မန္တလေးတိုင်း၏ GDP သည် တစ်နှစ်လျင် အမေရိကန် ဒေါ်လာ(၉)ဘီလီယံခန့်ရှိ တစ်နိုင်ငံလုံးအတိုင်းအတာ ၏ (၁၀)ရာခိုင်နှုန်းခန့်ပါဝင်ပြီး ဝါကိုအခြေခံသည့် စက်မှုလုပ်ငန်းများ မန္တလေးတိုင်းအတွင်းတိုးတက်လာစေရေးကြိုးပမ်းဆောင်ရွက်ရန် နိုင်ငံတော်သမ္မတ ဦးမင်းအောင်လှိုင်က တိုက်တွန်းပြောကြားသည်။
ယနေ့ မေ ၁၅ ရက်တွင် မန္တလေးတိုင်းရှိ တိုင်း၊ ခရိုင်၊ မြို့နယ်အဆင့် ဌာနဆိုင်ရာတာဝန်ရှိသူများနှင့် အသေးစား၊ အငယ်စားနှင့် အလတ်စားစီးပွားရေး(MSME) လုပ်ငန်းရှင်များနှင့်တွေ့ဆုံ၍ ဒေသဖွံ့ဖြိုးတိုးတက်ရေးဆိုင်ရာများအားဆွေးနွေးပြောကြားစဥ် တိုက်တွန်းပြောကြားခဲ့ခြင်းဖြစ်သည်။
” မန္တလေးတိုင်းဟာ စက်မှုလုပ်ငန်းတွေ၊ စိုက်ပျိုးမွေးမြူ ရေးလုပ်ငန်းတွေအားလုံး အောင်မြင်ဖြစ်ထွန်းမှုရှိတဲ့ ထူးခြားတဲ့တိုင်းတစ်ခုဖြစ်ပါတယ်။ အရေးကြီးသီးနှံ (၁၄)မျိုး စိုက်ပျိုးထုတ်လုပ်မှုက အားရကျေနပ်ဖွယ် အနေအထားမှာရှိတဲ့အတွက် ပန်းတိုင်ရရှိမှုမြင့်မားစေဖို့အတွက် ဆက်လက်ကြိုးပမ်းဆောင်ရွက်စေလိုပါတယ်”ဟု နိုင်ငံတော်သမ္မတက ပြောသည်။
ထို့ပြင် မန္တလေးတိုင်းသည် ဝါစိုက်ပျိုးမှု၌ ဒုတိယအ များဆုံးဖြစ်၍ မန္တလေးတိုင်းအတွင်း ဝါကိုအခြေခံသည့် စက်မှုကုန်ထုတ်လုပ်ငန်းကိုအောင်မြင်အောင် ဆောင်ရွက်နိုင်ကာ ဝါစိုက်ပျိုးထုတ်လုပ်မှုကိုတိုးတက်အောင်ဆောင်ရွက်နိုင်ပါက ဒေသနှင့် နိုင်ငံအတွက်များစွာအကျိုးဖြစ်ထွန်းစေမည်ဟု ပြောသည်။
ထို့အတူ မန္တလေးတိုင်းအတွင်း ရက်ကန်းလုပ်ငန်းများ တိုးတက်လာစေရေးအတွက် တာဝန်ရှိသူများနှင့် စီမံဆောင်ရွက်ပေးမည်ဖြစ်ကာ ဝါမှချည်နှင့်ချည်ထည် များထုတ်လုပ်နိုင်ပြီး ဝါစေ့ဆီနှင့် ဝါကြိတ်ဖက်မှ တိရ စ္ဆာန်အစာများကိုထုတ်လုပ်နိုင်သည်ဟု ပြောသည်။
ထို့ပြင် ဝါဖန်စက်များကိုလည်း စမ်းသပ်ထုတ်လုပ်လျက်ရှိပြီးအောင်မြင်ပါက ဆက်လက်ဖြန့်ဝေပေးသွားမည်ဟု နိုင်ငံတော်သမ္မတက ပြောကြားခဲ့သည်။