ပြည်တွင်းခရီးစဉ်ဒေသများ သဘာဝအတိုင်းထိန်း သိမ်းထားရှိနိုင်ရေးနှင့် ခရီးသွားများစည်းကမ်းမဲ့အ မှိုက်စွန့်ပစ်မှုများ ထိန်းသိမ်းကြပ်မတ်နိုင်ရေးအဆိုကို ယ နေ့ ဇွန် ၂၃ ရက်နံနက် ၁၀ နာရီကကျင်းပသည့် တတိယအကြိမ် ကရင်ပြည်နယ်လွှတ်တော် ဒုတိယပုံမှန်အစည်း အဝေး(စတုတ္ထနေ့)တွင် လွှတ်တော်ကအတည်ပြုခဲ့ကြောင်း သိရသည်။
မြဝတီမြို့နယ်လွှတ်တော်ကိုယ်စားလှယ်အမှတ်(၁)ဦးအေးမင်းထွေးက “ပြည်တွင်းခရီးစဉ်ဒေသနေရာများ သဘာဝအတိုင်းထိန်းသိမ်းထားရှိနိုင်ရေးနှင့် ခရီးသွားများစည်းကမ်းမဲ့အမှိုက်စွန့်ပစ်မှုများအား ထိန်းသိမ်းကြပ်မတ်နိုင်ရေးတိုက်တွန်းကြောင်း”အဆိုကို ပြည်နယ်လွှတ်တော်သို့ ဇွန် ၁၉ ရက်ကတင်သွင်းခဲ့ခြင်းဖြစ် ကြောင်း သိရသည်။
ယင်း အဆိုကို ဗမာတိုင်းရင်းသားလူမျိုးလွှတ်တော်ကိုယ်စားလှယ်ဦးတင်မောင်လှိုင်၊ ကြာအင်းဆိပ်ကြီးမြို့နယ်လွှတ်တော်ကိုယ်စားလှယ်အမှတ်(၂)ဦးငွေထွန်းနှင့် မြဝတီမြို့နယ်လွှတ်တော်ကိုယ်စားလှယ်အမှတ်(၂) ဒေါက်တာဌေးနောင်တို့က ထောက်ခံဆွေးနွေးခဲ့ကြကြောင်း သိရသည်။
ထို့ပြင် ပြည်နယ်အစိုးရအဖွဲ့ စီမံကိန်း၊ စီးပွားရေးနှင့်ဘဏ္ဍာရေးဝန်ကြီးဌာနဝန်ကြီးက ပြန်လည်ရှင်းလင်းဆွေးနွေးပြီး လွှတ်တော်အဆုံးအဖြတ်ရယူရာ လွှတ် တော်ကိုယ်စားလှယ်များကသဘောတူသဖြင့် ယင်း အဆိုကို ပြည်နယ်လွှတ်တော်ကအတည်ပြုခဲ့ကာ ပြည် နယ်အစိုးရအဖွဲ့က အဆိုနှင့်ပတ်သက်၍ ဆက်လက်ဆောင်ရွက်ရန်တိုက်တွန်းခဲ့ကြောင်း သိရသည်။
Photo- MOI / Ko Nay Naw