မြန်မာနှစ်သစ်ကူး သကြင်္န်ပွဲတော်ကာလအပြီး ရုံးပိတ်ရက်ရှည်ပြီးနောက် ပြန်လည်တွေ့မြင်ရသည့် ရန်ကုန်မြို့လယ်မြင်ကွင်းများ

အထူးဒေသ(၁)၊ ကွတ်ခိုင်ခရိုင်ရှိ ပြည်ထောင်စုလမ်းမကြီး၏ ကွတ်ခိုင်-နမ့်ဖတ်ကာသွားလမ်းပိုင်း နေရာ(၃) ခုတွင် မြေပြိုမှုများဖြစ်ပွားခြင်း၊ အချို့မြေပြိုသည့်နေရာများ၌ လမ်းမျက်နှာပြင်အက်ကွဲမှုများဖြစ်ပေါ်ခြင်းများရှိနေ၍ အထူးဒေသအုပ်ချုပ်ရေးကော်မတီမှ ဦးဆောင်ကာ ဧပြီ ၁၇ ရက်မှစပြီးပြန်လည်ပြုပြင်လျက်ရှိကြောင်း သိရသည်။ လုပ်ငန်းသုံးစက်ယန္တရားများ၊ အလုပ်သမားများနှင့်ပြန်လည်ပြုပြင်မှုများကို လမ်းပန်းဆက်သွယ်ရေးအမြန်ဆုံးပြန်လည်ကောင်းမွန်စေရန်နှင့် သွားလာရေး ဘေးကင်းစေရန်အတွက် ကြိုးပမ်းဆောင်ရွက်လျက်ရှိကြောင်း သိရသည်။ ထို့ကြောင့် လမ်းအသုံးပြုသူများအနေဖြင့် ပြုပြင်ထိန်းသိမ်းရေးဆောင်ရွက်နေသည့် လမ်းပိုင်းများသို့ရောက်ရှိချိန်၌ အရှိန်လျှော့မောင်းနှင်ရန်၊ ဂရုစိုက်ရန်နှင့် လုပ်ငန်းခွင်ရှိ လမ်းစည်းကမ်းထိန်းသိမ်းရေးညွှန်ကြားချက်များကိုလိုက်နာကာ ဘေးကင်းလုံခြုံသောသွားလာမှုဖြစ်စေရန်၊ ယာဉ်မတော်တဆဖြစ်မှုများလျှော့ချနိုင်ရေးအတွက် ဝိုင်းဝန်းပူးပေါင်းဆောင်ရွက်ကြရန်လည်း အထူးဒေသ(၁)အုပ်ချုပ်ရေးကော်မတီက နှိုးဆော်ထားကြောင်း သိရသည်။

အင်အားအနည်းငယ်ရှိသောငလျင်တစ်ခု ယနေ့ ဧပြီ ၂၀ ရက်နံနက်ပိုင်းက မင်းကင်းမြို့ကိုဗဟိုပြုလှုပ်ခတ်ခဲ့ကြောင်း မိုးလေဝသနှင့် ဇလဗေဒညွှန်ကြားမှုဦးစီးဌာနထံမှ သိရသည်။ နံနက် ၁၁ နာရီ ၇ မိနစ် ၃၆ စက္ကန့်က မင်းကင်းမြို့၏ တောင်-အရှေ့တောင်ဘက်(၁၅)မိုင်ခန့်အကွာ၊ အနက် (၄၉)ကီလိုမီတာကိုဗဟိုပြု၍ အင်အားရစ်(ခ်)တာစ ကေး(၃ ဒသမ ၈)အဆင့်ရှိ အင်အားအနည်းငယ်ရှိသောငလျင်တစ်ခုလှုပ်ခတ်ခဲ့ကြောင်း သိရသည်။

အီရန်နိုင်ငံ ဆိပ်ကမ်းများသို့ သွားရောက်မှုကို ပိတ်ဆို့ထားသည်ကို ဖြတ်ကျော်ရန် ကြိုးပမ်းသည့် အီရန်အလံလွှင့်ထူထားသော သင်္ဘောတစ်စင်းကို အမေရိကန်တပ်များက ဖမ်းဆီးထားကြောင်း သမ္မတ ဒေါ်နယ်ထရမ့်ပ်က ပြောကြားခဲ့သည်။ တရုတ်နိုင်ငံမှ ပြန်လာသော သင်္ဘောတစ်စင်းကို အမေရိကန်စစ်တပ်က တို-က်ခိုက်ခဲ့ကြောင်း အီရန်စစ်တပ်က အတည်ပြုခဲ့ပြီး ယင်းလုပ်ရပ်အတွက် မကြာမီ လက်စားချေမည်ဟု ကတိပြုခဲ့သည်။ လက်ရှိတွင် ဆိပ်ကမ်းများကို ပိတ်ဆို့ထားမှု၊ ဝါရှင်တန်၏ ရပ်တည်ချက် ပြောင်းလဲမှုနှင့် အလွန်အကျွံတောင်းဆိုမှုများကြောင့် တေရန်သည် လက်ရှိတွင် အမေရိကနှင့် ဆွေးနွေးပွဲများသို့ တက်ရောက်ရန် အစီအစဉ်မရှိကြောင်း အီရန်နိုင်ငံပိုင်မီဒီယာများက ဖော်ပြခဲ့သည်။ သီတင်းနှစ်ပတ်ကြာ အပ-စ်အခတ်ရပ်စဲရေးသက်တမ်း မကုန်ဆုံးမီ...