မန္တလေးပြည်သူ့ ဆေးရုံကြီး၌ ဘယ်ဘက်လက်ဖျံပြတ်တော က်သွားသော လက်အား ပြန်လည်ဆက်ပေးသည့် ခွဲစိတ်ကုသမှု အောင်မြင်စွာဆောင်ရွက်နိုင်ခဲ့ကြောင်း သိရသည်။
ကျောက်ဆည်မြို့နယ် ၊ လက်ပံရွာနေ အသက်(၄၀) နှစ်ရှိ အမျိုးသားတစ်ဦးသည် ဓားဖြင့် ခုတ်ခံရခြင်းကြောင့် ဘယ်ဘက်လက်ဖျံ ပြတ်တောက်သွားသည့် ဒဏ်ရာဖြင့် ၂၀၂၅ ခုနှစ် ဩဂုတ် (၁၉) ရက်၊ ည (၈) နာရီခွဲတွင် မန္တလေးပြည်သူ့ဆေး ရုံကြီးသို့ ရောက်ရှိခဲ့ကြောင်း သိရသည်။
အဆိုပါ အမျိုးသားကို အရေးပေါ်ကုသမှုများ ချက်ချင်းပြု လုပ်၍ ပြတ်တောက်သွားသည့် ဘယ်ဘက်လက်ဖျံကို ပြန်လည်ဆက်ပေးနိုင်ခဲ့ကြောင်း သိရသည်။
အဆိုပါ ခွဲစိတ်ကုသမှုကို ဩဂုတ်လ (၁၉)ရက် ၊ ည (၁၀) နာ ရီ(၅)မိနစ်မှစတင် ဆောင်ရွက်ခဲ့ပြီး နောက်တစ်နေ့ နံနက် (၅) နာရီအထိ ခွဲစိတ်ချိန် ခုနစ်နာရီခန့်ကြာ အောင်မြင်စွာဆောင် ရွက်ခဲ့ကြောင်း သိရသည်။
ခွဲစိတ်ကုသမှုကို မန္တလေးပြည်သူ့ ဆေးရုံကြီးမှ အထူးကုဆ ရာဝန်ကြီး (လက်ပိုင်းဆိုင်ရာခွဲစိတ်) ဒေါက်တာဖြိုးဆွေဝင်းတင် ခေါင်းဆောင်သည့် လက်ပိုင်းဆိုင်ရာခွဲစိတ်ကုသမှုအဖွဲ့၊ လက်ထောက်ဆရာဝန်(မေ့ဆေး) ဒေါက်တာ ဖြူစင်ညိုညို ခေါင်းဆောင်သည့် မေ့ဆေးအထူးကုအဖွဲ့နှင့် တာဝန်ကျသူ နာပြုကြီး၊ သူနာပြုများပါဝင်၍ အောင်မြင်စွာ ဆောင်ရွက်နိုင်ခဲ့ခြင်းဖြစ်ကာ အဆိုပါ လူနာ၏ ကျန်းမာရေးအခြေအနေမှာ ကောင်းမွန်ပြီး ခွဲစိတ်ပြီးလက်၏ သွေးလှည့်ပတ်မှုမှာတိုး တက်ကောင်းမွန်လျက်ရှိကာ လက်လှုပ်ရှားမှုများ စတင်ဆောင်ရွက်နိုင်ပြီဖြစ်ကြောင်း သိရသည်။