စွမ်းအင်ဝန်ကြီးဌာန၊ စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီနှင့် ရေနံနှင့် ရေနံထွက်ပစ္စည်းကြီးကြပ်စစ်ဆေးရေးဦးစီးဌာနတို့သည် တရားမဝင်စက်သုံးဆီလုပ်ငန်းများလုပ်ကိုင်ဆောင်ရွက်နေမှုများကို ဥပဒေနှင့်အညီ ထိထိရောက်ရောက်အရေးယူဆောင်ရွက်လျက်ရှိသည်။
ထိုသို့ ဆောင်ရွက်လျက်ရှိရာ ၂၀၂၄ ခုနှစ်၊ ဧပြီ ၁ ရက်မှ ၂၀၂၅ ခုနှစ်၊ စက်တင်ဘာ ၃၀ ရက်အထိ တိုင်းနှင့်ပြည်နယ်များတွင် တရားမဝင်စက်သုံးဆီ သယ်ယူဖြန့် ဖြူးရောင်းချမှု(၅၅၃)ကြိမ်မှ ငွေကျပ်(၁၈,၉၂၂)သန်းကျော်တန်ဖိုးရှိ စက်သုံးဆီတန်ချိန်(၃,၀၃၇)တန်ခန့်ကို သိမ်းဆည်းရမိခဲ့သဖြင့် ရေနံထွက်ပစ္စည်းဆိုင်ရာ ဥပ ဒေနှင့်အညီ အရေးယူဆောင်ရွက်ခဲ့သည်။
စက်သုံးဆီများအား တရားမဝင်သယ်ယူသိုလှောင်ဖြန့် ဖြူးရောင်းချခြင်းလုပ်ငန်းများသည် သတ်မှတ်ချက်များနှင့်အညီဆောင်ရွက်ရသည့် လုပ်ငန်းများမဟုတ်သ ဖြင့် မီးဘေးအန္တရာယ်ဖြစ်ပွားနိုင်ပြီး သဘာဝပတ်ဝန်း ကျင်ထိခိုက်နိုင်ကာ နိုင်ငံတော်နှင့် အများပြည်သူပိုင်ပစ္စည်းများဆုံးရှုံးနိုင်ခြင်း၊ နိုင်ငံတော်မှရသင့်ရထိုက်သည့် ဘဏ္ဍာငွေများဆုံးရှုံးနစ်နာနိုင်ခြင်း၊ အများပြည်သူအနေဖြင့် စံချိန်စံညွှန်း၊ အရည်အသွေးပြည့်မီသည့် စက်သုံးဆီများ မသုံးစွဲနိုင်ခြင်း၊ ဥပဒေနှင့်လည်း ညီ ညွတ်ခြင်းမရှိ၍ လုပ်ကိုင်လိုပါက ဥပဒေနှင့်အညီ သက် ဆိုင်ရာလုပ်ငန်းလိုင်စင်များရယူဆောင်ရွက်ကြရန် အသိပေးတိုက်တွန်းနှိုးဆော်ခဲ့သည်။
တရားဝင်လုပ်ငန်းလိုင်စင်ရယူ၍ လုပ်ငန်းများလုပ်ကိုင်သော်လည်း ဥပဒေပြဋ္ဌာန်းချက်များ၊ လမ်းညွှန်ချက်များနှင့်အညီဆောင်ရွက်ခြင်းမရှိပါက ရေနံနှင့် ရေနံထွက်ပစ္စည်းဆိုင်ရာဥပဒေပြဋ္ဌာန်းချက်အရ စီမံခန့်ခွဲရေးနည်းလမ်းဖြင့် အရေးယူဆောင်ရွက်သွားမည်ဖြစ်ပြီး ယင်းဥပဒေပုဒ်မ ၃၄ ပုဒ်မခွဲ (က)အရ သတိပေးခြင်း၊ ပုဒ်မ ၃၄ ပုဒ်မခွဲ(ခ)အရ သတ်မှတ်ထားသော ဒဏ်ကြေးငွေတပ်ရိုက်ခြင်း၊ ပုဒ်မ ၃၄ ပုဒ်မခွဲ(ဂ)အရ လိုင်စင်ကို ကာလအကန့် အသတ်ဖြင့်ရပ်ဆိုင်းခြင်း၊ ပုဒ်မ ၃၄ ပုဒ်မခွဲ(ဃ)အရ လိုင်စင်ကိုအမြဲတမ်းရုပ်သိမ်းခြင်း(သို့)ပယ်ဖျက်ခြင်းများပြုလုပ်မည်ဖြစ်သည်။
စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီနှင့် ရေနံနှင့် ရေနံထွက်ပစ္စည်းကြီးကြပ်စစ်ဆေးရေးဦးစီးဌာနတို့သည် တရားမဝင် စက်သုံးဆီသိုလှောင်ဖြန့်ဖြူးရောင်းချမှုမရှိစေရေးနှင့် လျော့နည်းပပျောက်စေရေးကို ဥပဒေနှင့်အညီ ထိန်းကြောင်းဆောင်ရွက်လျက်ရှိကာ တရားမဝင်ကုန်သွယ်မှု တိုက်ဖျက်ရေးအဖွဲ့များနှင့်ပူးပေါင်း၍ စစ်ဆေးကြပ် မတ်ခြင်းနှင့် တရားမဝင်စက်သုံးဆီဖြန့်ဖြူးရောင်းချခြင်းမရှိစေရန် အသိပညာပေးလုပ်ငန်းများကိုဆောင် ရွက်လျက်ရှိသည်။