မိုးကြိုကာလအတွင်း ဖြစ်ပေါ်လာနိုင်သည့် သဘာဝဘေးအန္တရာယ်များကို အချိန်နှင့်တပြေးညီ ကူညီကယ်ဆယ်နိုင်ရန်ရည်ရွယ်၍ သဘာဝဘေးအန္တရာယ် ကြိုတင်ကာကွယ်ပြင်ဆင်မှု လေ့ကျင့်ရေးသင်တန်း (၁/၂၀၂၆) ကို ရွှေမေတ္တာလူမှုကူညီရေးအသင်းမှ ဦးဆောင်၍ ရွှေပြည်သာမြို့နယ်ရှိ D elight ရေကူးကန်၌ ကျင်းပပြုလုပ်ခဲ့ကြောင်း အဆိုပါ အစသင်းထံက သိရသည်။
အဆိုပါသင်တန်းသို့ မြို့နယ်အသီးသီးမှ ပရဟိတမောင်နှမ (၄၇) ဦးနှင့်နည်းပြများအနေဖြင့် Myanmar Rescue မှ ဆရာဦးမောင်မောင်သန့်၊ ဆရာကိုတိုးအောင်နှင့် ရွှေမေတ္တာအသင်းမှ မရွှေလဲ့တို့က နည်းပြအဖြစ် ဆောင်ရွက်ခဲ့ကြကြောင်း သိရသည်။
လေ့ကျင့်ရေးအနေဖြင့် ရေပြင်လှုပ်ရှားမှုနှင့် ကူညီကယ်ဆယ်ရေးစနစ်များ၊ လူနာသယ်ဆောင်နည်း၊ ရေပြင်သက်ကယ်နည်း စနစ်များ၊ ကြိုးချည်နည်းနှင့် Hydr aulic Tools များအပါအဝင် ရှာဖွေကယ်ဆယ်ရေးသုံးပစ္စည်းများလက်တွေ့အသုံးချနည်းများကို လေ့ကျင့်ခဲ့ကြကြောင်းသိရသ ည်။
သင်တန်းတွင် ဆန်ရေ (သင်္ဃန်းကျွန်း/တာမွေ)၊ အဖြူရောင်ကမ်းလက် (ကျောက်တံတား)၊ မေတ္တာရိပ် (လှိုင်သာ ယာ)၊ KTA (မရမ်းကုန်း)၊ ခေတ်သစ်လူငယ် (ရွှေပြည်သာ)၊ ကြယ်စင်မေတ္တာ (အင်းစိန်)၊ အနာဂတ် (အင်းစိန်)၊ ရွှေပြည်သာအရန်မီးသတ်နှင့် Myanmar EMS Network 2999 Channel တို့ပါဝင်ခဲ့ကြကြောင်း သိရသည်။
သင်တန်းအတွက် လိုအပ်သည့် ကုန်ကျစရိတ် ငွေကျပ် (၉)သိန်းကို ကို ZB နှင့် မရွှေရုပ် (The Classy Branded Collec tions)တို့မှ ပံ့ပိုးပေးခဲ့ပြီး၊ နေ့လယ်စာ အာဟာရအ တွက် Media Queen မှ မေတ္တာဖြင့် ကူညီလှူဒါန်းခဲ့ကြောင်း မျှဝေထားသည်။
ရွှေမေတ္တာလူမှုကူညီရေးအသင်း ဥက္ကဋ္ဌ မရွှေလဲ့က “သဘာဝဘေးဒ-ဏ်ကြုံခဲ့လျှင် ပြည်သူများကို အချိန်နှင့်တပြေးညီ ကူညီကယ်ဆယ်နိုင်ရန်” ယခုကဲ့သို့ ကြို တင်ပြင်ဆင်မှုများကိုအလေးထားဆောင်ရွက်ခြင်းဖြစ်ကြောင်း ဆိုထားသည်။
ဓာတ်ပုံ-မရွှေလဲ့