မြစ်များညစ်ညမ်းမှုနှင့်ပတ်သတ်၍မြန်မာ၏တုံ့ပြန်မှုကိုထိုင်း‌ကစောင့်ဆိုင်းနေ

ဇွန် ၁၁

ကိုးကန့်မြစ်နှင့် စိုင်းမြစ်များတွင် ခဲနှင့်အာဆင်းနစ် ညစ်ညမ်းမှုများ ဖြစ်နိုင်ခြေရှိမှုအတွက် မြန်မာနိုင်ငံ၏ တုံ့ပြန်မှုကိုထိုင်းနိုင်ငံက စောင့်ဆိုင်းနေကြောင်း ဒုတိယ ပြည်ထဲရေးဝန်ကြီး ထီရာရတ် ဆန်ရီဂျဗန်နစ်ချ် က ပြောသည်။

မြစ်များအတွင်း ညစ်ညမ်းမှုကို ကိုင်တွယ်ဖြေရှင်းရန် ထိုင်းအစိုးရက ဖွဲ့စည်းထားသော ရေမျက်နှာပြင် အရည်အသွေး မြှင့်တင်ရေး အထူးကော်မတီက အဆိုပါ ပြဿနာကို ဖြေရှင်းရန် မြန်မာနိုင်ငံသို့ စာတစ်စောင်ပေးပို့ခဲ့ကြောင်း သီရာရတ်က ပြောသည်။

ထိုင်းနိုင်ငံသည် မြန်မာနိုင်ငံ၏ တုံ့ပြန်မှုကိုစောင့်ဆိုင်းလျက်ရှိပြီး၊ “တတိယနိုင်ငံတစ်နိုင်ငံထံ ဆက်လက်ဆက်သွယ်နိုင်ရေးအတွက် နောက်တစ်ကြိမ် ချိန်းဆိုဆွေးနွေးမှုတစ်ခုကျင်းပနိုင်ရန် စီစဉ်နေသည်” ဟု သူကပြောကြား ခဲ့သည်။

သီရာရတ် သည် ချင်းရိုင်ခရိုင်အုပ်ချုပ်ရေးမှူးနှင့် ဆက်စပ်အေဂျင်စီများနှင့် ဒုတိယအကြိမ် ဗီဒီယိုခေါ်ဆိုမှု ပြုလုပ်ပြီးနောက် ယမန်နေ့က ပြောဆိုခဲ့ခြင်းဖြစ်သည်။ ကာကွယ်ရေး ဝန်ကြီးဌာနနှင့် တပ်မတော် စစ်ဘက်နယ်စပ်ရေးရာ ဦးစီးဌာနတို့လည်း ပါဝင်ခဲ့သည်။

အဆိုပါကော်မတီသည် ကိုးကန့်မြစ်အတွင်း ရေအောက် အနည်အနှစ်အတားအဆီးများ ဒီဇိုင်းရေးဆွဲခြင်းကို အပြီးသတ်ပြီး ဒီဇိုင်းရေးဆွဲရန်အတွက် ဘတ်ဂျက်တောင်းခံရန်အတွက် နိုင်ငံတော်ရေအရင်းအမြစ်ရုံး (ONWR) သို့ တင်ပြမည်ဖြစ်ကြောင်း သီယာရတ်က ပြောသည်။

ဒေသခံလူထုထံ ရေမရောက်ရှိမီ အာဆင်းနစ်ပါဝင်မှု ကိုလျှော့ချရေးကို အထောက်အကူဖြစ်စေရန်အတွက် အတားအဆီးများကို ရေထုညစ်ညမ်းမှု မြင့်မားသောနေရာများတွင် ထားရှိမည်ဖြစ်သည်။

မကြာသေးမီရက်သတ္တပတ်များအတွင်း ထိုင်းနိုင်ငံမြောက်ပိုင်းရှိ ဒေသခံလူထုများက မြန်မာနိုင်ငံ ရှမ်းပြည်နယ်အတွင်း အထူးသဖြင့် တရုတ်ကုမ္ပဏီများက ထိန်းချုပ်မှုမရှိသော မူဝါဒမဲ့ ရွှေတူးဖော်မှုလုပ်ငန်းများကြောင့် ဖြစ်ပေါ်လာသော ပြဿနာကို ဖြေရှင်းပေးရန် တောင်းဆိုခဲ့ကြသည်။

ကိုးကန့်နှင့် စိုင်းမြစ်များတွင်သာမက မြန်မာနိုင်ငံနှင့် နယ်နိမိတ်ချင်း ထိစပ်နေသော ရနောင်းခရိုင်ရှိ ခရာဘူရီမြစ်တွင်လည်း ညစ်ညမ်းမှုပြဿနာကို ယမန်နေ့က ဆွေးနွေးခဲ့ကြောင်း သယံဇာတနှင့် သဘာဝပတ်ဝန်းကျင်ဆိုင်ရာ ကော်မတီ ဥက္ကဋ္ဌ အထက်လွှတ်တော်အမတ် ချီဝပ်ချီဝါသမ်က ပြောသည်။ အထူးသဖြင့် နယ်စပ်ဖြတ်ကျော် ပြဿနာများနှင့် ပတ်သက်၍ ထိုင်းအစိုးရအေဂျင်စီများ၏ တုံ့ပြန်မှုသည် မလုံလောက်ပါဟု ၎င်းကမှတ်ချက်ပြု ပြောကြားခဲ့သည်။

မူလက ထိုင်း၊ လာအို၊ ကမ္ဘောဒီးယားနှင့် ဗီယက်နမ်တို့ပါ၀င်သော မဲခေါင်မြစ်ကော်မရှင် စာချုပ်ကို ပြန်လည်ပြင်ဆင်ရန် ONWR က အဆိုပြုခဲ့သည်။ မဲခေါင်မြစ်အထက်ပိုင်းနိုင်ငံများဖြစ်သည့် မြန်မာနှင့် တရုတ်တို့သည် MRC ၍မပါဝင်သေးကြောင်းပြောကြားခဲ့သည်။

“အနည်အနှစ်အတားအဆီးတွေ ဆောက်တာကို သဘောမတူဘူး။ ရေကို သောက်သုံးဖို့နဲ့ ငါးတွေ ကို စားသုံးဖို့ ဘေးကင်းမယ်လို့ အတည်ပြုဖို့ ပညာရှင်တွေ ပြောထားတာလည်း မရှိပါဘူး။ ထိုင်းနိုင်ငံက တိုက်ခိုက်ခံရပေမယ့် ဘယ်သူကို တိုင်ကြားနိုင်မလဲ” ဟု ဆင်ချာဝါဖတ် က ပြောခဲ့သည်။

Ref:ဘန်ကောက်ပို့စ်