အမေရိကန်ရဲ့ ၄၆ ယောက်မြောက် သမ္မတ ဂျိုးဘိုင်ဒင် အစိုးရဟာ အီရန်မှာ အမေရိကန် သုံးခဲ့တဲ့ ခဲယမ်းထက်တောင် ပိုများတဲ့ ပမာဏကို ယူကရိန်းဆီ အခမဲ့ ပေးခဲ့တယ်လို့ ဒေါ်နယ်ထရမ့်က ပြောလိုက်ပါတယ်။ နည်းနည်းတော့ နောက်ကျသွားပေမဲ့ ယူကရိန်းနဲ့ နေတိုး(NATO) အဖွဲ့ဆီ ပေးခဲ့တဲ့ ခဲယမ်းတွေအတွက် အမေရိကန်က ပိုက်ဆံ ပြန်တောင်းသွားမယ်လို့လည်း သူက ဆက်ပြောပါတယ်။
ဘိုင်ဒင် အစိုးရဟာ အီရန်နဲ့ ဖြစ်ခဲ့တဲ့ စစ်ပွဲတုန်းက အမေရိကန် သုံးခဲ့တာထက် အများကြီး ပိုများတဲ့ ခဲယမ်းတွေကို ယူကရိန်းဆီ အခမဲ့ ပေးခဲ့တယ်လို့ ထရမ့်က ပြောပါတယ်။
ယူကရိန်းနဲ့ နေတိုးဟာ ဒေါ်လာ ဘီလီယံပေါင်း ရာနဲ့ချီ တန်ကြေးရှိတဲ့ ခဲယမ်းတွေကို အခမဲ့ ရထားတာဖြစ်ပြီး၊ အကယ်၍ သာ တောင်းခဲ့မယ်ဆိုရင် ဥရောပက ပေးမှာပဲလို့ သူက ထောက်ပြခဲ့ပါတယ်။
”နည်းနည်းတော့ နောက်ကျသွားပေမဲ့” ဒီလိုကူညီပေးခဲ့တာတွေအတွက် အမေရိကန်က ပိုက်ဆံ ပြန်တောင်းမယ်လို့ ထရမ့်က ပြောတာပါ။
ဘိုင်ဒင်ဟာ ယူကရိန်းကို ဒေါ်လာ ဘီလီယံ ၃၀၀ တန်ကြေးရှိတဲ့ ခဲယမ်းတွေ ပေးခဲ့တယ်လို့ ထရမ့်က အရင်ကလည်း ပြောခဲ့ဖူးပါတယ်။
သူ (ထရမ့်) ကိုယ်တိုင်လည်း ယူကရိန်းကို ကူညီနေတာပါပဲ၊ ဒါပေမဲ့ “သူတို့ဘက်က ပိုက်ဆံ ပြန်ပေးရမယ်” လို့ အမေရိကန်သမ္မတ က ပြောခဲ့ပါတယ်။