ပြည်ထောင်စုဝန်ကြီးဦးဝဏ္ဏမောင်လွင်နှင့်တရုတ်နိုင်ငံခြားရေးဝန်ကြီးတို့က ပြန်လည်ပြုပြင်မွန်းမံပြီးသည့် ချူအင်လိုင်းတန်ဆောင်းအား ဖဲကြိုးဖြတ်ဖွင့်လှစ်ပေးခဲ့
ပုဂံရှေးဟောင်းယဉ်ကျေးမှုနယ်မြေ၊ရွှေစည်းခုံစေ တီတော် ပရိဝုဏ်အတွင်းရှိ ချူအင်လိုင်းတန် ဆောင်းအား ပြန်လည်ပြုပြင်မွန်းမံပြီးစီး၍ ဇူလိုင် ၃ ရက်(ယနေ့)နံနက် ၈ နာရီခွဲက တရားဝင်ဖွင့်လှစ်ခဲ့သည်။
အဆိုပါ ချူအင်လိုင်းတန်ဆောင်းအား နိုင်ငံခြား ရေးဝန်ကြီးဌာန၊ပြည်ထောင်စုဝန်ကြီးဦးဝဏ္ဏမောင်လွင်နှင့်တရုတ်နိုင်ငံ၊နိုင်ငံတော်ကောင်စီဝင်၊နိုင်ငံခြားရေးဝန်ကြီးမစ္စတာဝမ်ယိတို့က ဖဲကြိုးဖြတ်ဖွင့်လှစ်ပေးခဲ့သည်။
“တရုတ်ဝန်ကြီးချုပ် ချူအင်လိုင်းက မြန်မာနိုင်ငံကို ၉ ကြိမ်လာရောက်ခဲ့ပြီး ၁၉၆၁ ခုနှစ်ကလာစဥ်မှာ တန်ဆောင်းဆောက်လုပ်လှူဒါန်းခဲ့တာဟာ တ ရုတ်-မြန်မာ ချစ်ကြည်ရင်းနှီးမှုအတွက် အမှတ်သ င်္ကေတတစ်ခုဖြစ်လာခဲ့ပါတယ် ဒီနေ့ တန်ဆောင်းအဆင့်မြှင့်တင်ဖွင့်လှစ်ခြင်းဟာ နှစ်နိုင်ငံပူးပေါင်းဆောင်ရွက်မှုမြှင့်တင်ဖို့အတွက် တရုတ်နိုင်ငံရဲ့ ရှင်းလင်းတဲ့ရပ်တည်ချက်ဖြစ်ပါတယ် နှစ်နိုင်ငံပူး ပေါင်းဆောင်ရွက်မှုဟာ နှစ်နိုင်ငံပြည်သူတွေကို ပိုမိုအကျိုးဖြစ်ထွန်းစေမှာဖြစ်ပါတယ်”ဟု မြန်မာ နိုင်ငံဆိုင်ရာ တရုတ်နိုင်ငံ သံအမတ်ကြီး မစ္စတာ ချန်းဟိုင်ကပြောသည်။
အလားတူ နိုင်ငံခြားရေဝန်ကြီးဌာန၊ဒု-ဝန်ကြီးဦးကျော်မျိုးထွဋ်မှလည်း ချူအင်လိုင်းတန်ဆောင်းသည် မြန်မာနိုင်ငံနှင့်တရုတ်နိုင်ငံတို့အကြား တည် ရှိခဲ့သည့် ချစ်ကြည်ရင်းနှီးမှု ဆွေမျိုးပေါက်ဖော် ဆက်ဆံရေးကို ထင်ဟပ်ပြသရာရောက်စေကာ နှစ်နိုင်ငံယဉ်ကျေးမှုပူးပေါင်းဆောင်ရွက်မှုများမှတဆင့် အနာဂတ်မျိုးဆက်သစ်များဆီသို့ ချစ် ကြည်ရင်းနှီးမှုနှင့်ကဏ္ဍစုံအကျိုးတူပူးပေါင်းဆောင်ရွက်မှုများကို လက်ဆင့်ကမ်းပေးနိုင်ပြီး တရုတ်-မြန်မာ အေးအတူပူအမျှ အသိုက်အဝန်းတည်ထောင်ရေးအား တက်လှမ်းနိုင်မည်ဟုပြော သည်။
ထို့နောက် ပြည်ထောင်စုဝန်ကြီးဦးဝဏ္ဏမောင်လွင်နှင့်နိုင်ငံခြားရေးဝန်ကြီး မစ္စတာဝမ်ယိတို့သည် ရွှေစည်းခုံစေတီတော်၊သဗ္ဗညုဂူဘုရား၊တရုတ်နိုင်ငံအထောက်အပံ့ဖြင့် ဆောင်ရွက်လျက်ရှိသည့် သဗ္ဗညုတဘုရား ပြုပြင်ရေးစီမံကိန်းတို့အား လှည့်လည်ကြည့်ရှုဖူးမြှော်ခဲ့ကြသည်။
၂၀၁၆ ခုနှစ်၊ဩဂုတ်၂၄ ရက်က လှုပ်ခတ်ခဲ့သည့် အင်အား ၆ ဒသမ ၈ အဆင့်ရှိ ငလျင်ဒဏ်ကြောင့် ပုဂံဒေသရှိ ဘုရားပေါင်း ၄၂၅ ဆူ ထိခိုက်ပျက်စီးခဲ့သဖြင့် ၂၀၁၆ ခုနှစ်၊စက်တင်ဘာ ၁၈ ရက်တွင် တရုတ်နိုင်ငံယဉ်ကျေးမှုအမွေအနှစ် ပြည်နယ်စီမံခန့်ခွဲရေးပူးပေါင်းအလုပ်အမှုဆောင်အဖွဲ့က မြန် မာနိုင်ငံမှပျက်စီးမှုကြီးမားသည့် ဘုရား ၂၁ ဆူအားလေ့လာစစ်တမ်းကောက်ယူကာ ၂၀၁၈ ခုနှစ်၊စက်တင်ဘာ ၂၂ ရက်တွင် MoU ရေးထိုး၍ တရုတ်နိုင်ငံအထောက်အပံ့ဖြင့် သဗ္ဗညုတဘုရားပြုပြင်ရေး စီမံကိန်းလုပ်ငန်းများအား ဆောင်ရွက်ခဲ့ခြင်းဖြစ်သည်။
Photo -MOI
