ရန်ကုန်၊ ဩဂုတ် ၁၁
ရန်ကုန်တိုင်းဒေသကြီး၊ ထန်းတပင်မြို့နယ်၊ တက်သစ်ကျေးရွာအုပ်စု၊ တပ်ရွာကျေးရွာတွင် နေထိုင်သည့် အသက် ၁၂၁ နှစ်ရှိ အဘိုး ဦးသိန်းအောင်ထံသို့ ရန်ကုန်တိုင်းဒေသကြီး အစိုးရအဖွဲ့ ဝန်ကြီးချုပ် ဦးအောင်နိုင်သူနှင့် အဖွဲ့ဝင်များ ယနေ့ (ဩဂုတ် ၁၁ ရက်) တွင် သွားရောက်တွေ့ဆုံခဲ့သည်။
ယင်းသို့တွေ့ဆုံစဉ်အတွင်း အဘိုး ဦးသိန်းအောင်၏ အသက် ၁၂၁ နှစ်မြောက် ထောက်ပံ့မှုအဖြစ် ငွေကျပ် ၁၂၁ သိန်းအပြင် အာဟာရဖြည့်စွက်စာများနှင့် ပစ္စည်းအချို့ကို ဂါရဝပြုပေးအပ်ခဲ့သည်။
ထို့ပြင် တိုင်းဒေသကြီးဝန်ကြီးချုပ်က အဘိုး၏ ကျန်းမာရေးနှင့် နေထိုင်မှု အခြေအနေများကို မေးမြန်း၍ လိုအပ်သည်များ ပေါင်းစပ်ညှိနှိုင်း ဆောင်ရွက်ပေးခဲ့ကြောင်း သိရသည်။