ရည်ရွယ်ချက်ကောင်းများစွာဖြင့် နေပြည်တော်ရှိ တပေါင်းကွင်း၌ ဖေဖော်ဝါရီ ၁၀ ရက်မှစ တင်ကျင်းပသည့် (၇၈)နှစ်မြောက်ပြည်ထောင်စုနေ့အထိမ်းအမှတ် ပြည်ထောင်စုအဆင့် MSME ထုတ်ကုန်ပြပွဲနှင့်ပြိုင်ပွဲကို နစက ဥက္ကဋ္ဌ၊ နိုင်ငံတော်ဝန်ကြီးချုပ်၊ ဗိုလ်ချုပ်မှူးကြီးမင်းအောင်လှိုင် တက်ရောက်ဖွင့်လှစ်ပေးခဲ့သည်။
အခမ်းအနားအား နစက ဥက္ကဋ္ဌမှ စက်ခလုတ်နှိပ်ဖွင့်လှစ်ပေးပြီး နစက ဒု-ဥက္ကဋ္ဌ၊ ဒု-ဗိုလ်ချုပ်မှူးကြီးစိုးဝင်းနှင့် ပြည်ထောင်စုဝန်ကြီးများဖြစ်သည့် ဦးဝင်းရှိန်၊ ဦးမင်းနောင်၊ ဦးလှမိုး၊ ဒေါက် တာချာလီသန်း၊ ဒေါက်တာမျိုးသိမ်းကျော်တို့နှင့် နေပြည်တော်ကောင်စီဥက္ကဋ္ဌ ဦးသန်းထွန်းဦးတို့ကဖဲကြိုးဖြတ်ဖွင့်လှစ်ပေးခဲ့ကြသည်။
ထို့နောက် နစက ဥက္ကဋ္ဌမှ ခင်းကျင်းပြသထားသည့် ဝန်ကြီးဌာနအလိုက် ပြခန်းများ၊ တိုင်းနှင့်ပြည်နယ်အလိုက် MSME ထုတ်ကုန်ပြခန်းများနှင့် အသင်းအဖွဲ့အလိုက်ပြခန်းများကို ကြည့်ရှုအားပေးခဲ့သည်။
ပြည်ထောင်စုအဆင့် MSME ထုတ်ကုန်ပြပွဲနှင့်ပြိုင်ပွဲကို တိုင်းနှင့် ပြည်နယ်အသီးသီးရှိ MSME များပူးပေါင်းဆောင်ရွက်မှုတိုးပွားလာစေပြီးကုန်ထုတ်လုပ်မှုကွင်းဆက်တစ်လျှောက် ဒေသတစ်ခု၏လိုအပ်ချက်ကို အခြားဒေသမှဖြည့်ဆည်းလာရန်နှင့် အားသာချက်၊ အားနည်းချက်များကို သိမြင်ဖော်ထုတ်လာစေရန်အပါအဝင် ရည်ရွယ်ချက်ကောင်းများစွာဖြင့်ကျင်းပခြင်းဖြစ်သည်။
ထို့ပြင် ထုတ်ကုန်ပြိုင်ပွဲများတွင် ယှဉ်ပြိုင်သည့် အမျိုးအစားများအလိုက် ဆုအမျိုးအစားပေါင်း (၃၁)မျိုးကို Digital Trophy ၊ ဂုဏ်ပြုလက်မှတ်နှင့် ငွေသားဆုများပေးအပ်ချီးမြှင့်သွားမည်ဖြစ်ပြီး ယင်း ငွေသားဆုချီးမြှင့်ခံရသူမှ Digital Payment System အသုံးပြု၍ လက်ငင်း E-Banking ဖြင့် ငွေသားထုတ်ယူနိုင်ရန်လည်း စီစဉ်ဆောင်ရွက်ထားသည်။
ပြည်ထောင်စုအဆင့် MSME ထုတ်ကုန်ပြပွဲနှင့်ပြိုင်ပွဲ၏အား နေပြည်တော်ရှိ တပေါင်းကွင်း၌ ဖေဖော်ဝါရီ ၁၀ ရက်မှ ၁၄ ရက်အထိ (၅)ရက် ကြာ ပြခန်းပေါင်း(၉၆)ခန်းဖြင့် စည်ကားသိုက် မြိုက်စွာဖွင့်လှစ်ရောင်းချပေးလျက်ရှိသည်။