးထက် အခြေခံစားသောက်ကုန်များက အဆမတန် တန်ဖိုး ကြီးမြင့်ခြင်းကို ဖြစ်ပေါ်လာစေတဲ့ မည်သည့်စီးပွားရေးပုံစံကို မဆို နည်းစနစ်ကိုမဆို ရှောင်ရှားကြရမှာဖြစ်တယ်။ ဈေးကွက် စီးပွားရေးစနစ်ကို ကျင့်သုံးရမှာဖြစ်သော်လည်း ဈေးကွက် စီးပွားရေးစနစ်ထဲမှာ အဲဒီလိုအဖြစ်အပျက်တွေ ဖြစ်ပေါ်လာနေ ရင် လိုအပ်သလို ထိန်းညှိပြုပြင်ရမှာဖြစ်တယ်။ သာမန်လူတန်း စားဆိုတာ တစ်နေ့တာဝင်ငွေကို တစ်နေ့တာ စားဝတ်နေရေး အသုံးစရိတ်အတွက် ဖြေရှင်းနေကြရသူတွေနဲ့ လစာနည်း ဝန်ထမ်းတွေကို ဆိုလိုပါတယ်။ အခြေခံ စားသောက်ကုန်ဆိုတာ ကတော့ မဖြစ်မနေ ဝယ်ယူစားသုံးနေကြရတဲ့ ဆန်၊ ဆီ၊ ဆား၊ သားငါး၊ ဟင်းသီးဟင်းရွက် အသီးအနှံများကို ဆိုလိုပါတယ်။
စီးပွားရေးစနစ်တစ်ခုဟာ ကုန်ဈေးနှုန်းကြီးမြင့်ခြင်းကို ဝေါဟာရပြောင်းလဲခြင်းအဖြစ် ညင်သာစွာ ကူးပြောင်းနိုင်တဲ့ နည်းလမ်းရှိပါလိမ့်မယ်။ ကုန်ဈေးနှုန်းကြီးမြင့်ခြင်းနဲ့အတူ သာမန်လူတန်းစားများရဲ့ တစ်နေ့တာ လုပ်အားခဝင်ငွေဟာ မြင့်မားတိုးတက်လာခြင်းကို ဆိုလိုတယ်။ စီးပွားရေးစနစ်တစ်ခု ဟာ ကုန်ဈေးနှုန်း ကြီးမြင့်ခြင်းကို ဝေါဟာရပြောင်းလဲခြင်း အဖြစ် ညင်သာစွာ ကူးပြောင်းတဲ့အခါ နိုင်ငံတကာငွေကြေးစံနှုန်း ဖလှယ်နှုန်းထားတွေနဲ့ ဟန်ချက်ညီအောင် ဆောင်ရွက်နိုင်မှသာ လျှင် အောင်မြင်တဲ့ ညင်သာစွာ ကူးပြောင်းခြင်းဖြစ်တယ်။ (ဒီ နေရာမှာ ဇင်ဘာဘွေနိုင်ငံရဲ့ ငွေကြေးတန်ဖိုး အပြောင်းအလဲ ဟာ သင်ခန်းစာကောင်းတစ်ခုဖြစ်တယ်။)
မှတ်စုဟောင်းတွေပြန်ကြည့်ရင်း အထက်ပါစာပိုဒ်ကလေး ကို ပြန်တွေ့သည်။ အောက်ခြေရက်စွဲကို ကြည့်မိတော့ (၂ဝ၁ဝ.၇.၂၅) ရက်နေ့က ဖြစ်သည်။ ကျွန်တော်သည် လူ လတ်တန်းစားမိသားစုမှ မွေးဖွားကြီးပြင်းခဲ့ပြီး ယခုလည်း လူလတ်တန်းစားမိသားစုဘဝကို ပိုင်ဆိုင်ထားသူဖြစ်သည်။ ထို့ကြောင့် လူလတ်တန်းစားတို့၏ ထုံးစံအတိုင်း ဆင်းရဲသော မိသားစုဘဝသို့ ရောက်သည့်အခါများရှိသလို လူချမ်းသာများ လို စားသောက်သုံးဖြုန်းနိုင်သော နေ့ရက်တချို့လည်းရှိကြောင်း ဝန်ခံပါသည်။ များသောအားဖြင့် စားဝတ်နေရေး အသင့် အတင့် အဆင်ပြေသော မိသားစုသာဖြစ်ပါသည်။ စီးပွားရေး အောင်မြင်အောင် မစွမ်းဆောင်နိုင်သူက စီးပွားရေးနှင့် ငွေ ကြေးစနစ်အကြောင်း ပြောနေမိ သည်မှာ နှာခေါင်းရှုံ့စရာဖြစ် ကောင်းဖြစ်ပါမည်။ မတတ်နိုင်ပါ။ ရိပ်ကာဝဲကာနှင့် မိမိစဉ်းစားဆင်ခြင် ဖူးတာတို့ ပြန်လည်ပြောပြခြင်းသာ ဖြစ်ပါသည်။ ဤနေရာတွင် စီးပွား ရေးနှင့် ငွေကြေး၏ သဘောတရားကို ပိုင်နိုင်ကျွမ်းကျင်သူများ၏ စဉ်းစား ပြုမူဆောင်ရွက်ချက်များကို ကျွန် တော်လိုက်နာရန် အသင့်ရှိပါသည်။
ကျွန်တော်အိမ်ထောင်ကျစက ကုန်ဈေးနှုန်းကို ဝေဖန်ပြစ်တင်ဖူးပါ သည်။ ကျွန်တော့်ပြစ်တင် ဝေဖန်မှု ကို ကြားနေသော အမျိုးသမီးကြီး တစ်ဦးက မောင်နေမျိုးရေ ငါတို့က တော့ ကုန်ဈေးနှုန်းတက်တာကို ဘာ မှမပြောတော့ပါဘူးကွယ်။ တက်ရင် လည်း တက်တဲ့ဈေးနဲ့ ကိုယ်ဝယ်စား နိုင်ပါရစေလို့ပဲ အောက်မေ့တယ်ဟု ဆိုပါသည်။ ကျွန်တော့်အတွက် တန် ဖိုးကြီးတဲ့ စကားတစ်ခွန်းပါပဲ။ ယနေ့ ကျွန်တော့်လက်ထဲမှာ ဝင်ငွေ ဘယ်လောက်ရှိသလဲ၊ ဟဲ ဟဲ ဟဲ စာမူတစ်ပုဒ်တော့ ရေးဖြစ်လေပြီ။ ဒါဆို သိပ်တော့မဆိုး ဝင်ငွေနည်း နည်းတော့ ရမှာကိုး။
နေမျိုး