မြန်မာနိုင်ငံတွင်အေးချမ်းသာယာလျက်ရှိပြီး ပြင်ပတွင်ဖြစ်ပေါ်နေသော သတင်းများနှင့်ကွာခြားနေသည်ဟု ဂျပန်နိုင်ငံအောက်လွှတ်တော်အမတ် Honorable Mr. TAKEI Shunsuke က ပြည်သူ့လွှတ်တော်ဥက္ကဋ္ဌဦးခင်ရီနှင့် စက်တင်ဘာ ၁၄ ရက်တွင်တွေ့ဆုံချိန်၌ပြောကြားခဲ့ခြင်းဖြစ်သည်။
” မြန်မာနိုင်ငံကိုရောက်လာတဲ့အခါမှာ အေးချမ်းသာ ယာတဲ့ အခြေအနေတွေကိုတွေ့မြင်ရပါတယ်။ ပြင်ပမှာဖြစ်ပေါ်နေတဲ့ သတင်းတွေနဲ့ကွာခြားနေပါတယ်။ ဒါ့ကြောင့် နှစ်နိုင်ငံဆက်ဆံရေးတိုးမြှင့်နိုင်ဖို့ အဓိကကျတဲ့ ပြည်သူအချင်းချင်း ချစ်ကြည်ရင်းနှီးမှုနဲ့ မြန်မာနိုင်ငံရဲ့ သာယာလှပတဲ့ သဘာဝ၊ ယဉ်ကျေးမှုတွေလေ့လာနိုင်ဖို့အတွက် ခရီးသွားလုပ်ငန်းတွေကိုပြန်လည်စတင်နိုင်အောင်ကြိုးပမ်းဆောင်ရွက်သွားပါမယ်”ဟု ဂျပန်နိုင်ငံအောက်လွှတ်တော်အမတ်က ပြောသည်။
ထို့ပြင် နှစ်နိုင်ငံလွှတ်တော်နှစ်ရပ်ကြား ပူးပေါင်းဆောင် ရွက်နိုင်ရေးကိုလည်းကြိုးပမ်းသွားမည်ဖြစ်ကာ ဂျပန်နိုင်ငံအနေဖြင့် Specified Skilled Worker(SSW)ကျွမ်း ကျင်သည့်လုပ်သားစနစ်သစ်ဖြင့် အလုပ်သမားများ ခေါ်ယူရေးကိုဆောင်ရွက်လျက်ရှိသည်ဟု ပြောသည်။
ထို့အတူ ယခုခရီးစဉ်ရည်ရွယ်ချက်မှာ နှစ်နိုင်ငံခရီး သွားလုပ်ငန်းပြန်လည်စတင်ရေး၊ လူ့စွမ်းအား အရင်းအမြစ်နှင့် စီးပွားရေးပူးပေါင်းဆောင်ရွက်မှုများတိုးမြှင့်ရေး၊ နှစ်နိုင်ငံဆက်ဆံရေးနှင့် ပြည်သူချင်းထိတွေ့ဆက်ဆံမှုပြန်လည်ခိုင်မာလာစေရေးတို့အတွက်ဖြစ်သည်ဟု ပြောကြားခဲ့သည်။