အႏုပညာကုိခ်စ္စိတ္နဲ့ အႏုပညာလမ္းကုိေလွ်ာက္ေနတဲ့ သရုပ္ေဆာင္မုိးေကာင္း

မြန်မာနိုင်ငံဘောလုံးအဖွဲ့ချုပ်(MFF)မှဖွင့်လှစ်သင်ကြားပေးလျက်ရှိသည့် အခမဲ့နွေရာသီအခြေခံဘောလုံးသင်တန်း(ဒုတိယအသုတ်)မှ သင်တန်းသား/သူများကို ပရီးမီးယားလိဂ်ကလပ် Tottenham Hotspur အသင်းမှ နည်းပြများက အထူးအစီအစဉ်အနေဖြင့် မေ ၃ ရက်တွင်လေ့ကျင့်သင်ကြားပေးခဲ့ကြသည်။ Tottenham Hotspur အသင်းမှနည်းပြများဖြစ်သည့် Mr. Kevin Moffatt နှင့် Mr. Tyler Blackwood တို့က အခြေခံဘောလုံးနည်းစနစ်များကိုလက်တွေ့သင်ကြားပြသပေးခဲ့ကြသည်။

ပဲခူးတိုင်း၊ တောင်ငူမြို့ရှိ ကေတုမတီမြို့ဟောင်း၌ အ ရှည်ပေ(၂၁၀)ရှိ ရှေးဟောင်းကျုံးကူးတံတားတည် ဆောက်မည်ဖြစ်ရာ ပဲခူးတိုင်းဝန်ကြီးချုပ်ဦးမျိုးဆွေဝင်းက မေ ၃ ရက်နံနက်ပိုင်းတွင်ကြည့်ရှုစစ်ဆေးခဲ့သည်။ ကေတုမတီမြို့ဟောင်း၏ မြောက်ဘက်မြို့ရိုးမော် ကွန်းတံခါးပေါက်နှင့် ကျုံးရေပြင်အားဖြတ်သန်း၍ အ ရှည်ပေ(၂၁၀)ရှိ ရှေးဟောင်းကျုံးကူးတံတားတည် ဆောက်မည်ဖြစ်ပြီး လက်ရှိအချိန်တွင် ကျုံးနှင့် မြို့ရိုးကြား၌ မြေယာအလှရှုခင်းတို့ကိုဆောင်ရွက်လျက်ရှိသည်။ တိုင်းဝန်ကြီးချုပ်က ရှေးမူမပျက်ပြုပြင်ထိန်းသိမ်းခြင်းလုပ်ငန်းများ စဉ်ဆက်မပြတ်ဆက်လက်ဆောင်ရွက်ရန်၊ LandScaping Design များ ခေတ်မီလှပစေရန်နှင့် ကျုံးကူးတံတားဘယ်/ညာ ကျုံးဆလန်ချောဆက်လက်ပြုလုပ်ရန်တို့ကို မှာကြားခဲ့သည်။

ရန်ကုန်ပြည်သူ့ဆေးရုံကြီး၏ ICU ထပ်မံတိုးချဲ့နိုင်ရေး ကျန်းမာ‌ရေးဝန်ကြီးဌာန ပြည်ထောင်စုဝန်ကြီး  ပါမောက္ခ ဒေါက်တာသက်ခိုင်ဝင်းက ရန်ကုန်ပြည်သူ့ဆေးရုံကြီးသို့ သွားရောက်ကြည့်ရှုစစ်ဆေးစဉ် မှာကြားခဲ့ခြင်း ဖြစ်သည်။ ရန်ကုန်ဆေးရုံကြီး၏ ICU ထပ်မံတိုးချဲ့နိုင်ရေးနှင့် သေဆုံးသူလူနာများထားရှိရာ Mortuary အဆောက်အအုံသစ် သတ်မှတ်ကာလအတွင်း အချိန်မီပြီးစီးအောင် ကြိုးစားဆောင်ရွက်ရေးတို့ကို မှာကြားခဲ့ခြင်း ဖြစ်သည်။ ထို့အပြင် ပြည်သူများ လက်လှမ်းမီသည့် ကျန်းမာရေး စောင့်‌‌ရှောက်မှုများကို ပိုမိုရရှိစေရေး၊ လူနာများစောင့်ဆိုင်းရမှု အချိန်ကာလလျော့ကျစေရေး၊ လူနာပြုစုကုသမှုများ ပိုမိုစနစ်ကျစေရေး၊ ပြည်သူမှ စိုက်ထုတ်ကုန်ကျငွေ အတတ်နိုင်ဆုံးလျော့နည်းစေရေးတို့ကို ဆေးရုံတာဝန်ရှိသူများကို မှာကြားခဲ့ကြောင်းလည်း သိရသည်။