ဗိုလ်လုပွဲတက်ရောက်သွားခဲ့သည့် မြန်မာ့လက်ရွေးစင်တက်ဂ်ဘော အမျိုးသမီးနှစ်ယောက်တွဲအသင်း

မန္တလေးတိုင်း၊ ကျောက်ဆည်မြို့နယ်ရှိ ရန်ကုန်-မန္တလေးအမြန်လမ်းမကြီးပေါ်တွင် ယနေ့ စက်တင်ဘာ ၁၉ ရက်နေ့လယ် ၃ နာရီခွဲကျော်ခန့်က "မြတ်မန္တလာထွန်း" အဝေးပြေးခရီးသည်တင်ကားပေါ်သို့ သစ်ပင်လဲကျခဲ့ကြောင်း သိရသည်။ အမြန်လမ်းမကြီး၏ မိုင်တိုင်အမှတ် ၃၇၃/၄ တွင် "မြတ်မန္တလာထွန်း"အဝေးပြေးခရီးသည်တင်(Expressကားပေါ်သို့သစ်ပင်လဲကျပြီးလမ်းပိတ်နေသဖြင့် မီးသတ်တပ်ဖွဲ့ဝင်များနှင့် လူမှုကူညီရေးအသင်းဝင်များက ဖယ်ရှားရှင်းလင်းမှုများပြုလုပ်ခဲ့ကြကြောင်း သိရသည်။ ဖြစ်စဥ်ကြောင့် အဝေးပြေးခရီးသည်တင်(Express) ကား၏ ရှေ့လေကာမှန်မှာပျ-က်စီးသွားခဲ့ပြီး လိုက်ပါလာသူများတွင် ထိခိုက်ဒ-ဏ်ရာရသူမရှိခဲ့ကြောင်း သိရသည်။

တနင်္သာရီတိုင်း၊ ခမောက်ကြီးမြို့တွင် စက်တင်ဘာ ၁၈ ရက်နံနက်ပိုင်းက မိုးသည်းထန်စွာရွာသွန်းပြီး ခမောက်ကြီးချောင်းရေလျှံမှုကြောင့် ရေကြီးရေလျှံမှုများဖြစ်ပေါ်ကာ (၁၆)ကုတင်ဆံ့တိုက်နယ်ဆေးရုံနှင့် နေအိမ်များအတွင်းသို့ ရေဝင်ရောက်မှုများဖြစ်ပေါ်ခဲ့ကြောင်း သိရသည်။ ထိုသို့ ရေကြီးရေလျှံမှုများဖြစ်ပေါ်ခဲ့သော်လည်း ယနေ့ စက်တင်ဘာ ၁၉ ရက်တွင် ရေများပြန်လည်ကျဆင်းသွားသဖြင့် မွန်းတည့် ၁၂ နာရီခန့်မှစတင်ကာ မီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များနှင့် ဒေသခံများ၊ လူမှုကူညီရေးအသင်းဝင်များက (၁၆)ကုတင်ဆံ့ တိုက်နယ်ဆေးရုံအား သန့်ရှင်းရေးပြုလုပ်ခဲ့ကြကြောင်း သိရသည်။ ရေကြီးရေလျှံစဥ်ကတင်ကျန်ခဲ့သော အမှိုက်သရိုက်များ၊ နုန်းများ၊ ရွံ့နွံများကို ဖယ်ရှားရှင်းလင်းသန့်ရှင်းရေးပြုလုပ်ပေးခဲ့ကြကာ ရေတွင်းများကိုလည်း ရေစုပ်ထုတ်ပေးခဲ့ကြကြောင်း သိရသည်။

ဧရာဝတီတိုင်းမှ ရေဘေးသင့်ဒေသများရှိ Grade-12 ဖြေဆိုမည့် ကျောင်းသား/သူများကို စခန်းသွင်းလေ့ ကျင့်ပေးသွားမည်ဖြစ်ကြောင်း စက်တင်ဘာ ၁၇ ရက်က ဧရာဝတီတိုင်းဝန်ကြီးချုပ်ဦးအေးကျော် ဦးဆောင်ပြုလုပ်သည့် တက္ကသိုလ်ဝင်တန်းစာမေးပွဲနှင့်ပက်သက်သည့် အစည်းအဝေးမှ သိရသည်။ ၂၀၂၇ ခုနှစ် တက္ကသိုလ်ဝင်တန်းစာမေးပွဲ၌ အောင်ချက်မြင့်မားရေးအတွက် တိုင်းဝန်ကြီးချုပ်ဦးအေးကျော်ဦးဆောင်၍ ပုသိမ်တက္ကသိုလ်၌ ပုသိမ်တက္ကသိုလ်ပါမောက္ခချုပ်၊ စာစစ်မှူးချုပ်များနှင့် အစည်းအဝေးပြုလုပ်ခဲ့ကြောင်း သိရသည်။ အစည်းအဝေးတွင် တိုင်းဝန်ကြီးချုပ်က တိုင်းအစိုးရအဖွဲ့အနေဖြင့် အဆင့်မြင့်ပညာဦးစီးဌာန၊ အခြေခံပညာဦးစီးဌာနတို့နှင့်ပူးပေါင်း၍ တက္ကသိုလ်ဝင်တန်းအောင် ချက်မြင့်မားရေးအတွက် ကြိုးပမ်းဆောင်ရွက်လျက်ရှိရာ အောင်ချက်အားနည်းသည့် ဘာသာရပ်များတွင် အောင်မှတ်ရရှိစေရေးအတွက် သက်ဆိုင်ရာ ဆရာ၊ ဆရာမများ၊ ကျောင်းအုပ်ကြီးများ၊ မြို့နယ်၊...