မြန်မာနိုင်ငံတွင် မူ-းယစ်ဆေးဝါးတားဆီးနှိမ်နှင်းရေးအထူးစစ်ဆင်ရေးများကို ၂၀၁၃ ခုနှစ်မှ ၂၀၂၄ ခုနှစ်အထိ အကြိမ်ပေါင်း(၄၀)ဆောင်ရွက်ခဲ့သည်ဟု ဗီယင်နာမြို့အခြေစိုက် ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ် သံအမတ်ကြီးဦးမင်းသိမ်း ကပြောသည်။
အပြည်ပြည်ဆိုင်ရာမူ-းယစ်ဆေးဝါးထိန်းချုပ်ရေးဘုတ်အဖွဲ့ကထုတ်ဝေမည့် ၂၀၂၄ ခုနှစ်အတွက် နှစ်စဉ်အစီရင်ခံစာ၊ အစပျိုးဓာတုပစ္စည်းဆိုင်ရာအစီရင်ခံစာများနှင့်ပတ်သက်သည့် ရှင်းလင်းပြောကြားပွဲအား ဖေဖော်ဝါရီ ၅ ရက်က ဩစတြီးယားနိုင်ငံ၊ ဗီယင်နာမြို့၌ကျင်းပစဉ် ပြောကြားခဲ့ခြင်းဖြစ်သည်။
မြန်မာအစိုးရအနေဖြင့် ဓာတုပစ္စည်း(၃၉)မျိုးကို ထိန်းချုပ်စာရင်းတွင်ထည့်သွင်းထားကာ ပြည်ပမှ တရားမဝင်ဝင်ရောက်မှုမရှိစေရန်နှင့် လမ်းလွဲမရောက်ရှိစေရန်တို့အတွက် တင်းကျပ်စွာဆောင်ရွက်လျက်ရှိပြီး အစပျိုး ဓာတုပစ္စည်းများတင်ပို့ရာတွင်လည်း Pre-Export Notification (PEN) စနစ်မှတစ်ဆင့်ဆောင်ရွက်လျက်ရှိသည်ဟု ပြော သည်။
” မူ-းယစ်ဆေးဝါးတားဆီးနှိမ်နှင်းရေးအထူးစစ်ဆင်ရေးများကို ၂၀၁၃ ခုနှစ်ကနေ ၂၀၂၄ ခုနှစ်အထိ အကြိမ်ပေါင်း(၄၀)ဆောင်ရွက်ခဲ့ပါတယ်။ မူ-းယစ်ဆေးဝါးလုပ်ငန်းတွေမှာ မြန်မာနိုင်ငံက တိုင်းရင်းသားလက်နက်ကိုင်အဖွဲ့တချို့ပါဝင်ပတ်သက်နေပါတယ်။ မူ-းယစ်ဆေးဝါးတားဆီးနှိမ်နင်းရေးလုပ်ငန်းတွေကို မြန်မာနိုင်ငံအနေနဲ့ အိမ်နီးချင်းနိုင်ငံတွေ၊ အာဆီယံ၊ မဲခေါင်နဲ့ ဘင်းမ်စတက်နိုင်ငံတွေ၊ ကုလသမဂ္ဂနဲ့ တခြားနိုင်ငံတကာ မူ-းယစ်ဆေးဝါးထိန်းချုပ်ရေးအဖွဲ့အစည်းတွေနဲ့ ပူးပေါင်းဆောင်ရွက်နေပါတယ်”ဟု မြန်မာသံအမတ်ကြီးဦးမင်းသိမ်း ကပြောသည်။
ထို့ပြင် မြန်မာနိုင်ငံအစိုးရအနေဖြင့် ဘိ-န်းစိုက်ပျိုးမှု၊ လူလုပ်မူ-းယစ်ဆေးဝါးထုတ်လုပ်မှုနှင့် မူ-းယစ်ဆေးဝါးအလွဲသုံးမှုဆိုင်ရာ စိန်ခေါ်မှုများကို အမျိုးသားရေးတာဝန်အဖြစ် ကိုင်တွယ်ဖြေရှင်းရာတွင် တည်ဆဲမူ-းယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာဥပဒေကို နိုင်ငံတကာစံနှုန်းများနှင့် ကိုက်ညီမှုရှိစေရေးအတွက် လေ့လာသုံးသပ်ဆောင်ရွက်လျက်ရှိသည်ဟု ပြောသည်။
ထို့အတူ မြန်မာ့တပ်မတော်၊ မြန်မာနိုင်ငံရဲတပ်ဖွဲ့နှင့်ဆက်စပ်ဌာနများအနေဖြင့် ဒေသခံတိုင်းရင်းသားပြည်သူများအား အသိပညာပေးစည်းရုံးခဲ့မှုကြောင့် ၂၀၂၃-၂၀၂၄ ခုနှစ် ဘိန်းစိုက်ရာသီတွင် ဘိန်-းစိုက်ခင်း(၆၁၈၁)ဧကကို ဖျက်ဆီးနိုင်ခဲ့ပြီး ဘိန်းအစားထိုးဖွံ့ဖြိုးရေးလုပ်ငန်းများကိုလည်း ဆက်လက်ဆောင်ရွက်လျက်ရှိသည်ဟုလည်း မြန်မာသံအမတ်ကြီးက ပြောကြားခဲ့သည်။