ချစ်စရာအမူအရာလေးနဲ့ ပရိသတ်လက်ခံအားပေးမှုကို ရရှိ ထားသူကတော့ သရုပ်ဆောင် ရွှေသမီးပါ။ အနုပညာ ပျိုးခင်းရဲ့ရွေးချယ်စင်တင်မှုနဲ့ အနုပညာလောကကိုရောက်ရှိ လာခဲ့ပြီးနောက် လက်ရှိမှာတော့ရုပ်ရှင်ဇာတ်ကားတွေမှာဆက်တိုက် ပါဝင်ရိုက်ကူးနေပြီဖြစ်ပါတယ်။ မကြာခင်ရုံတင်ပြသတော့မယ့် ‘ဓားငပြူး’ ရုပ်ရှင်ဇာတ်ကားမှာလည်း မြင့်မြတ်၊ ခင်လှိုင်စတဲ့ သရုပ်ဆောင်များနဲ့အတူ ပါဝင်သရုပ်ဆောင်ထားပါတယ်။ ဒီ ရုပ်ရှင်ဇာတ်ကားမှာ ပါဝင်သရုပ်ဆောင်မှုနဲ့ပတ်သက်ပြီး…
”ဒီဇာတ်ကားထဲမှာတော့ ဂျမ်းပုံဆိုတဲ့ကောင်မလေး တစ် ယောက်နေရာက ပါဝင်သရုပ်ဆောင်ထားပါတယ်။ အလှအပ လည်း တအားမက်တယ်။ နာမည်ကြီးတာကိုလိုချင်တာပေါ့။ Popular ဖြစ်တာကို ကြိုက်တာပေါ့။ အဲဒီလိုဖြစ်တဲ့အခါ ကျ တော့ ကိုယ့်ကိုယ်ကိုယ်ဂျမ်းရတီဆိုပြီးတော့ နာမည်ပြောင်းထား တာပေါ့။ အဲဒီလိုပုံစံလေးပါ။ ဓားငပြူးမှာ အမှတ်တရတွေကတော့ ကိုမြင့်မြတ်ကတံတားပေါ်ကနေ ပြုတ်ကျတဲ့အခန်းပေါ့။ သူပြုတ် ကျသွားတဲ့ရေအိုင်ထဲမှာ မျှော့တွေမှအများကြီးပဲ။ ကိုယ်က အရင် က မျှော့ကိုသေချာမမြင်ဖူးဘူး။ မမြင်ဖူးပေမယ့် ကိုယ်ကသိနေတာ ပေါ့နော်။ ရှည်ပြီးတော့မည်းမည်းကြီးတွေ။ ကိုမြင့်မြတ်က အဲဒီ မျှော့တွေကို တုတ်နဲ့ယူပြီးတော့ လိုက်စတာပေါ့။ အဲဒီမှာ ကိုယ်က ငိုရော။ အဲဒါကတော့ အမှတ်တရပါပဲ။ တအားကြီးကြောက်တာ တော့ မဟုတ်ပါဘူး။ အသည်းယားတာပေါ့” လို့ ပြောပြခဲ့ပါတယ်။
ရွှေသမီးက တိရစ္ဆာန်လေးတွေကို ချစ်တတ်သူဖြစ်ပြီး နေအိမ် မှာလည်း အိမ်မွေးတိရစ္ဆာန်လေးတွေမွေးထားသူပါ။ သူ့ရဲ့အိမ်မွေး တိရစ္ဆာန်လေးတွေရဲ့အကြောင်းကိုလည်း…
”အိမ်မှာမွေးထားတဲ့ တိရစ္ဆာန်တွေဆိုရင် ရန်ကုန်မှာတော့ မရှိ ဘူး။ မန္တလေးမှာရှိတယ်။ ကြောင်တစ်ကောင်ရှိတယ်။ ခွေးတစ်ကောင် ရှိတယ်။ ကြက်လေးတစ်ကောင်ရှိတယ်။ ပြီးရင် မန်ဒါလီတစ်ကောင် ရှိတယ်။ မန်ဒါလီကို ဒါလီမလို့အမည်ပေးထားပါတယ်”လို့ သရုပ်ဆောင် ရွှေသမီးက ပြောပြခဲ့ပါတယ်။
ဇော်ဝင်းအောင်၊
ဓာတ်ပုံ – မင်းမင်းထွန်း