(၂၅)ကြိမ်မြောက် အာဆီယံ-တရုတ် ထိပ်သီးအ စည်းအဝေးတွင် ရလဒ်ကောင်းများရရှိစေရန် အာဆီယံအဖွဲ့ဝင်နိုင်ငံများ၊တရုတ်နိုင်ငံတို့နှင့်အတူ မြန်မာနိုင်ငံမှဆက်လက်ပူးပေါင်းဆောင်ရွက်သွားမည်
(၂၈)ကြိမ်မြောက် အာဆီယံ-တရုတ် အဆင့်မြင့်အရာရှိကြီးများဆွေးနွေးပွဲ၏ ပူးတွဲဥက္ကဋ္ဌဖြစ်သူ နိုင်ငံခြားရေးဝန်ကြီးဌာန၊အမြဲတမ်းအတွင်းဝန်ဦးချမ်းအေးမှ ဇွန် ၁၀ ရက်ကပြုလုပ်သည့် ဆွေးနွေးပွဲသို့ ဗွီဒီယိုကွန်ဖရန့်စနစ်ဖြင့်တက်ရောက်စဥ်ပြောကြားခဲ့ခြင်းဖြစ်သည်။
အမြဲတမ်းအတွင်းဝန်ဦးချမ်းအေးသည် ပူးတွဲဥက္ကဋ္ဌတာဝန်အား တရုတ်နိုင်ငံ၊လက်ထောက်နိုင် ငံခြားရေးဝန်ကြီး Mr. Wu Jianghao နှင့်အတူ ဆောင်ရွက်ခဲ့ခြင်းဖြစ်သည်။
တောင်တရုတ်ပင်လယ်တွင် နိုင်ငံများလိုက်နာရမည့် လုပ်ထုံးလုပ်နည်းဆိုင်ရာကြေညာစာတမ်းအ ကောင်အထည်ဖော်ခြင်းနှင့်ထိရောက်၍ အနှစ် သာရရှိသည့် တောင်တရုတ်ပင်လယ်ဆိုင်ရာကျင့် ထုံးတစ်ရပ်ဆွေးနွေးမှုတွင် တိုးတက်မှုများရရှိရန် မြန်မာနိုင်ငံမှတရုတ်နိုင်ငံနှင့်အတူ ပူးတွဲဥက္ကဋ္ဌအဖြစ် ညှိနှိုင်းဆောင်ရွက်နေမှုတို့အား အမြဲတမ်းအတွင်းဝန်ဦးချမ်းအေးက ဆွေးနွေးပြောကြားခဲ့သည်။
“ဒေသတွင်းရင်ဆိုင်နေရတဲ့ စိန်ခေါ်မှုတွေကို ဖြေရှင်းရာမှာ အာဆီယံအဖွဲ့ဝင်နိုင်ငံတွေနဲ့ ပူးပေါင်းဆောင်ရွက်မှုကိုမြှင့်တင်ဖို့အတွက် တရုတ်နိုင်ငံရဲ့ အဆိုပြုချက်အသစ်တွေ ဆွေးနွေးလာတဲ့အပေါ် ကျေးဇူးတင်ပါတယ်”ဟု အမြဲတမ်းအတွင်းဝန်ဦးချမ်းအေးက ပြောသည်။
ထို့ပြင် မြန်မာနိုင်ငံသည် အာဆီယံ-တရုတ်ဆွေး နွေးဖက်ဆက်ဆံရေး၏ ညှိနှိုင်းရေးမှူးနိုင်ငံအနေ ဖြင့်(၂၅)ကြိမ်မြောက် အာဆီယံ-တရုတ် ထိပ်သီးအစည်းအဝေးတွင် ရလဒ်ကောင်းများရရှိစေရန် အာဆီယံအဖွဲ့ဝင်နိုင်ငံများ၊တရုတ်နိုင်ငံတို့နှင့်အ တူ ဆက်လက်ပူးပေါင်းဆောင်ရွက်သွားမည်ဟု ပြောသည်။
အစည်းအဝေး၌ အာဆီယံ-တရုတ်ဆွေးနွေးဖက်ဆက်ဆံရေးနှစ်(၃၀)ပြည့် နှစ်ပတ်လည်အထိမ်း အမှတ်အထူးအစည်းအဝေး၏ ရလဒ်များအ ကောင်အထည်ဖော်ရာ၌ တိုးတက်မှုများအား ပြန် လည်သုံးသပ်ဆွေးနွေးခဲ့ကြသည်။
ထို့ပြင် အာဆီယံနှင့်တရုတ်နိုင်ငံတို့အကြား ဆက် ဆံရေးဖြစ်ပေါ်တိုးတက်မှုများ၊အာဆီယံ-တရုတ် ဘက်စုံမဟာဗျူဟာမြောက်မိတ်ဖက်ဆက်ဆံရေး အကောင်အထည်ဖော်ရန် အာဆီယံ-တရုတ်လုပ် ငန်းစီမံချက်(၂၀၂၁-၂၀၂၅)အား ပြင်ဆင်ရေးဆွဲမှုအခြေအနေများ၊မဏ္ဍိုင် ၃ ရပ်အောက်တွင် အာဆီယံ-တရုတ်ဘက်စုံ မဟာဗျူဟာမြောက် မိတ်ဖက်ဆက်ဆံရေးမြှင့်တင်ခြင်းနှင့်ဘုံစိတ်ဝင်စားမှုရှိသည့် ဒေသတွင်းနှင့်နိုင်ငံတကာရေးရာကိစ္စများအား ဆွေးနွေးခဲ့ကြသည်။
