အိန္ဒိယရေတပ်က ပြည်တွင်းဖြစ်စစ်ရေယာဉ်အသစ်ကို လက်ခံရယူ

နူးဒေလီ၊ ဇူလိုင် ၁၁ ရက်

အိန္ဒိယနိုင်ငံတွင် ကိုယ်တိုင်တည်ဆောက်ထားသည့် အဆင့်မြင့် ကိုယ်ပျောက်ဖရီးဂိတ်စစ်ရေယာဉ် “INS Mahendragiri” ကို စနေနေ့က အိန္ဒိယရေတပ်၏ အရှေ့ပိုင်းတပ်မဟာထဲသို့ တရားဝင်တပ်တော်ဝင်ပြီ ဖြစ်ကြောင်း သိရသည်။

အဆိုပါ စစ်ရေတပ်မဟာ အတွင်း တပ်တော်ဝင်ခြင်း အခမ်းအနားကို အိန္ဒိယနိုင်ငံ တောင်ပိုင်း အန္ဓရဒေသပြည်နယ်ရှိ ဝိဆာခါပတ္တနမ်မြို့၌ ကျင်းပခဲ့ပြီး အိန္ဒိယကာကွယ်ရေးဝန်ကြီး ရာ့ဂျ်နတ် ဆင်းဂ် တက်ရောက်ခဲ့သည်။

အခမ်းအနားတွင် ကာကွယ်ရေးဝန်ကြီးက ပြောကြားရာ၌ ယခုစစ်ရေယာဉ်သည် အိန္ဒိယနိုင်ငံ၏ ခိုင်မာသော ဒီဇိုင်းနှင့် ထုတ်လုပ်မှုစွမ်းရည်၊ လျင်မြန်စွာ တိုးချဲ့လာနေသော ရေတပ်-စက်မှုကုန်ထုတ်လုပ်ငန်း ဂေဟစနစ်နှင့် အဆင့်မြင့်ပလက်ဖောင်းတစ်ခုကို အချိန်မီပေးပို့နိုင်မှုတို့အပေါ် အခြေခံထားပြီး၊ သင်္ဘောတည်ဆောက်ရေးကဏ္ဍတွင် အိန္ဒိယ၏ ပြည်တွင်းထုတ်လုပ်မှု တိုးတက်လာခြင်းကို ထင်ဟပ်စေကြောင်း ထည့်သွင်းပြောကြားခဲ့သည်။

အိန္ဒိယကာကွယ်ရေးဝန်ကြီးဌာနက ထုတ်ပြန်သော တရားဝင်ထုတ်ပြန်ချက်အရ ယခုစစ်ရေယာဉ်သည် ၇၅ ရာခိုင်နှုန်းကျော်ကို ပြည်တွင်းဖြစ်ပစ္စည်းများဖြင့် တည်ဆောက်ထားပြီး တန်ချိန်အားဖြင့် ၆,၆၇၀ တန်ခန့် ရှိကာ တစ်နာရီလျှင် ရေမိုင်၂၈ မိုင် နှုန်းအထိ အမြန်နှုန်း မောင်းနှင်နိုင်ကြောင်း သိရသည်။

Ref: ဆင်ဟွာ