မန္တလေးငလျင်ကြီးဒ-ဏ်ကြောင့် ပျ-က်စီးမှုအချို့ဖြစ်ပေါ်ခဲ့သည့် ဧရာဝတီတံတား(ရတနာပုံ)အားပြန်လည်ပြင်ဆင်ပြီးချိန်မှစ၍ ကားများအားတန်ချိန်သတ်မှတ်ချက်အဆင့်ဆင့်တိုးမြှင့်ဖြတ်သန်းခွင့်ပြုခဲ့ရာမှ လက်ရှိအချိန်တွင် Load Test စစ်ဆေးကာ ၄၅ တန်ကားများကိုပါဖြတ်သန်းခွင့်ပြုပြီဖြစ်ကြောင်း သိရသည်။
ဧရာဝတီတံတား(ရတနာပုံ)သည် မန္တလေးငလျင်ကြီးဒဏ်ကြောင့် ရေလယ်တိုင်ရှိ Gusset Plate များ၊ သံပေါင်ရှိ Inclined Member များ၊ Bearing များပျက်စီးခဲ့၍စစ်ဆေးပြီးချိန်တွင် ကနဦးအနေဖြင့် (ကုန်+ယာဉ်) ၁၅ တန်ကိုစတင်ဖြတ်သန်းခွင့်ပြုခဲ့ကြောင်း သိရသည်။
ထို့နောက် ပထမအဆင့်ပြင်ဆင်မှုအနေဖြင့် သံပေါင်ချုပ်တန်းများ၊ Gusset Plate များလဲလှယ်ပြီး၍ Load Test စစ်ဆေးပြီးနောက် ၂၀၂၅ ခုနှစ်၊ နိုဝင်ဘာလတွင် (ကုန်+ယာဉ်) ၂၅ တန်အထိတိုးမြှင့်ဖြတ်သန်းခွင့်ပြုပေးခဲ့ကာ လက်ရှိအချိန်၌ ဒုတိယအဆင့်ပြင်ဆင်ပြီး၍ Load Test စစ်ဆေးပြီး (ကုန်+ယာဉ်) ၄၅ တန်အထိ တိုးမြှင့်ဖြတ်သန်းခွင့်ပြုခဲ့ခြင်းဖြစ်ကြောင်း သိရသည်။
ထို့အတူ တံတားကြီး၏ မူလခွင့်ပြုထားသော တန် ၆၀ အထိပြန်လည်ခွင့်ပြုပေးနိုင်ရန် ပျ-က်စီးသွားသော Bearings လဲလှယ်ခြင်းများကိုလည်း ဆက်လက်ဆောင်ရွက်လျက်ရှိကြောင်း သိရသည်။
ထိုသို့ ဆောင်ရွက်နေခြင်းနှင့် ၄၅ တန်အထိ ကုန်တင်ယာဉ်များနှင့် ဆီသယ်ယာဉ်များစတင်ဖြတ်သန်းသွားလာမှုတို့ကို ဆောက်လုပ်ရေးဝန်ကြီးဌာန ပြည်ထောင်စုဝန်ကြီးဦးမျိုးသန့်မှ ဧပြီ ၂၅ ရက်ကကြည့်ရှုစစ်ဆေးခဲ့ကြောင်း သိရသည်။