မကွေးတိုင်း၊ မင်းဘူး(စကု)မြို့နယ်တွင် ဇူလိုင် ၃၀ ရက်နှင့် ဇူလိုင် ၃၁ ရက်တို့က မိုးသည်းထန်စွာရွာသွန်းမှုကြောင့် ဧရာဝတီမြစ်ကမ်းဘေးရှိ ထုံးမကြီးကျေးရွာအတွင်းသို့ မြစ်ရေဝင်ရောက်မှုများဖြစ်ပေါ်ခဲ့၍ ရေ ဘေးသင့်သူများအား ရေဘေးလွတ်ကင်းရာသို့ သက် ဆိုင်ရာတာဝန်ရှိသူများက ရွှေ့ပြောင်းပေးခဲ့ကြကြောင်း သိရသည်။
လက်ရှိအချိန်၌ ရေဝင်ရောက်မှုမှာပြန်လည်ကျဆင်းသွားသဖြင့် ပြန်လည်ထူထောင်ရေးလုပ်ငန်းများကို သြဂုတ် ၇ ရက်နံနက်ပိုင်းမှစတင်၍ သက်ဆိုင်ရာအဖွဲ့အ စည်းများပူးပေါင်း၍ ဆောင်ရွက်ပေးလျက်ရှိကြောင်း သိရသည်။
ဘုန်းတော်ကြီးကျောင်းနှင့် စာသင်ကျောင်းများအား အညစ်အကြေးနှင့် အမှိုက်သရိုက်များသန့်ရှင်းရေးပြု လုပ်ခြင်း၊ ရပ်ရွာအတွင်းအသုံးပြုနေသော ရေတုံကင်များ၊ ရေဘုံပိုင်များပြုပြင်ခြင်း၊ ရေတွင်း/ရေကန်/ရေ တိုင်ကီများကို အဘိတ်ဆေးခပ်ခြင်း၊ တိရစ္ဆာန်များကိုကာကွယ်ဆေးထိုးပေးခြင်းများအားပြုလုပ်ပေးလျက်ရှိကြောင်း သိရသည်။