နိုင်ငံတကာ ရာဇဝတ်ခုံရုံး (ICC) အနေဖြင့် ရခိုင်ပြည်နယ်
အတွင်း၌ AA ကျူးလွန်ခဲ့သည့် စစ်ရာဇဝတ်မှုများကို စုံစမ်းစစ်ဆေးသင့်ကြောင်း နိုင်ငံတကာလူ့အခွင့်အရေးအဖွဲ့ဖြစ်သည့် Fortify Rightsက ယနေ့ ဇန်နဝါရီ (၂၃)တွင် ထုတ်ပြန် သည်။
ထုတ်ပြန်ချက်တွင် Fortify Rights သည် ပေါက်ကြားလာသည့် ဗီဒီယိုဖိုင်တစ်ခု၌ ရက္ခိုင့်တပ်တော် (AA) မှ စစ်သားများနှင့် အရပ်ဝတ်များသည် ဖမ်းဆီးခံထားရသူနှစ်ဦး၏ လည်ချောင်းကို မြေကျင်းတခုရှေ့တွင် လှီးဖြ-တ်ခြင်း၊ ခု -တ်ထ-စ်ခြင်းများ ပြုလုပ်ခဲ့သည်ကို တွေ့မြင်ရသည်ဟု ဆိုသည်။
Fortify Rights သည် ကွပ်မျက်ခြင်း ဖြစ်ပွားခဲ့နိုင်ခြေရှိနေသည့် ပေါက်ကြားထားသော ဗီဒီယို မှတ်တမ်းနှစ်ခုကို စိစစ်လေ့လာရာမှာ ၎င်းတို့သည် စစ်မှန်မှုရှိနေကြောင်း ယုံကြည်သည်ဟုလည်း ထုတ်ပြန်ချက်တွင် ပြောသည်။
နှိပ်စက်ခံရသူနှစ်ဦးသည် ဗီဒီယိုအဆုံးတွင် ေ-သဆုံးပုံမပေါ်သော်လည်း အခြေအနေအရ သို့မဟုတ် ၎င်းတို့၏ ဒဏ် ရာများအရ အသ-က်ရှင်နိုင်ဖွယ်မရှိကြောင်း Fortify Righ ts က ဆိုသည်။
ယင်းမှတ်တမ်းနှင့် ပက်သက်၍ “အရပ်သားတွေ သို့မဟုတ် ဖမ်းဆီးထားသော ရန်သူ့တပ်သားတွေကို ညှဉ်းပန်းနှိပ်စက်ပြီး တရားလက်လွတ်ကွပ်မျက်တာ စစ်ရာဇဝတ်မှုမြောက်ပါတယ်” ဟု Fortify Rights မှ လူ့အခွင့်အရေးဆိုင်ရာ စုံစမ်းစစ်ဆေးရေးတာဝန်ခံ Ejaz Min Khant (ဧဂျက်ဇ်မင်းခန့်) ကလည်း ထုတ်ပြန်ချက်တွင် ပြောထားသည်။
ထို့ပြင် ဖမ်းဆီးရမိသည့် ရန်သူ့တပ်သားများကိုလည်း စစ် သုံ့ပန်းများအဖြစ် ဂုဏ်သိက္ခာရှိရှိ ဆက်ဆံသင့် ပြီး ဂျီနီဗာကွန်ဗင်းရှင်း၏ ကာကွယ်စောင့်ရှောက်မှုများပေးကာ စစ်
ရာဇဝတ်မှုများ ကျူးလွန်ထားသည့် တာဝန် ရှိသူများကိုသာ တရားစွဲဆိုသင့်ကြောင်းလည်း Fortify Rights က ထုတ်ပြန်ထားသည်။