မန္တလေးတိုင်း၊ မဟာအောင်မြေမြို့နယ်၊ သာစည်မြို့နှင့် ဝမ်းတွင်းမြို့တို့တွင် ယနေ့ ဖေဖော်ဝါရီ ၈ ရက်(တစ်ရက်တည်း)၌ မီးလောင်ကျွမ်းမှု(၃) ကြိမ်ဖြစ်ပွားခဲ့ကြောင်း မီးသတ်တပ်ဖွဲ့ထံမှ သိရသည်။
မဟာအောင်မြေမြို့နယ်၊ ၆၂ လမ်း၊ ၃၈ လမ်းနှင့် ၃၉ လမ်းကြားရှိ ရတနာတိုင်းပြည်အိမ်ယာဝင်းရှိ တိုက်ခန်းတစ်ခုတွင် နေ့လည် ၁ နာရီ ၅၀ မိနစ်ခန့်က မီးလောင်ကျွမ်းမှုဖြစ်ပွား၍ မဟာအောင်မြေမြို့နယ်မီးသတ်စခန်းမှတပ်ဖွဲ့ဝင်များကငြှိမ်းသတ်ခဲ့ကြသဖြင့် မွန်းလွဲ ၂ နာရီ ၁၀ မိနစ်တွင် မီးငြိမ်းသွားခဲ့ကြောင်း သိရသည်။
ထို့ပြင် နံနက် ၁၁ နာရီ ၄၅ မိနစ်ခန့်ကလည်း သာစည်မြို့၊ အမှတ်(၃)လှည်းဝိုင်းရပ်ကွက်တွင် နေအိမ်မီးလောင်မှုဖြစ်ပွား၍ သာစည်မြို့နယ်မီးသတ်စခန်းမှတပ်ဖွဲ့ဝင်များကငြှိမ်းသတ်ခဲ့ကြသဖြင့် နံနက် ၁၁ နာရီ ၄၈ မိနစ်တွင် မီးငြိမ်းသွားခဲ့ကြောင်း သိရသည်။
ထို့အတူ ဝမ်းတွင်းမြို့၊ အမှတ်(၁)စက်မှုကွက်သစ်ရပ်တွင် နံနက် ၇ နာရီ ၃၅ မိနစ်ခန့်က နေအိမ်တစ်လုံးမီးလောင်မှုဖြစ်ပွား၍ ဝမ်းတွင်းမြို့နယ်မီးသတ်စခန်းမှတပ်ဖွဲ့ဝင်များကငြှိမ်းသတ်ခဲ့ကြသဖြင့် နံနက် ၇ နာရီ ၄၇ မိနစ်တွင် မီးငြိမ်းသွားခဲ့ကြောင်း သိရသည်။
ဖြစ်စဥ်များမှ စတင်လောင်ကျွမ်းရသည့်အ ကြောင်းရင်းနှင့်ပျက်စီးဆုံးရှုံးမှုတန်ဖိုးကို သက် ဆိုင်ရာ မီးသတ်တပ်ဖွဲ့တာဝန်ရှိသူများက စစ် ဆေးခဲ့ကြကြောင်း သိရသည်။