ကွာလာလမ်ပူ၊ ဖေဖော်ဝါရီ ၁၈
အရှေ့တောင်အာရှနိုင်ငံများအသင်း (အာဆီယံ) သည် ဒေသကို အနှောင့်အယှက်ဖြစ်စေမည့် ပြင်ပဖိအားများကို ပယ်ချကြောင်း မလေးရှား ရင်းနှီးမြှုပ်နှံမှု၊ ကုန်သွယ်ရေးနှင့် စက်မှုဝန်ကြီးက တနင်္လာနေ့တွင် ပြောကြားလိုက်သည်။
တရုတ်ညီလာခံ: အရှေ့တောင်အာရှ ၂၀၂၅ အစည်းအဝေးသို့ အပိတ်မိန့်ခွန်း ပြောကြားရာတွင် ဝန်ကြီး တင်ကူးဇာဖရူး အဗ္ဒူလ် အဇစ် က အာဆီယံ၏ဘက်မလိုက်ဘဲကြားနေမှုကို အလေးပေးပြောကြားခဲ့ပြီး ၎င်းတို့၏စည်းကမ်း နည်းလမ်းများနှင့်အညီ အဖွဲ့ဝင်နိုင်ငံများ၏ ဖွံ့ဖြိုးတိုးတက်ရန် အခွင့်အရေးကို ထပ်လောင်း အတည်ပြု ပြောကြားခဲ့သည်။
ဇာဖရူးက အာဆီယံ သည် စည်းလုံးညီညွတ်ရမည်ဖြစ်ပြီး ၎င်း၏ မည်သည့်အဖွဲ့ဝင်နိုင်ငံ မဆို ၏ ပြင်ပနိုင်ငံများနှင့် ဆက်ဆံရေး သို့မဟုတ် အခြားအုပ်စု များနှင့် ဆက်ဆံရေးထက် ဘုံကောင်းကျိုးကို ဦးစားပေးရမည်ဟု ပြောကြားခဲ့သည်။
အာဆီယံ၏ အများဆန္ဒသဘောတူညီမှုကို ဆက်လက်ထိန်းသိမ်းထားရန် အရေးကြီးကြောင်း၊ အဖွဲ့ဝင်နိုင်ငံများအား စည်းလုံးညီညွတ်ပြီး တစ်သံတည်း ပြောဆိုနေခြင်းသည်အရေးကြီးကြောင်း၊ အခြား နိုင်ငံများနှင့် တက်ကြွစွာ ထိတွေ့ဆက်ဆံခြင်းသည်လည်း အရေးကြီးကြောင်း ၎င်းက အလေးပေးပြောကြားခဲ့သည်။
“အာဆီယံ အဖွဲ့ဝင်နိုင်ငံ တချို့ဟာ BRICS မှာအဖွဲ့ဝင်ဖြစ်ဖို့ ဒါမှမဟုတ် မိတ်ဖက်အဖွဲ့အစည်း ဖြစ်ဖို့ လုပ်နေကြပါတယ်။ ဒါဟာ အဖွဲ့ဝင်နိုင်ငံအားလုံးဟာ သူတို့နိုင်ငံ့တွေရဲ့ မူဝါဒတွေကို ရေးဆွဲပြုစုရာတွင် ထည့်သွင်းစဉ်းစားရမယ့် အချက်တွေပါပဲ” ဟု ၎င်းက ပြောကြားခဲ့သည်။
Ref: ရှင်းဟွာ