ယခုဘဏ္ဍာနှစ်စ ဧပြီလ (၃) ပတ်တာအတွင်း မြန်မာ – တရုတ်နယ်စပ်ကုန်သွယ်ရေးမှ ကန်ဒေါ်လာ ၂၀၃ ဒဿမ ၇၇ သန်းရရှိထားကြောင်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ ကုန်သွယ်မှုစာရင်းများအရ သိရသည်။
မြန်မာ – တရုတ် နယ်စပ်ကုန်သွယ်ရေးလမ်းကြောင်းပေါ်ရှိ မူဆယ်၊ လွယ်ဂျယ်၊ ကံပိုက်တီနှင့် ကျိုင်းတုံ နယ်စပ်ဂိတ်တို့မှ ကုန်သွယ်မှုပြုလုပ်လျက်ရှိပြီး စီးပွားကူးသန်း၏ ၂၀၂၃ -၂၀၂၄ ဘဏ္ဍာနှစ် ဧပြီလ (၁) ရက်မှ (၂၁) ရက်အထိ စာရင်းအချက်အလက်များအရ နယ်စပ်ဂိတ်အား လုံး ၏ ၉၀ ရာခိုင်နှုန်းနီးပါး ကုန်သွယ်မှုပြုလုပ်နေသည့် မူဆယ်ကုန်သွယ်ရေးစခန်းမှ အမေရိကန်ဒေါ်လာ ၁၄၄ ဒ ဿမ ၆၃ သန်းရရှိထားပြီး လွယ်ဂျယ်ကုန်သွယ်ရေးစခန်းမှ အမေရိကန်ဒေါ်လာ ၇ ဒဿမ၆၃ သန်းရရှိထားကြော င်း သိရသည်။
ယင်းအပြင် ချင်းရွှေဟော်ကုန်သွယ်ရေးစခန်းမှ အမေရိကန်ဒေါ်လာ ၂၉ ဒဿမ ၆၃ သန်း၊ ကံပိုက်တီဂိတ်မှ အမေရိကန်ဒေါ်လာ ၂၁ ဒဿမ ၅၈ သန်း၊ ကျိုင်းတုံဂိတ်မှ အမေရိကန်ဒေါ်လာ ၀ ဒဿမ ၃၀ သန်းဖြင့် အနည်းဆုံးကုန်သွယ်မှု ပြုလုပ်ထားနိုင်ကြောင်း သိရသည်။
သင်္ကြန်ကာလအပြီးတွင် မြန်မာ – တရုတ်နယ်စပ်ကုန်သွယ်ရေးသည် ပုံမှန်အတိုင်းလည်ပတ်နေပြီး နေ့စဉ်ကားအစီးရေ ၂၀၀ ဝန်းကျင် ဝင်ထွက်သွားလာ၍ ကုန်သွယ်မှုပြုလုပ်လျက်ရှိကာ ယခင်နှစ်ထက် မြန်မာ – တရုတ်နယ်စပ်ကုန်သွယ်ရေးသည် ပိုမိုတိုးတက်လာနိုင်ကြောင်း ကုန်သည်များက ခန့်မှန်းထားသည်။
မြန်မာနိုင်ငံမှ ဆန်၊ ဆန်ကွဲ၊ ပဲ၊ ပြောင်း၊ နှမ်း၊ ဖရဲ၊ သခွား စတဲ့ လယ်ယာထွက်ကုန်ပစ္စည်းအပါအဝင် ရော်ဘာ၊ ကြက်သွန်၊ ရေထွက်ပစ္စည်း၊ ငရုတ်သီး စသည့် ကုန်ပစ္စည်းများကို တရုတ်ပြည်သို့ တင်ပို့နေပြီး တရုတ်နိုင်ငံဘက်မှ ဆောက်လုပ်ရေးပစ္စည်း၊ လျှပ်စစ်ပစ္စည်း၊ စက်ပစ္စည်း၊ စားကုန်သောက်ကုန်နှင့် ဆေးဝါးများ ပြန်လည်တင်သွင်းလျက်ရှိကြောင်း သိရသည်။
