အမှောင်ကို ထွန်းညှိထားတဲ့
ပိုးစုန်းကြူးအလင်းနဲ့
သန်းခေါင်ယံ ညဥ့်နက်နက်ကို
ဝင်းလက်ဖို့
မင်းနှုတ်ခမ်း ပွင့်ချပ်လွှာ
ချိုမြလေမလားမြို့
အထီးကျန်မှုက ငါ့ရင်ခွင်ကို
နာနာကျင်ကျင်စူးဝင်
ပုံပြင်တွေနဲ့ ကြီးပြင်းရမယ့်
ကလေးငယ်လို
အချစ်က သားချော့တေးလို
နှစ်သိမ့် စေသလား မြို့
ဘဝကို စက္ကူရုပ်လို ချိုး
လောကဓံ မိုးသည်းသည်းထဲ
ရင်ဝေဒနာနဲ့
လှမ်းမိတဲ့လမ်းက သင်ခန်းစာတွေနဲ့
စုလို့ပုံလို့
လှောင်ပြောင်နေရုံနဲ့
မပြီးဆုံးနိုင်တဲ့ ခရီး
မင်းဆောင်းချင်တဲ့ သရဖူက
င့ါအသက်ကိုလား မြို့
ဆည်းဆာမရှိဘဲ
အလင်းစစ်စစ်ရဖို့ မလွယ်ဘူး
တိုင်းပြည်တစ်ပြည်ကို
လက်နက်နိုင်ငံတော်ကစလို့
မင်းဧကရာဇ်မရှိတဲ့ နန်းတော်ဟာ
အဆံမရှိတဲ့ အမြောက်
ဖုန်မှုန့်တွေ လွှမ်းမောက်စေတဲ့
အိမ်အိုလို
ရွှမ်းစိုမှုမရှိတဲ့ဥယျာဉ်မှာ ပန်းက
အင်္ဂါမစုံဘဲ ပွင့်ရတဲ့မြို့
နွေဥတုက ပူလောင်မှုကို သရဖူဆောင်း
မိုးဥတုက ရွာသွန်းမှုကို ဂီတသံပြောင်း
ဆောင်းဥတုဟာ နှင်းငွေ့ကို
မဟောင်းစေတဲ့မြို့
စောင့်မျှော်ဖူးတဲ့ လမ်းကလေးက ခြောက်သွေ့
ဘယ်တော့မှ မေ့မရနိုင်တဲ့
မြစ်ကမ်းနံဘေးက မြို့လေးရေ
နှင်းငွေ့တွေနဲ့ အေးခဲနေမလား
မိုးစက်တွေနဲ့ ချမ်းစိမ့်နေမလား
နွေဥသြတေးနဲ့ လွမ်းဖွဲ့နေမလား
အိမ်ပြန်ချိန် နောက်ကျခဲ့တဲ့ လမ်းက
မဖြောင့်တန်းတဲ့မြို့
တန်ခူးလေပြေလို မင်းအသံကညင်းသွဲ့
ပြေးထွက်မရ ထောင်ချောက်မှာ
ငါဟာသားကောင်
လှောင်အိမ်က မင်းအနမ်း
ငါ့ဇာတ်လမ်းနဲ့ငါ ကမ်းကခွာမရတဲ့မြို့။
နေဘုဏ်းဝေ