PTT Exploration and Production Plc ၏ လုပ်ငန်းဌာနာခွဲတစ်ခုဖြစ်သည့် AI နှင့် Robots Ventures Co (ARV) သည် ပြည်သူပိုင်အဖွဲ့အစည်းများအတွက် အခွန်ကောက်ခံခြင်းမှစတင်ပြီး သဘာဝဘေးအန္တရာယ် ကာကွယ်ရေးအထိ လုပ်ငန်းတာဝန်များစွာကို ဆောင်ရွက်နေသည့် Bedrock ဒေတာခွဲခြမ်းစိတ်ဖြာမှုဆော့ဖ်ဝဲကို ပြည်နယ်အေဂျင်စီများသို့ ပေးဆောင်ခြင်းဖြင့် ၎င်း၏လုပ်ငန်းကို တိုးတက်ကြီးထွားစေရန် ဉာဏ်ရည်တု AI နည်းပညာကို အသုံးပြုနေသည်။
Bedrock ကို ARV လုပ်ငန်းခွဲ Bedrock Analytics Co က တီထွင်ထုတ်လုပ်ထားပြီး Bedrock သည် အာဏာပိုင်များနှင့် နယ်ပယ်အသီးသီးတွင် ဒေတာများကို ပိုမိုကောင်းမွန်စွာ စီမံခန့်ခွဲရန်နှင့် မြို့ပြဖွံ့ဖြိုးတိုးတက်မှုအတွက် အာဏာပိုင်များကို ကူညီပေးရန်အတွက် ရည်ရွယ်သည့် ခေတ်မီသောမြို့ပြဒစ်ဂျစ်တယ်ဒေတာပလပ်ဖောင်းတစ်ခုဖြစ်သည်။
“ဒီဒေတာပလပ်ဖောင်းက တာဝန်ရှိသူတွေကို အခွန်တွက်ချက်မှုနဲ့ ကောက်ခံရာမှာ ကူညီပေးနိုင်ပါတယ်” ဟု Bedrock Analytics Co အကြီးတန်းစီးပွားရေးဖွံ့ဖြိုးတိုးတက်မှုမန်နေဂျာ သန်နကုန်း အိမ်ဆက်ကူက ပြောကြားခဲ့သည်။
အများအားဖြင့် တာဝန်ရှိသူများသည် ဧရိယာနယ်ပယ်တစ်ခုတွင် အခွန်တွက်ချက်ခြင်းနှင့် ကောက်ခံခြင်းအတွက် လေးလကျော်ကြာ လုပ်ဆောင်ရလေ့ရှိသည်။ AI ဉာဏ်ရည်တု နည်းပညာကိုအခြေခံထားသော အဆိုပါဆော့ဖ်ဝဲအကူအညီဖြင့် အလုပ်ပြီးစီးအောင်လုပ်ဖို့ နာရီပိုင်းပဲလိုသည်ဟု သူကပြောသည်။
အဆိုပါလုပ်ဆောင်နိုင်မှုမြန်ဆန်ရခြင်းမှာ နယ်မြေတွင် တပ်ဆင်ထားသော စမတ်ကင်မရာများက ရိုက်ကူးထားသော ဓာတ်ပုံများနှင့် Geo-Informatics and Space Technology Development Agency က ပံ့ပိုးသော ဂြိုလ်တုဓာတ်ပုံများမှတစ်ဆင့်လည်း တစ်စိတ်တစ်ပိုင်း အရှိန်မြှင့်လုပ်ဆောင်နိုင်သည်။
ဆော့ဖ်ဝဲသည် ဆိုင်များ၏ ဆိုင်းဘုတ်များကို ခွဲခြမ်းစိတ်ဖြာနိုင်ပြီး ဆိုင်းဘုတ်ခွန်ကို လျင်မြန်စွာ တွက်ချက်နိုင်သည်။
“တချို့ဆိုင်ပိုင်ရှင်တွေက ဆိုင်းဘုတ်ခွန်ကို တစ်ခါမှ မပေးဆောင်ခြင်းတဲ့အတွက် အစိုးရအတွက် အခွန်ဝင်ငွေ ကျစေတယ်” ဟု မစ္စတာ သန်းနကုန်းက ပြောသည်။
ဆော့ဖ်ဝဲကို အသုံးပြုသည့် ဒေသဆိုင်ရာ အုပ်ချုပ်ရေးအဖွဲ့များသည် နှစ်စဉ် ၄.၇ ရာခိုင်နှုန်းသာတိုးတက်ခဲ့သော်လည်း ယခုအချိန်တွင် ၎င်းတို့၏ အခွန်ဝင်ငွေမှာ တစ်နှစ်လျှင် ၁၇ ရာခိုင်နှုန်း တိုးလာကြောင်း ၎င်းက ဆိုထားသည်။
Bedrock သည် သဘာဝဘေးအန္တရာယ်ကျရောက်နိုင်သော ဒေသများကို ဖော်ထုတ်နိုင်စေရန် မြို့ပြစီမံကိန်းရေးဆွဲရာတွင်လည်း အစိုးရကို ကူညီပေးနိုင်ပြီး အာဏာပိုင်များက အဆိုပါဒေသများတွင် နေထိုင်သူများကို သတိပေးချက်များ ထုတ်ပြန်နိုင်စေရန် အထောက်အကူပြုပါသည်။
Bedrock ကို ရေနှင့်မီတာဝန်ဆောင်မှုများ၊ တယ်လီကွန်းဆက်သွယ်ရေးဝန်ဆောင်မှုများနှင့် ကျန်းမာရေးစောင့်ရှောက်မှုဆိုင်ရာ အလုပ်အကိုင်များတွင်လည်း အသုံးချနိုင်သည်ဟု မစ္စတာ သန်းနကုန်းက ပြောကြားခဲ့သည်။
“ဒေတာခွဲခြမ်းစိတ်ဖြာမှုနှင့် AI ဉာဏ်ရည်တုနည်းပညာသည် ဒေသဆိုင်ရာ အုပ်ချုပ်ရေးအဖွဲ့များ၏ လုပ်ငန်းဆောင်တာများကို လွယ်ကူချောမွေ့စေမည်ဟု ကျွန်ုပ်တို့ယုံကြည်သည်” ဟု ၎င်းက ဆိုသည်။
“နည်းပညာက အရာရှိတွေဆီက အလုပ်တွေကို ခိုးယူမှာ မဟုတ်ပါဘူး။”ဟုလည်း သူက ပြောကြားထားသည်။
စီးပွားရေးနှေးတိုးတက်မှုကွေးနေသော်လည်း AI ဉာဏ်ရည်တုနည်းပညာအတွက် လိုအပ်ချက်၊ ဒေတာခွဲခြမ်းစိတ်ဖြာမှုနှင့် စက်ရုပ်စနစ်များသည် သိသိသာသာ တိုးတက်ကောင်းမွန်လာသောကြောင့်
အားကောင်း ခိုင်မာနေဆဲဖြစ်ကြောင်း ARV အထွေထွေမန်နေဂျာ မီလင်ဂျီရာပတ်စာ က ပြောကြားခဲ့သည်။
Ref: ဘန်ကောက်ပို့စ်