ယူကရိန်းစစ်ပွဲနှင့် သက်ဆိုင်သူအားလုံး ငြိမ်းချမ်းရေးလုပ်ငန်းစဉ်တွင် ပါဝင်ရမည်–ဝမ်ယိ

ယူကရိန်းစစ်ပွဲတွင် ပါဝင်ပတ်သက်သူအားလုံးကို ငြိမ်းချမ်းရေး စေ့စပ်ဆွေးနွေးမှုများတွင် ပါဝင်ရန် တရုတ်နိုင်ငံက တိုက်တွန်းလိုက်ပြီး ပဋိပက္ခဖြေရှင်းရေးတွင် ဥရောပ၏ အရေးပါသော အခန်းကဏ္ဍကို အလေးပေး‌ပြောကြားခဲ့သည်။ ဥရောပတွင် မျှတပြီး ရေရှည်တည်တံ့သော လုံခြုံရေးမူဘောင်တစ်ရပ် လိုအပ်သည်ဟု မြူးနစ်လုံခြုံရေးညီလာခံတွင် တရုတ်နိုင်ငံခြားရေးဝန်ကြီး ဝမ်ယိက အလေးပေး ပြောကြားခဲ့သည်။

“တိုက်ရိုက်ပါဝင်ပတ်သက်တဲ့ အစုအဖွဲ့အားလုံးဟာ ငြိမ်းချမ်းရေးလုပ်ငန်းစဉ်မှာ အချိန်တန်ရင် ပါဝင်လာနိုင်မယ်လို့ မျှော်လင့်ပါတယ်” ဟု ဝမ်ယိက ပြောဆိုသည်။ သံတမန်ရေးနည်းလမ်းသည်သာ စစ်ပွဲအဆုံးသတ်ရေး အတွက်တစ်ခုတည်းသော လမ်းကြောင်း ဖြစ်သည်ဆိုသောတရုတ်နိုင်ငံ၏ ရပ်တည်ချက်ကို ထပ်လောင်းပြောကြားခဲ့သည်။ ထို့အပြင် အမေရိကနှင့် ရုရှားအကြား ငြိမ်းချမ်းရေးသဘောတူညီချက် ရရှိ‌ရေးကို ပေကျင်းက ကြိုဆိုသည်ဟု ဆိုခဲ့သည်။

အမေရိကန်သမ္မတ ဒေါ်နယ်ထရမ့်ပ်သည် ရုရှားသမ္မတ ဗလာဒီမာ ပူတင်၊ ယူကရိန်းသမ္မတ ဇလန်းစကီးတို့နှင့် ဖုန်းပြောခဲ့ကာ စေ့စပ်ညှိနှိုင်းရန် တာဝန်ရှိသူများကို ညွှန်ကြားခဲ့ပြီးနောက်တွင် ဝမ်ယိ၏ မှတ်ချက်များထွက်‌ပေါ်လာခြင်းဖြစ်သည်။ နောက်ပိုင်းတွင် ထရမ့်ပ်သည် ပူတင်နှင့် ဆော်ဒီအာရေဗျတွင် တွေ့နိုင်ခြေရှိသည်ဟု အရိပ်အမြွက်ပြောကြားခဲ့သော်လည်း ယူကရိန်း၏ နေတိုးအဖွဲ့ဝင် ဖြစ်ရေး မျှော်မှန်းချက်နှင့် သိမ်းပိုက်ခံထားရသော နယ်မြေအားလုံး ပြန်ရယူနိုင်စွမ်းကို သံသယဝင်ခဲ့သည်။

အမေရိက,က ဆွေးနွေးမှုများအတွက် ရုတ်တရက် တွန်းအားပေးလာခြင်းသည် ဥရောပမဟာမိတ်များကို မျက်ကွယ်ပြုခဲ့ကြောင်း၊ ၎င်းတို့ ပါဝင်ပတ်သက်မှုမရှိသော ညှိနှိုင်းသဘောတူညီမှုမျိုးကို လက်ခံမည်မဟုတ်ကြောင်း ဝါရှင်တန်ကို သတိပေးခဲ့သည်။ ဇလန်းစကီးက မော်စကိုနှင့် ဝါရှင်တန်အကြား သီးသန့်သဘောတူညီချက်မျိုးကို ကိဗ်က လက်ခံမှာမဟုတ်ကြောင်းဆိုကာ ယူကရိန်း၏ ရပ်တည်ချက်ကို အခိုင်အမာကိုင်စွဲခဲ့သည်။

Ref: သည်ဖရန်တီယာပိုစ်