ရုပ်ရှင်ပြသ ညှိနှိုင်းအစည်းအဝေးကိုယနေ့အောက်တိုဘာလ၂၃ရက်နေ့လယ် ၁ နာရီအချိန်ကဝင်္ဂဘာလမ်းရှိမြန်မာနိုင်ငံရုပ်ရှင်အစည်းအရုံးတွင်ကျင်းပခဲ့သည်။
အစည်းအဝေးတွင်အစည်းအရုံးဥက္ကဌဦးကြည်စိုးထွန်းက အစည်းအရုံးကိုရွေးကောက်ပွဲဖြင့်ပြန်လည်ဖွဲ့စည်းမည်ဖြစ််ကြောင်း၊လူလတ်ပိုင်းများအနေဖြင့်အစည်းအရုံးတွင်ဝင်ရောက်တာဝန်ထမ်းဆောင်စေလိုကြောင်း၊အစည်းအရုံးသက်တမ်းရှည်ရန်စည်းကမ်းဖြင့်ထိန်းသိမ်းရန်လိုကြောင်းအမှာစကားပြောကြားသည်။
ထို့နောက်ဦးချမ်းသာကြည်စိုးကရုပ်ရှင်အစည်းအရုံးဝင်အင်အား၃၀၀၀ကျော် အနက်တစ်ဝက်ခန့်သည်သက်တမ်းလွန်နေကြောင်း၊ ထုတ်လုပ်သူ ၅၅ ဦးသာအစည်းအရုံးဝင်ထားသဖြင့်ကျန်ထုတ်လုပ်သူများအစည်းအရုံးဝင်ရန်လိုကြောင်းပြောကြားသည်။
ဦးလှသိန်းကတစ်ပတ်ကိုရုပ်ရှင်နှစ်ကားနှုန်းပြသမည်ဖြစ်ကြောင်းပြောကြားကာ ပြသရန်ရုံရက်ရ ရုပ်ရှင်ကားများကို ကြေညာခဲ့ကြောင်းသိရသည်။
ဝင်ငွေကောင်းသည့်ကားများ၂ပတ်ဆက်တိုက်ပြပါက ဇာတ်ကားပြရက်များနောက်ရွှေ့ရမည်ဖြစ်ပြီး
စုစုပေါင်း ၆၈ ရုံတွင်ပြသမည်ဖြစ်သည်။ ပြန်ဖွင့်မည့် ရုပ်ရှင်ရုံများပြင်ဆင်နေရာ ၂၀၂၆ နှစ်ဆန်းပိုင်းတွင် ရုံပေါင်း ၇၀ ကျော်ရှိလာမည်ဟုသိရသည်။
Photo – U Kyi Soe Tun