ရှီနှင့် ဖုန်းပြောဆိုမှုအလွန်အဆင်‌ပြေ–ထရမ့်ပ်

လာမည့်သီတင်းပတ်တွင် အိမ်ဖြူတော်တကျော့ပြန်ရာထူးအတွက် ပြင်ဆင်မှုများလုပ်နေသော အမေရိကန်ရွေးကောက်ခံသမ္မတ ဒေါ်နယ်ထရမ့်ပ်က သူသည် တရုတ်သမ္မတ ရှီကျင့်ဖျင်နှင့် ဖုန်းမှပြောဆိုမှုသည် အလွန် အဆင်ပြေခဲ့သည်ဟု ပြောဆိုလိုက်သည်။

“တရုတ် (ပါတီ) ဥက္ကဋ္ဌ ကြီးနဲ့ အခုပဲ စကားပြောခဲ့ပါတယ်” ဟု ထရမ့်ပ်က သူ၏ ဆိုရှယ်မီဒီယာတွင် ရေးသားခဲ့သည်။ “ကျွန်တော့်ရဲ့ မျှော်မှန်းချက်က ပြဿနာတွေကို အတူတကွဖြေရှင်းကြဖို့နဲ့ ချက်ချင်းပဲ စတင်ကြဖို့ဖြစ်ပါတယ်” ဟု ထရမ့်ပ်က ပြောဆိုခဲ့သည်။

သူတို့နှစ်ဦးသည် ကုန်သွယ်ရေး၊ ဖန်တနိုင်းလ်မူးယစ်ဆေး၊ TikTok အရေးနှင့် အခြားအကြောင်းအရာများကို ဆွေးနွေးခဲ့ကြပြီး နှစ်နိုင်ငံလုံးအတွက် အလွန်ကောင်းမွန်သည့် ပြောဆို ဆွေးနွေးမှုဖြစ်ကြောင်းလည်း ထရမ့်ပ်က ဆိုခဲ့သည်။

ပိုမိုငြိမ်းချမ်းပြီး ဘေးကင်းသော ကမ္ဘာကြီးဖြစ်စေရန် သမ္မတရှီနှင့် မိမိ တတ်နိုင်သမျှ လုပ်ဆောင်သွားမည်ဟု သူက ဆက်လက် ရေးသားခဲ့သည်။

ရှီက သူနှင့် ထရမ့်ပ်တို့ အပြန်အလှန်ဆက်ဆံမှုသည် အလွန်အရေးကြီးကြောင်းနှင့် ထရမ့်ပ်၏ ဒုတိယသက်တမ်းအတွင်း တရုတ်-အမေရိကန်ဆက်ဆံရေး အစကောင်းရန် မျှော်လင့်ကြောင်း ပြောကြားခဲ့သည်ဟု တရုတ်နိုင်ငံခြားရေးဝန်ကြီးဌာန၏ သတင်းထုတ်ပြန်ချက်တွင် ဖော်ပြခဲ့သည်။

Ref: စီအင်န်အင်န်