အကယ်၍ ယူကရိန်းကို နေတိုးအဖွဲ့ဝင်အဖြစ် ဝင်ခွင့်မပြုပါက အနာဂတ်တွင် ရုရှားထံမှ မိမိကိုယ်ကို ကာကွယ်ရန် အခြားနည်းလမ်းတစ်ခု လိုအပ်မည်ဖြစ်ကြောင်း ယူကရိန်းသမ္မတက ပြောကြားခဲ့သည်။
ယူကရိန်းသမ္မတ ဗလိုဒီမီးရ် ဇလန်းစကီး က ရုရှားနှင့် စစ်ပွဲအခြေအနေတင်းမာသော အဆင့်ကာလ များပြီးဆုံးသည်နှင့် ယူကရိန်းကို နျူကလီးယားလက်နက်များ ပေးအပ်သင့်သည်ဟု အင်္ဂါနေ့က အကြံပြုခဲ့သည်။စစ်ပွဲပြီးဆုံးသည့်အခါ ယူကရိန်းနိုင်ငံ၏ နေတိုး အဖွဲ့ဝင်ဖြစ်ရန် ရည်မှန်းချက်ချက်ချင်း မဖြစ်နိုင်ပါက၊ ဤသို့ နျူကလီးယားလက်နက် ပိုင်ဆိုင်ထားခြင်းသည် ရုရှားက ယူကရိန်းကို ထပ်မံကျူးကျော်ခြင်းမှ ဟန့်တားနိုင်မည်ဖြစ်သည်။
အင်တာဗျူးတစ်ခုတွင် ဇလန်းစကီး က နေတိုးအဖွဲ့ တွင်ပါဝင်ခြင်းလုပ်ငန်းစဉ်သည် “နှစ်ပေါင်းများစွာ သို့မဟုတ် ဆယ်စုနှစ်များစွာကြာညောင်းခဲ့ပါက ကျွန်ုပ်တို့တွင် မေးခွန်းတစ်ခု သာရှိသည်- ဒီကံဆိုးမှုကနေ ငါတို့ကို ဒီကာလတစ်လျှောက်လုံးအတွက် ဘယ်အရာက ခုခံကာကွယ်ပေးမှာလဲ။” “ဘယ်လို ထောက်ခံမှုအစီအစဉ်မျိုးလဲ? ဘယ်လိုဒုံးကျည်မျိုးလဲ? ကျွန်ုပ်တို့ကို နျူကလီးယားလက်နက်များ ပေးမလား? ဒါဖြင့် သူတို့ နျူကလီးယားလက်နက်များ ပေးလိုက်ပါစေ။” လို့ပြောကြားထားသည်။
ယူကရိန်းသည် ဆိုဗီယက်ယူနီယံ ပြိုကွဲပြီးနောက် နျူကလီးယားလက်နက် သိုလှောင်မှုကို အမွေဆက်ခံခဲ့သော်လည်း ရုရှား၊ ဗြိတိန်နှင့် အမေရိကန်တို့ထံမှ လုံခြုံရေး အာမခံချက် ရရှိပြီးနောက် ၁၉၉၄ ခုနှစ်တွင် နျူကလီးယားလက်နက် သိုလှောင်မှုကို စွန့်လွှတ်ခဲ့ရသည်။
“နျူကလီးယားလက်နက်တွေ ပြန်ပေးလိုက်ပါ။ ကျွန်တော်တို့ကို ဒုံးကျည်စနစ်တွေ ပေးပါ” ဟု ဇလန်းစကီး က ပြောကြားခဲ့သည်။ “မိတ်ဖက်များ- ကျွန်ုပ်တို့၏ စစ်တပ် ၁ သန်းကို ငွေကြေးထောက်ပံ့ကူညီပေးပါ။ ပြည်သူပြည်သားများ အေးချမ်းသာယာမှု ရှိစေရေးအတွက် တည်ငြိမ်အေးချမ်းမှုကို လိုချင်တဲ့ ကျွန်တော်တို့ ပြည်နယ်ရဲ့ ဒေသတွေကို သင့်တို့တပ်များ ရွေ့ပြောင်းနေရာချထားပေးပါ။”
ဇလန်းစကီး က ဒီလို အကြံပြုတာ ဒါ ပထမဆုံးအကြိမ် မဟုတ်ပါဘူး။ 2024 ခုနှစ် အောက်တိုဘာလတွင် ယူကရိန်းသည် နေတိုးအဖွဲ့ဝင်ဖြစ်ရန် သို့မဟုတ် နျူကလီးယားလက်နက်များ လိုအပ်ကြောင်း ပြောကြားခဲ့ပြီး နေတိုးအဖွဲ့ဝင်ဖြစ်ရန်အတွက် ပြတ်သားစွာ လိုလားကြောင်း ဖော်ပြခဲ့သည်။
Ref: ပေါ်လီတီကို