စင်္ကာပူ၊ ဖေဖော်ဝါရီ ၂၀
တောင်ကိုရီးယားပေါ့ပ်စတား ဂျီ-ဒရက်ဂွန် နှင့် ဗြိတိန်ဂီတအိုင်ကွန် အယ်လ်တန်ဂျွန်တို့သည် Formula One (F1) Singapore Airlines Singapore Grand Prix ၂၀၂၅ တွင် တေးဂီတပွဲ၏ခေါင်းဆောင် သီဆိုသူများအဖြစ်ဖြင့် စင်ကာပူသို့ ပြန်လည်ရောက်ရှိဖျော်ဖြေမည်ဖြစ်သည်။
ဂျီ-ဒရက်ဂွန် သည် ပွဲ၏ပထမနေ့ဖြစ်သော အောက်တိုဘာ ၃ ရက်နေ့ညတွင် ဇုံ ၄ ရှိ ပန်ဒန်း စတိတ် တွင် ဖျော်ဖြေမည်ဖြစ်ပြီး ဂျွန် သည် ပြိုင်ပွဲပိတ်ပွဲ အောက်တိုဘာ ၅ ရက်နေ့ နောက်ဆုံးတတိယညတွင် တူညီသည့်၎င်းစင်မြင့်ပေါ်တွင် ဖျော်ဖြေမည်ဖြစ်သည်။
“K-pop ဘုရင်” ဟု မကြာခဏ ခေါ်ခံရလေ့ရှိသည့် G-Dragon သည် မကြာသေးမီက သူ၏ ကြီးမားသော အောင်မြင်မှုကိုတစ်ကျော့ပြန် ရရှိခဲ့သည်။ ၂၀၂၄ ခုနှစ် အောက်တိုဘာလနှင့် နိုဝင်ဘာလတွင် K-pop ယောက်ျားလေးအဖွဲ့ BigBang ၏ ခေါင်းဆောင် ရက်ပ်ပါ အဆိုတော်သည် ခုနစ်နှစ်ကြာ နားနေခဲ့ပြီးနောက် တစ်ကိုယ်တော်သီချင်းအသစ်များထုတ်လွှင့်ခဲ့သည်။ ထို့ပြင် နိုဝင်ဘာလတွင် ကျင်းပသည့် Mama Awards တွင် ဖျော်ဖြေခဲ့ပြီး ယင်းရှိုးပွဲသည်ကိုးနှစ်ကာလအတွင်း ၎င်း၏ ပထမဆုံး တရားဝင် ဖျော်ဖြေတင်ဆက်မှုဖြစ်သည်။
၎င်း၏အယ်လ်ဘမ်အသစ် Ubermensch သည် ဖေဖော်ဝါရီ ၂၅ ရက်တွင် စတင်ထုတ်လွှင့်မည်ဖြစ်ပြီး Ubermensch ကမ္ဘာလှည့်ဖျော်ဖြေပွဲကို မတ်လနှောင်းပိုင်းတွင် စတင်မည်ဖြစ်သည်။
အသက် ၃၆ နှစ်အရွယ်ရှိပြီဖြစ်သော G-Dragon သည် BigBang အဖွဲ့ နှင့်အတူသာမက တစ်ကိုယ်တော် အနေနဲ့ပါ စင်္ကာပူတွင် အကြိမ်ပေါင်းများစွာ ဖျော်ဖြေခဲ့ဖူးပြီးဖြစ်သည်။ သူ့ရဲ့ တစ်ကိုယ်တော် နောက်ဆုံးရှိုးပွဲကို ၂၀၁၇ ခုနှစ်မှာ Singapore Indoor Stadium မှာ ကျင်းပခဲ့ခြင်းဖြစ်သည်။
