ရန်ကုန်၊ ဇူလိုင် ၂၂
၂၀၂၆-၂၀၂၇ ဘဏ္ဍာနှစ်၏ ပထမသုံးလတာကာလအတွင်း မြန်မာနိုင်ငံမှ ပြည်ပသို့ ပုစွန် မက်ထရစ်တန် ၂,၁၅၇ ဒသမ ၁၉၉ တန် တင်ပို့နိုင်ခဲ့ပြီး ပို့ကုန်ဝင်ငွေအဖြစ် အမေရိကန်ဒေါ်လာ ၆ ဒသမ ၅၅၂ သန်း ရရှိခဲ့ကြောင်း ငါးလုပ်ငန်းဦးစီးဌာနမှ သိရသည်။
ဧပြီ ၁ ရက်မှ ဇွန်လကုန်အထိ သုံးလတာကာလအတွင်း ပုံမှန်ကုန်သွယ်မှုလမ်းကြောင်းမှ ပုစွန် မက်ထရစ်တန် ၂,၁၀၀ ဒသမ ၇၇၉ တန် တင်ပို့ခဲ့ပြီး အမေရိကန်ဒေါ်လာ ၆ ဒသမ ၂၄၁ သန်း ရရှိခဲ့သည်။
ထို့အပြင် နယ်စပ်ကုန်သွယ်မှုလမ်းကြောင်းမှလည်း မက်ထရစ်တန် ၅၆ ဒသမ ၄၂ တန် တင်ပို့နိုင်ခဲ့ကာ အမေရိကန်ဒေါ်လာ ၀ ဒသမ ၃၁၁ သန်း ရရှိခဲ့ကြောင်း သိရသည်။
အဆိုပါကာလအတွင်း ပုစွန်တင်ပို့မှုစုစုပေါင်းမှာ မက်ထရစ်တန် ၂,၁၅၇ ဒသမ ၁၉၉ တန်ရှိခဲ့ပြီး ပို့ကုန်ဝင်ငွေအဖြစ် အမေရိကန်ဒေါ်လာ ၆ ဒသမ ၅၅၂ သန်း ရရှိခဲ့ခြင်းဖြစ်ကြောင်း ငါးလုပ်ငန်းဦးစီးဌာန၏ စာရင်းများအရ သိရသည်။
လက်ရှိတွင် မြန်မာနိုင်ငံမှ ပုစွန်၊ ငါးနှင့် အခြားရေထွက်ကုန်များကို တရုတ်၊ ထိုင်း၊ ဘင်္ဂလားဒေ့ရှ်၊ ဂျပန်အပါအဝင် နိုင်ငံပေါင်း ၄၀ ကျော်သို့ ပင်လယ်ရေကြောင်းနှင့် နယ်စပ်ကုန်သွယ်ရေးလမ်းကြောင်းများမှ တစ်ဆင့် တင်ပို့လျက်ရှိသည်။