လူရွှင်တော်အသင်း ရန်ကုန်မှ ကြီးမှူးကျင်းပတဲ့ (ဒုတိယအကြိမ်)သက်ကြီး လူရွှင်တော်ကြီးများအား ကူညီထောက်ပံ့ရေး ရန်ပုံငွေ ကပွဲကို ဇူလိုင်၂၃ရက်၊ည ၆နာရီက ရန်ကုန် မြို့၊ အမျိုးသားကဇာတ်ရုံမှာ ပြုလုပ် ခဲ့ပါတယ်။ ဒီပွဲမှာတော့ ဒါရိုက်တာမောင်သီစီစဉ်ပြီး ဇာဂနာ၊အရိုင်း၊ မေတ္တာ၊ကင်းကောင်၊ညောင်ညောင်၊ ငှက်ပျောကြော်၊ ငြိမ်းချမ်း၊ ဒိန်းဒေါင်၊ ထက်ထက်၊ ဗေဒါ၊ ဝက်မ၊ မိုးတိမ်၊ သီးလေးသီး၊5stars၊Emperor၊မေတ္တာရွှေစင်၊Galaxystar၊Hero5ဟားညီနောင်၊လူငယ်စတား၊ ခေတ်သစ်ကြေးမုံအဖွဲ့နဲ့ လူရွှင်တော်များ စွာကပါဝင် ဖျော်ဖြေတင်ဆက်ခဲ့ကြပါတယ်။မင်းသမီး တွေအနေနဲ့ဒါလီလင်း၊တင်ဇာမိုးဝင်း၊ နေခြည်ငြိမ်းချမ်းတို့က ကပြတင်ဆက်ခဲ့ကြပါတယ်။ ဒီဖျော်ဖြေပွဲမှာတော့ လူ ရွှင်တော် ပေါင်းများစွာရဲ့ ပြဇာတ်၊အငြိမ့်၊ အပါ အဝင် ဟာသအစီစဉ်ပေါင်းများစွာကို မြိုင်ဆိုင်စွာ တင်ဆက်ကပြခဲ့ကြပါတယ်။
“လူရွှင်တော်အသင်းက ကြီးမှူးကျင်းပတဲ့ သက် ကြီးလူရွှင်တော်ကြီးများ ကူညီထောက်ပံ့ဖို့ ရန်ပုံငွေရှာ တဲ့ပွဲကြီးမှာကျွန်မချစ်တဲ့အဖေများ၊ ဦးလေးများ၊ အစ်ကိုကြီးများ၊ အစ်မများ၊ မောင်လေးများ၊ ညီမလေး တွေနဲ့ပျော်ရွှင်စွာအနုပညာနဲ့ ပူဇော်ခွင့်ရခဲ့တာကျေနပ် တယ်။ ပျော်တယ်။ အားပေးလှုဒါန်းကြ သောပရိသတ် များကိုလည်း အထူးကျေးဇူးတင်ရှိပါတယ်”လို့ အဆိုပါ ဖျော်ဖြေပွဲမှာ တင်ဆက်ကပြခဲ့တဲ့ တင်ဇာမိုးဝင်းက သူ့ရဲ့ပီတိစကားကိုပြောပြခဲ့ပါတယ်။
ဒီဖျော်ဖြေပွဲက စက်တင်ဘာလမှာ ကျင်းပပြုလုပ်မယ့်လူရွှင်တော် သက်ကြီးပူဇော်ပွဲမှာ သက်ကြီးလူရွှင်တော်တွေကို ပူဇော်ကန်တော့ နိုင်ရန် အတွက် ရည်ရွယ်ပြုလုပ်တဲ့ပွဲလည်း ဖြစ်ပါတယ်။ အခုဖျော်ဖြေပွဲ မှာတော့ ပရိသတ်များရဲ့ စုစုပေါင်းအလှူငွေ ကျပ် ၃၆၇ သိန်း ရရှိခဲ့ တယ်လို သိရပါတယ်။
လင်းအက္ခရာ