မွန်ပြည်နယ်၊ မော်လမြိုင်မြို့၌ နွေရာသီကျောင်းပိတ်ရက် ယဉ်ကျေးလိမ္မာ အခြေခံနှင့် အဆင့်မြင့်သင်တန်း ကျောင်းသားကျောင်းသူ (၃၀၀) ဦးအား အခမဲ့ သင်ကြားပို့သွားမည်ဖြစ်ကြောင်း သာသနာနွယ်ဖောင်ဒေးရှင်း ဦးဆောင်ဆရာတော်တစ်ပါးထံမှ သိရသည်။
သင်ကြားပို့ချမှုကို မော်လမြိုင်မြို့ သာသနာနွယ်ဖောင်ဒေးရှင်းဆရာတော်က ကြီးမှုးပြုလုပ်ခြင်းဖြစ်ပြီး အခြေခံသင်တန်းတွင် ဗုဒ္ဓဝင်၊ ဘုရားရှိခိုး နှင့် ဗုဒ္ဓဘာသာ အခြေခံသင်ခန်းစာများ၊ ယဉ်ကျေးလိမ္မာ ကဗျာများကို သင်ကြား ပို့ချသွားမည်ဖြစ်ကာ အဆင့်မြင့်သင်တန်းတွင် မင်္ဂလသုတ်၊ သိင်္ဂိါလောဝါဒသုတ်လာ ကျင့်ဝတ်များနှင့် လောကနီတိများကို သင်ကြားပို့ချသွားမည်ဖြစ်ကြောင်း သိရသည်။
အခြေခံသင်တန်းတွင် KG တန်း မှ Grade 4 အထိ ကျောင်းသား (၇၅) ဦး နှင့် ကျောင်းသူ (၇၅) ဦး လက်ခံမည့်အပြင် အဆင့်မြင့်သင်တန်းတွင် ပညာအရည်အချင်း Grade 5 မှ Grade 12 အထိကျောင်းသား (၇၅) ဦး နှင့် ကျောင်းသူ (၇၅) ဦး စုစုပေါင်း (၃၀၀)ဦး လက်ခံသင်ကြားသွားမည်ဖြစ်သည်။
သင်တန်းဝင်ခွင့်လျှောက်လွှာများကို ယခုလ (၂၂)ရက်နောက်ဆုံးထား ထုတ်ယူနိုင်ပြီး သင်တန်းကို မတ်လ (၃)ရက်မှ မေ(၂၅)ရက်အထိ (၃)လကြာ သင်ကြားပို့ချသွားမည်ဖြစ် ကြောင်း သိရသည်။
သင်တန်းကို မော်လမြိုင်မြို့၊ တောင်ဝိုင်းတောင်တက်လမ်းအနီး သာသနာနွယ်ဖောင်ဒေးရှင်း၊ ဇေတဝန်ကျောင်းတိုက်ဓမ္မာရုံ၌ ဖွင့်လှစ်သင်ကြားသွားမည်ဖြစ်ကြောင်း သိရသည်။