သက်တမ်း(၁၇)နှစ်ရှိပြီဖြစ်သော နေပြည်တော်ရေပန်းဥယျာဉ်ကို ငွေကျပ်(၁၅)ဘီလီယံကျော်အသုံးပြု၍ မြို့တော်အင်္ဂါရပ်နှင့်အညီ Royal Garden အဖြစ် ပြုပြင်မွမ်းမံမှုနှင့်အသစ်ထပ်မံတိုးချဲ့မှုများပြုလုပ်လျက်ရှိကြောင်း သိရသည်။
ထိုသို့ ပြုပြင်မွမ်းမံခြင်းနှင့်အသစ်တည်ဆောက်ခြင်းများအား ပထမအဆင့်အနေဖြင့် အဆင့်မြှင့်တင်ခြင်းလုပ်ငန်း(၄)မျိုးနှင့် အသစ်တိုးချဲ့တည်ဆောက်ခြင်း(၁၄)မျိုး၊ ဒုတိယအဆင့်အနေဖြင့် အသစ်တိုးချဲ့တည်ဆောက်ခြင်းလုပ်ငန်း(၁၄) မျိုး၊ တတိယအဆင့်အနေဖြင့် အသစ်တိုးချဲ့တည်ဆောက်ခြင်းလုပ်ငန်း(၁၇)မျိုး(စုစုပေါင်းလုပ်ငန်း ၄၉ မျိုး)တို့အားပြုလုပ်လျက်ရှိကြောင်း သိရသည်။
အသစ်တိုးချဲ့တည်ဆောက်ခြင်းလုပ်ငန်း(၄၅)ခုတွင် ခေတ်မီကလေးကစားကွင်းများ၊ ပန်းခြံအသစ်များ၊ အရုပ်ကြီးများကိုပါထည့်သွင်းထားကာ လက်ရှိအချိန်တွင် (၁၄)ခုပြီးစီးပြီဖြစ်ကြောင်း သိရသည်။
နေပြည်တော်ရေပန်းဥယျာဉ်အား နေပြည်တော် ၏ ဂုဏ်ပုဒ်တစ်ခုဖြစ်စေရန် ဥယျာဉ်အတွင်းသစ် ပင်ပန်းမန်များအမြဲစိမ်းလန်းသာယာလှပစေရေးနှင့် ရာသီအလိုက် ပွဲတော်များ၊ ပန်းပွဲတော်များ ကျင်းပနိုင်ရန်အတွက်လည်း ဆောင်ရွက်ထားကြောင်း သိရသည်။
နေပြည်တော်ရေပန်းဥယျာဉ်ကို ၂၀၀၈ ခုနှစ်တွင် စတင်တည်ဆောက်ခဲ့ပြီး နေ့စဉ်နံနက် ၈ နာရီမှ ည ၈ နာရီအထိဖွင့်လှစ်ထားကာ ဝင်ကြေးအဖြစ် တစ်ဦးလျင် ငွေကျပ်(၁၀၀၀)သတ်မှတ်ထားကြောင်း သိရသည်။