ဧရာဝတီတိုင်းမှ ရေဘေးသင့်ဒေသများရှိ Grade-12 ဖြေဆိုမည့် ကျောင်းသား/သူများကို စခန်းသွင်းလေ့ ကျင့်ပေးသွားမည်ဖြစ်ကြောင်း စက်တင်ဘာ ၁၇ ရက်က ဧရာဝတီတိုင်းဝန်ကြီးချုပ်ဦးအေးကျော် ဦးဆောင်ပြုလုပ်သည့် တက္ကသိုလ်ဝင်တန်းစာမေးပွဲနှင့်ပက်သက်သည့် အစည်းအဝေးမှ သိရသည်။
၂၀၂၇ ခုနှစ် တက္ကသိုလ်ဝင်တန်းစာမေးပွဲ၌ အောင်ချက်မြင့်မားရေးအတွက် တိုင်းဝန်ကြီးချုပ်ဦးအေးကျော်ဦးဆောင်၍ ပုသိမ်တက္ကသိုလ်၌ ပုသိမ်တက္ကသိုလ်ပါမောက္ခချုပ်၊ စာစစ်မှူးချုပ်များနှင့် အစည်းအဝေးပြုလုပ်ခဲ့ကြောင်း သိရသည်။
အစည်းအဝေးတွင် တိုင်းဝန်ကြီးချုပ်က တိုင်းအစိုးရအဖွဲ့အနေဖြင့် အဆင့်မြင့်ပညာဦးစီးဌာန၊ အခြေခံပညာဦးစီးဌာနတို့နှင့်ပူးပေါင်း၍ တက္ကသိုလ်ဝင်တန်းအောင် ချက်မြင့်မားရေးအတွက် ကြိုးပမ်းဆောင်ရွက်လျက်ရှိရာ အောင်ချက်အားနည်းသည့် ဘာသာရပ်များတွင် အောင်မှတ်ရရှိစေရေးအတွက် သက်ဆိုင်ရာ ဆရာ၊ ဆရာမများ၊ ကျောင်းအုပ်ကြီးများ၊ မြို့နယ်၊ ခရိုင်၊ တိုင်းအဆင့်ဆင့်တို့မှကြီးကြပ်ဆောင်ရွက်ပေးစေလိုသည်ဟု ပြောကြားခဲ့ကြောင်း သိရသည်။
ထို့ပြင် ယခုနှစ် တက္ကသိုလ်ဝင်တန်းအောင်ချက်မြင့်မားရေး၊ ဂုဏ်ထူးရှင်များ ပိုမိုထွက်ပေါ် လာစေရေးတို့အ တွက် တာဝန်ရှိသူများပူးပေါင်း၍ တက်ညီလက်ညီ ကြိုးပမ်းဆောင်ရွက်ရမည်ဟုလည်း တိုင်းဝန်ကြီးချုပ်က ပြောကြားခဲ့ကြောင်း သိရသည်။
ထို့အတူ တက်ရောက်လာကြသူများကလည်း တက္က သိုလ်ဝင်တန်းအောင်ချက်မြင့်မားရေးအတွက် ဘာသာရပ်အလိုက် ဆွေးနွေးပို့ချမည့် အစီအစဉ်များ၊ ရေဘေးသင့်ဒေသများမှ Grade-12 ဖြေဆိုမည့်ကျောင်းသား/သူများအတွက် စခန်းသွင်းလေ့ကျင့်ပေးသွားမည့် အခြေအနေများကိုရှင်းလင်းတင်ပြခဲ့ကြကြောင်း သိရသည်။