ကမ္ဘာ့အကျော်ကြားဆုံးအဆိုတော်များထဲမှတစ်ဦးဖြစ်သော အယ်လ်တန်ဂျွန် သည် ၎င်း၏ကြီးကျယ်လှသော ကမ္ဘာ့လှည့်ဖျော်ဖြေပွဲ Farewell Yellow Brick Road သည် ၂၀၂၃ ခုနှစ်တွင် ပြီးဆုံးခဲ့သည်။ ထိုပွဲအပြီးတွင်လည်း ဖျော်ဖြေပွဲများဆက်လက် လုပ်ဆောင်နေသည်။
ဆယ်စုနှစ်ခြောက်ခုကျော်ကြာ တေးဂီတသက်တမ်းအနုပညာလမ်းတစ်လျှောက်တွင် အယ်လ်တန်ဂျွန် သည် အောင်မြင်မှုများစွာရရှိခဲ့ပြီး Tiny Dancer (1972)၊ Sacrifice (1989)၊ Can You Feel The Love Tonight (1994) တို့ကဲ့သို့သောသီချင်းများဖြင့် လူသိများကျော်ကြားသည်။ နောက်ဆုံးတစ်ပုဒ်မှာ မကြာသေးမီက ၂၀၂၁ ခုနှစ်တွင် အင်္ဂလိပ်-အယ်လ်ဘေးနီးယား ပေါ့ပ်စတား ဒူရာ လစ်ပါ နှင့် စုံတွဲသီဆိုထားသော Cold Heart (Pnau remix) သီချင်း ဖြစ်ပြီး ထိုသီချင်းသည်လည်းလူသိများကျော်ကြားခဲ့သည်။
အသက် (၇၇) နှစ်ရှိပြီဖြစ်သော ဂျွန် သည် စင်ကာပူတွင် ဖျော်ဖြေပွဲများစွာကိုလည်း ပြုလုပ်ခဲ့ပြီး ၂၀၂၅ ခုနှစ်တွင် The Star Theatre တွင် နောက်ဆုံးဖျော်ဖြေခဲ့သည်။
F1 ဂီတဖျော်ဖြေပွဲများသည် အစဉ်အလာအားဖြင့် Marina Bay Street Circuit ၏နေရာအသီးသီးတွင် ကျင်းပလေ့ရှိပြီး၊ စင်ကာပူတွင် ကျင်းပသည့် အကြီးမားဆုံး ဖျော်ဖြေပွဲများထဲမှ တစ်ခုဖြစ်သည်။ ယခင်နှစ်များက ပန်ဒန်း စင်မြင့်တွင် လူပေါင်း ၆၀,၀၀၀ ခန့်တက်ရောက်ခဲ့ကြသည်။
စင်္ကာပူ GP ၏ အမှုဆောင်ဒါရိုက်တာ မစ္စတာ အဒမ် ဖစ်တ် က ပွဲနဲ့ပတ်သက်သည့် တေးဂီတဆိုင်ရာ လှုပ်ရှားမှုများနှင့် ပါဝင်သော အနုပညာရှင်များကို ထပ်မံကြေညာသွားမည်ဖြစ်ကြောင်း ပြောကြားခဲ့ပါသည်။
အဆိုပါပြိုင်ပွဲတွင် အသစ်စက်စက် Marina Bay အထူးတန်းများ ပါဝင်မည်ဖြစ်သည်။ စင်္ကာပူ GP မှ လက်မှတ်ဝယ်လိုအားမှာ အထူးမြင့်မားနေပြီး လက်မှတ်အမျိုးအစားအချို့လည်း ရောင်းကုန်ပြီဟု ဆိုထားသည်။
သောကြာ ဇုံ ၄ အတွက် တစ်ရက်စာလမ်းလျှောက်လက်မှတ်များကို အမေရိကန်ဒေါ်လာ ၁၄၈ မှစတင်ပြီး ဖြန့်ဖြုးရောင်းချပြီး ဖြစ်သည်။
Ref: သည်စတိန်းစ်တိုင်းမ်စ်