ဝါရှင်တန်၊နိုဝင်ဘာ ၂၁
အိန္ဒိယမှ ဘီလျံနာသူဌေးကြီးဂေါတန်အဒါနီကို အမေရိကအစိုးရရှေ့နေများက လာဘ်ပေးလာဘ်ယူရန်ပူးပေါင်းကြံစည်မှုဖြင့် တရားစွဲထားကြောင်းသိရသည်။
မစ္စတာအဒါနီကို နေရောင်ခြည်စွမ်းအင်သုံးစီမံချက်တစ်ခုအတွက် ဒေါ်လာသန်း ၂၅၀ ကျော်ကို အိန္ဒိယအရာရှိများကို လာဘ်ထိုးရန်သဘောတူညီခဲ့သည်ဟူသောအချက်ဖြင့် တရားစွဲထားခြင်းဖြစ်ပြီး ၎င်းသည် လက်ရှိ ဝန်ကြီးချုပ် နရင်ဒရာမိုဒီကို ထောက်ခံအားပေးသူတစ်ဦးဖြစ်သည်။
အဆိုပါစီမံချက်သည်အကောင်အထည်ဖော်ပြီးပါက အခွန်ဆောင်ပြီးနောက် ကန်ဒေါ်လာ ၂ ဘီလျံအထိ အမြတ်အစွန်းရနိုင်သည်ဟုလည်းဆိုထားသည်။လက်ရှိအချိန်တွင် မစ္စတာအဒါနီကို ဖမ်းဝရမ်းထုတ်ထားသည်ဟုလည်းသိရသည်။
လက်ရှိအချိန်၌ မစ္စတာအဒါနီသာမက ၎င်းနှင့်အတူအခြားစီးပွားရေးလုပ်ငန်းရှင်ခုနစ်ဦးတို့သည် ၎င်းတို့၏စီးပွားရေးလုပ်ငန်းများကို အကျိုးရှိစေမည့် အမြတ်အစွန်းများသည်စာချုပ်များအားချုပ်ဆိုနိုင်ရန် အိန္ဒိယအရာရှိများအား လာဘ်ထိုးရန်ကြိုးစားခဲ့ကြသည်ဟူသော စွဲချက်များဖြင့် အသီးသီးတရားစွဲဆိုခံထားရကြောင်းသိရသည်။
Source : ဖရန့်စ်24