တာ့စ် (TASS) သတင်းဌာနက စီစဉ်တဲ့ ကမ္ဘာ့ထိပ်တန်းသတင်းဌာနတွေက အကြီးအကဲတွေနဲ့ တွေ့ဆုံပွဲမှာ ရုရှားသမ္မတ ဗလာဒီမီယာ ပူတင်က ပြောကြားခဲ့တာပါ။ ယူကရိန်းရဲ့ ဥရောပပေါင်းစည်းမှုအပေါ် ရုရှားမှာ ကန့်ကွက်စရာမရှိပေမဲ့ ဥရောပသမဂ္ဂ (EU) ကို စစ်ရေးအုပ်စုတစ်ခုအဖြစ် ပြောင်းလဲပစ်မှာကိုတော့ ဆန့်ကျင်တယ်လို့ သူက ပြောခဲ့ပါတယ်။
“ယူကရိန်းကို တွဲဖက်အဖွဲ့ဝင် ဖြစ်ခွင့်ပေးဖို့ စသဖြင့် ဂျာမန်ဝန်ကြီးချုပ် [ဖရီးဒရစ် မာ့ဇ်] ရဲ့ အဆိုပြုချက်တွေကို ကျွန်တော်တို့ သိပါတယ်။ ဒါက ကျွန်တော်တို့နဲ့ လုံးဝ မပတ်သက်ပါဘူး။ ကျွန်တော်တို့ ဘာမှ မကန့်ကွက်ဘူး၊ လုပ်သာလုပ်ပါ” လို့ ပူတင်က ပြောပါတယ်။
“ဒါပေမဲ့ ဥရောပသမဂ္ဂကြီး စစ်ရေးအုပ်စုတစ်ခုအဖြစ် ပြောင်းလဲသွားမှာကိုတော့ ကျွန်တော်တို့ ဆန့်ကျင်ပါတယ်” လို့ သူက အလေးအနက် ပြောခဲ့ပြီး ဒါဟာ စိုးရိမ်စရာ ကိစ္စတစ်ခုဖြစ်တယ်လို့လည်း ဖြည့်စွက်ပြောပါတယ်။ “စီးပွားရေးအရ ပေါင်းစည်းမှု ပုံစံမျိုးကိုတော့ ကျွန်တော်တို့ မကန့်ကွက်ပါဘူး၊ လုပ်သာလုပ်ကြပါ” လို့ သမ္မတပူတင်က ပြောပါတယ်။