ပထမဆုံးအကြိမ်အဖြစ် ထိုင်း-တရုတ် ပူးပေါင်း၍ ရိုဘော့ဖြင့် ခွဲစိပ်မှုကို အဝေးထိန်းစနစ်ဖြင့်ကုသ

ထိုင်းနိုင်ငံသည် ၎င်း၏ ပထမဆုံးနယ်စပ်ဖြတ်ကျော် တယ်လီရိုဘော့တစ်ခွဲစိတ်ကုသမှုကို အောင်မြင်စွာ လုပ်ဆောင်နိုင်ခဲ့ပြီး နိုင်ငံ၏ ဆေးဘက်ဆိုင်ရာနည်းပညာနှင့် နိုင်ငံတကာကျန်းမာရေးစောင့်ရှောက်မှု ပူးပေါင်းဆောင်ရွက်ဆောင်ရွက်မှုတွင် သိသာထင်ရှားသော တိုးတက်မှုမှတ်တိုင်တစ်ခုဖြစ်ခဲ့ကြောင်း ပြည်သူ့ကျန်းမာရေးဝန်ကြီးဌာနက အင်္ဂါနေ့တွင် ကြေညာခဲ့သည်။

ကုသရေးလုပ်ငန်းစဉ်ကို ဘန်ကောက်မြို့ရှိ Nopparat Rajathanee ဆေးရုံနှင့် ကီလိုမီတာ ၂,၀၀၀ ကျော်အကွာရှိ ချန်ဒူးမြို့ရှိ West China ဆေးရုံတို့ ချိတ်ဆက်ဆောင်ရွက်ခဲ့ခြင်းဖြစ်သည်။

Nopparat Rajathanee ဆေးရုံရှိ လူနာတစ်ဦးသည် စက်ရုပ်အကူအညီဖြင့် သည်းခြေအိတ်ဖယ်ရှားခြင်း ခံယူခဲ့ပြီး ချန်ဒူးရှိ ထိုင်းခွဲစိတ်ဆရာဝန် ဒေါက်တာ ပတ်ထရာပွန်း ဖက်ဖော်ဆရီက အချိန်နှင့်တပြေးညီ မြန်နှုန်းမြင့် ဆက်သွယ်ရေးကွန်ရက်မှတဆင့် အဝေးမှ စက်ရုပ်ကိုထိန်းချုပ်ခဲ့သည်။

အဆိုပါလုပ်ငန်းစဉ်သည် ထိုင်းနိုင်ငံ၏ ကျန်းမာရေးစောင့်ရှောက်မှုစနစ်တွင် အဆင့်မြင့်နည်းပညာများကို ပေါင်းစပ် ကျင့်သုံးရန် ကတိကဝတ်ကို ပေါ်လွင်စေကြောင်း ကျန်းမာရေးဝန်ကြီး ပတ်ထနာ ပရွမ်ဖတ်က ပြောကြားခဲ့သည်။

အဝေးထိန်းစက်ရုပ်ခွဲစိတ်ကုသမှုသည် ထိရောက်မှုကို မြှင့်တင်ပေးနိုင်ပြီး ခွဲစိတ်ရက်စောင့်ဆိုင်းရချိန်များကို လျှော့ချပေးနိုင်ကာ အထူးကုစောင့်ရှောက်မှုကို တိုးချဲ့ပေးနိုင်သကဲ့သို့ လူနာများအနေဖြင့် ပြည်ပသို့မသွားရောက်ဘဲ ထိပ်တန်းကျွမ်းကျင်ပညာရှင်များထံမှ ကုသမှုခံယူနိုင်စေကြောင်းလည်း ၎င်းက ပြောကြားခဲ့သည်။

သည်းခြေကျောက်တည်ရောဂါသည် ထိုင်းနိုင်ငံတွင် အဖြစ်များနေဆဲဖြစ်ပြီး စက်ရုပ်အကူအညီဖြင့် သည်းခြေအိတ်ဖယ်ရှားခြင်းကို အောင်မြင်စွာအသုံးပြုခြင်းသည် အထူးသဖြင့် ဝေးလံခေါင်သီသော သို့မဟုတ် ဝန်ဆောင်မှုအားနည်းသော နေရာများတွင် အထူးကုကုသမှုကို ရယူရာ၌ ကွာဟချက်များကို ဖြေရှင်းရာတွင် အထောက်အကူပြုနိုင်ကြောင်း ဝန်ကြီးဌာနအရာရှိများက ပြောကြားခဲ့သည်။

ခွဲစိတ်မှုကို ဘန်ကောက်ရှိ ကွင်းဆင်းအဖွဲ့များက အဝေးထိန်းခွဲစိတ်ဆရာဝန်ကို ပံ့ပိုးကူညီခဲ့ကြသည်။

Ref: ဘန်ကောက်ပို့စ်