ချင်းပြည်နယ် ဖလမ်းမြို့နယ်အား တပ်မတော်က အပြည့်အဝ ပြန်လည်ထိန်းချုပ်ပြီးနောက် မြို့ပေါ်နှင့် ကျေးရွာများတွင် ပြန်လည်ထူထောင်ရေးလုပ်ငန်းများ ဆောင်ရွက်လျက်ရှိရာ ၂၀၂၆-၂၀၂၇ ပညာသင်နှစ်အတွက် အခြေခံပညာကျောင်းများကိုလည်း ပြန်လည်ဖွင့်လှစ်နိုင်ရန် စီစဉ်ဆောင်ရွက်လျက်ရှိကြောင်း သိရသည်။
ချင်းပြည်နယ်အစိုးရအဖွဲ့၏ လမ်းညွှန်မှုဖြင့် ကျောင်းနေအရွယ်ကလေးများ ပညာသင်ကြားနိုင်ရေးအတွက် နယ်မြေခံတပ်မှ တာဝန်ရှိသူများ၊ ဌာနဆိုင်ရာများနှင့် ကျောင်းသားမိဘများ ပူးပေါင်းကာ ဖလမ်းမြို့ အခြေခံပညာအထက်တန်းကျောင်း(၂)ရှိ စာသင်ခန်းများ ပြင်ဆင်ခြင်း၊ ခေါင်းမိုးများ လဲလှယ်ခြင်းနှင့် မျက်နှာကြက်များ ပြုပြင်ခြင်းတို့ကို ဆောင်ရွက်ခဲ့ကြကြောင်း သိရသည်။
ယခု ၂၀၂၆-၂၀၂၇ ပညာသင်နှစ်တွင် ဖလမ်းမြို့ပေါ်ရှိ အခြေခံပညာကျောင်း ၄ ကျောင်းကို ပြန်လည်ဖွင့်လှစ်နိုင်ရန် ပြင်ဆင်လျက်ရှိပြီး ဖလမ်းမြို့နယ်အတွင်းရှိ ကျေးရွာ ၅၀ ကျော်မှလည်း ကျောင်းများ ပြန်လည်ဖွင့်လှစ်ခွင့် တောင်းခံထားကြောင်း သိရသည်။