ရာထူးဆိုင်းငံ့ခံထားရသည့် တောင်ကိုရီးယားသမ္မတ ယွန်းဆွတ်ယိုးလ်ကို ဖ-မ်းဆီးရန်ကြိုးပမ်းမှု မအောင်မမြင်ဖြစ်ခဲ့ပြီးနောက်တစ်နေ့ ဇန်နဝါရီ ၄ ရက်တွင် သူ့ကို ထောက်ခံ/ဆန့်ကျင်သော ထောင်နှင့်ချီသည့် ဆန္ဒပြသူများသည် မြို့တော်သို့ ချီတက်စုရုံးခဲ့ကြသည်။
နိုင်ငံ၌ ဒီဇင်ဘာလကတည်းက နိုင်ငံရေးမငြိမ်သက်မှုဖြစ်ခဲ့ပြီး မစ္စတာယွန်းသည် ၎င်းကိုဖ-မ်းဆီးရန် အစိုးရရှေ့နေများ၏ ကြိုးပမ်းမှုကို ဆန့်ကျင်သည့် ရာနှင့်ချီသော သစ္စာခံလုံခြုံရေးတပ်ဖွဲ့ဝင်များဖြင့် ဝန်းရံထားသော သမ္မတအိမ်တော်တွင် အာခံရပ်တည်လျက်ရှိနေသည်။
မစ္စတာယွန်းကို ဆန့်ကျင်/ထောက်ခံသော ဆန္ဒပြသူများသည် ဇန်နဝါရီ ၄ ရက်က ဆိုးလ်မြို့တော်ရှိ သမ္မတအိမ်တော်ရှေ့နှင့် အဓိကလမ်းများပေါ်တွင် စုဝေးခဲ့ကြပြီး တစ်ဖက်က သူ့ကို ဖ-မ်းဆီးရန်တောင်းဆိုသကဲ့သို့ အခြားတစ်ဖက်က သူအပေါ် စွပ်စွဲပြစ်တင်ခြင်းကို တရားမဝင်ကြောင်း ကြေညာပေးရန် တောင်းဆိုခဲ့ကြသည်။
မစ္စတာယွန်းကို ဖ-မ်းဆီးခြင်းဖြင့် တောင်ကိုရီးယား၏ အမေရိက၊ ဂျပန်တို့နှင့် လုံခြုံရေးမဟာမိတ်ပြုမှုကို ပျက်ပြားသွားစေနိုင်ကြောင်း ထောက်ခံဘက်တော်သားတစ်ဦးဖြစ်သည့် အသက် ၆၀ နှစ်အရွယ် ကင်မ်ချူးဟောင်က ပြောဆိုသည်။
“သမ္မတယွန်းကို ကာကွယ်ခြင်းဟာ နိုင်ငံရဲ့ လုံခြုံရေးကို မြောက်ကိုရီးယားရဲ့ ခြိမ်းခြောက်မှုအန္တရာယ်ကနေ ကာကွယ်စောင့်ရှောက်တာပဲဖြစ်ပါတယ်” ဟု သူက ဆိုခဲ့သည်။
တောင်ကိုရီးယားနိုင်ငံ အလုပ်သမားသမဂ္ဂများအဖွဲ့ချုပ်မှ အဖွဲ့ဝင်များသည် မစ္စတာယွန်း၏နေအိမ်သို့ ချီတက်ဆန္ဒပြရန် ကြိုးပမ်းခဲ့သော်လည်း ရဲတပ်ဖွဲ့က ပိတ်ဆို့ခဲ့သည်။ ၎င်းတို့အဖွဲ့ဝင်နှစ်ဦး ဖ-မ်းဆီးခံခဲ့ရကြောင်းနှင့် ရုန်းရင်းဆန်ခတ်မှုတွင်းး အများအပြားဖ-မ်းဆီးခံခဲ့ရကြောင်း ၎င်းတို့က ပြောကြားခဲ့သည်။
မစ္စတာယွန်းသည် သမ္မတကင်းလွတ်ခွင့်မရသော ရာဇဝတ်မှုအနည်းအကျဉ်းတွင်ပါဝင်သည့် ဆူပူအုံကြွမှုဆိုင်ရာ ရာဇဝတ်မှုစွဲချက်များနှင့် ရင်ဆိုင်နေရပြီး ထောင်ဒဏ် သို့မဟုတ် အဆိုးဆုံးအခြေအနေတွင် သေဒဏ်ပါချခံရနိုင်သည်။
ဖ-မ်းဝရမ်းကို အကောင်အထည်ဖော်နိုင်ခဲ့ပါက သူသည် ဖ-မ်းဆီးခံရသည့် ပထမဆုံးတောင်ကိုရီးယားသမ္မတဖြစ်လာမည်ဖြစ်သည်။
Ref: သည်စထရိတ်တိုင်းမ်စ်