ပြည်ထောင်စုအဆင့် MSME ထုတ်ကုန်ပြပွဲနှင့် ပြိုင်ပွဲများ ပြုလုပ်ခြင်းဖြင့် နိုင်ငံ၏ ကုန်ထုတ်လုပ်မှု တိုးတက်၍ ပြည်ပမှ ကုန်ပစ္စည်းတင်သွင်းရမှု လျော့နည်းလာမည့်အပြင် အလုပ်အကိုင် အခွင့်အလမ်းများ တိုးတက်ရရှိလာမည်ဟု စက်မှုဝန်ကြီးဌာန ပြည်ထောင်စုဝန်ကြီး ဒေါက်တာချာလီသန်းက ပြောကြားသည်။
ပြည်ထောင်စုအဆင့် MSME ထုတ်ကုန်ပြပွဲနှင့် ပြိုင်ပွဲ အောင်မြင်စွာကျင်းပနိုင်ရေး လုပ်ငန်းညှိနှိုင်းအစည်းအဝေးကို ဇန်နဝါရီ (၃၀)ရက် နံနက်ပိုင်းက တပေါင်းကွင်းရှိ ယာယီကွပ်ကဲရေးရုံး၌ ကျင်းပပြုလုပ်ခဲ့ရာ၌ ပြည်ထောင်စုအဆင့် MSME ထုတ်ကုန်ပြပွဲနှင့် ပြိုင်ပွဲကျင်းပရေးဦးစီးကော်မတီဥက္ကဋ္ဌ စက်မှုဝန်ကြီးဌာန ပြည်ထောင်စုဝန်ကြီး ဒေါက်တာချာလီသန်းက ပြောကြားခဲ့ခြင်းဖြစ်သည်။
MSME ထုတ်ကုန်ပြပွဲနှင့် ပြိုင်ပွဲများပြုလုပ်ခြင်းဖြင့် ပြည်သူလူထုသည် MSME များကို ပိုမိုစိတ်ပါဝင်စားလာပြီး တစ်ပိုင်တစ်နိုင် ဆောင်ရွက်လာခြင်းဖြင့် နိုင်ငံ၏ကုန်ထုတ်လုပ်မှု တိုးတက်၍ ပြည်ပမှကုန်ပစ္စည်းတင်သွင်းရမှု လျော့နည်းလာမည်ဖြစ်သည့်အပြင် အလုပ်အကိုင် အခွင့်အလမ်းများတိုးတက်ရရှိပြီး လူမှုစီးပွားဘဝများလည်း မြင့်မားတိုးတက်လာမည်ဖြစ်ကြောင်း ပြည်ထောင်စုဝန်ကြီး ဒေါက်တာချာလီသန်းက ပြောကြားသည်။
ထို့ပြင် MSME များနှင့် ပတ်သက်၍ စာတွေ့နှင့်လက်တွေ့ကျွမ်းကျင်ပိုင်နိုင်သည့် ပညာရှင်များက MSME ၏ သဘောသဘာဝများကို လုပ်ငန်းရှင်များ သိရှိအောင် ဆောင်ရွက်ပေးရမည်ဖြစ်ကြောင်း ၎င်းက ဆက်လက်ပြောကြား သည်။
ထို့နောက် နေပြည်တော်ကောင်စီ ဥက္ကဋ္ဌက ပြည်ထောင်စုအဆင့် MSME ထုတ်ကုန်ပြပွဲနှင့် ပြိုင်ပွဲကျင်းပရခြင်း ရည်ရွယ်ချက်များနှင့် ဆုများချီးမြှင့်မည့် လုပ်ငန်းစဉ်များကို ရှင်းလင်းပြောကြားသည်။
စက်မှုကြီးကြပ်ရေးနှင့်စစ်ဆေးရေးဦးစီးဌာန ညွှန်ကြားရေး မှူးချုပ်ကလည်း ပြည်ထောင်စုအဆင့် MSME ထုတ်ကုန်ပြပွဲနှင့်ပြိုင်ပွဲ အောင်မြင်စွာကျင်းပနိုင်ရေးဆောင်ရွက်ပြီးစီးမှု၊ ဆပ်ကော်မတီ ဥက္ကဋ္ဌများက ဆပ်ကော်မတီအလိုက် လုပ်ငန်းတာဝန်များအပေါ် ဆောင်ရွက်ထားရှိမှုနှင့် ဆက်လက်ဆောင်ရွက်ရန် စီမံထားရှိမှု၊ တိုင်းဒေသကြီး၊ ပြည်နယ်အစိုးရအဖွဲ့ဝန်ကြီးများက တိုင်းဒေသကြီးနှင့် ပြည်နယ်အလို က် MSME ထုတ်ကုန်များ ခင်းကျင်းပြသရန် စီမံဆောင်ရွက်နေမှု အခြေအနေများကို ရှင်းလင်းတင်ပြကြကြောင်း သိရသည်။
၎င်းအစည်းအဝေးသို့ ပြည်ထောင်စုအဆင့် MSME ထုတ်ကုန်ပြပွဲနှင့် ပြိုင်ပွဲကျင်းပရေးဦးစီးကော်မတီ ဥက္ကဋ္ဌ စက်မှုဝန်ကြီးဌာန ပြည်ထောင်စုဝန်ကြီး ဒေါက်တာချာလီသန်း၊ နေပြည်တော်ကောင်စီ ဥက္ကဋ္ဌ ဦးသန်းထွန်းဦး၊ ဖွဲ့စည်းထားရှိသည့် ဆပ်ကော်မတီဥက္ကဋ္ဌများ၊ ပြခန်းများပြင်ဆင်လျက်ရှိသည့် တိုင်းဒေသကြီး၊ ပြည်နယ်အစိုးရအဖွဲ့ဝန်ကြီးများ၊ ဆ ပ်ကော်မတီအဖွဲ့ဝင်များနှင့် ဌာနဆိုင်ရာတာဝန်ရှိသူများ တ က်ရောက်ကြသည်။