ထိုင်း-မြန်မာနယ်စပ် မြဝတီမြို့ရှိ စက်သုံးဆီမှောင်ခိုဈေးကွက်အတွင်း စက်သုံးဆီဈေးနှုန်းများ ပြန်လည်ကျဆင်းလာကြောင်း ဒေသခံစက်သုံးဆီဝယ်ယူသုံး
စွဲသူများထံက သိရသည်။
လက်ရှိ မှောင်ခိုဈေးကွင်အတွင်း စက်သုံးဆီ တစ်လီတာ ကျပ် (၁၅,၀၀၀)မှ ကျပ် (၁၀,၀၀၀)အထိ ကျဆင်းလာသလို
နှစ်ဆယ်လီတာပုံးကြီး တစ်ပုံး ကျပ် (၂၈၀,၀၀၀)မှ ကျပ် (၁၆၀,၀၀၀)အထိ ထိုးကျလာခြင်းဖြစ်ကြောင်း သိရသည်။
“မှောင်ခိုဈေးကွက်ထဲပြန်ကျလာတာ။ တရုတ်ဆိုက်တွေမရှိတော့ အဲ့ဒီကိုသွားမယ့် ဆီက ပိုလျံလာပြီး ဈေးကွက်ထဲ ထိုးကျသွားတာပေါ့။ မြို့တာဝန်ရှိသူတွေကလည်း မှောင်ခိုရောင်းဝယ်သူတွေကို အဆမတန်ဈေးနဲ့မရောင်းချဖို့ သတိပေးခံဝန်ထိုးခိုင်းတာတွေလည်း လုပ်နေကြတယ်။ ဒါ့ကြောင့်ပါ”ဟု ဒေသခံသတင်းရင်းမြစ်တစ်ဦးက ရှင်းပြသည်။
ထို့အပြင် ကရင်ပြည်နယ် ဘားအံမြို့ရှိ
စက်သုံးဆီဆိုင်များ အနေဖြင့်လည်း နံနက်(၈)နာရီမှ ညနေ(၄)နာရီအထိသယဖွင့်လှစ်ရောင်းချပေးနေကြောင်း မြဝတီ -ဘားအံ ခရီးသည်တင်ယာဉ်မောင်းတစ်ဦးကပြောသည်။
” တန်းစီနေရတာပေါ့။ တစ်ခါဝယ်ရင် တစ်သိန်းဖိုးဘဲရောင်းပေးတယ်။ ပိုမရောင်းပေးဘူး။ ဒီဇယ်တစ်လီတာကို နှစ်ထောင့်ရှစ်ရာနဲ့ နှစ်ဆယ် ရိုးရိုးဒီဇယ်ပေါ့။ ပရီမီယံဒီဇယ်ကတော့ သုံးထောင့်လေးရာ ငါးဆယ်ငါးကျပ်ရှိတယ်။ သူကဝယ်လို့မရဘူး။”ဟု ဆိုသည်။
မြဝတီမြို့ရှိ ကျားဖြန့် လုပ်ငန်းများနှင့် ပတ်သက်၍ ထိုင်းနိုင်ငံဘက်မှ လျှပ်စစ် မီးအပါအဝင် စက်သုံးဆီနှင့် အင်တာနက်များဖြတ်တောက်ခဲ့ပြီးနောက် စက်သုံးဆီဝယ်လိုအားမြင့်တက်ခဲ့ကာ မှောင်ခိုဈေးကွက် အပြိုင်အဆိုင်ပေါ်ထွက်လာခဲ့ခြင်းလည်းဖြစ်သည်။
ပုံစာ- မြဝတီမြို့တွင် ပြီးခဲ့သောရက်ပိုင်းအတွင်းက စက်သုံးဆီဝယ်ယူရန်စောင့်ဆိုင်းနေသည့် မြင်းကွင်းပုံရိပ်