နှစ်စဥ်မြေပြိုမူဖြစ်လေ့ရှိသည့် နီပေါ၌ ယခုနှစ်တွင် မြေပြို၍ လူ ၁၇ဦးထက်မနည်းသေဆုံး
ခတ္တမန္ဒူ၊စင်တင်ဘာ ၁၇
နီပေါနိုင်ငံအနောက်ပိုင်းတွင် မိုးသည်းထန်စွာရွာသွန်းမှုကြောင့် မြေပြိုမှုများကြောင့် အနည်းဆုံး လူ ၁၇ ဦးထက်မနည်း သေဆုံးခဲ့ကြောင်း တာဝန်ရှိသူတစ်ဦးက စနေနေ့တွင် ပြောကြားခဲ့သည်။
ပြီးခဲ့သည့် ရက်အနည်းငယ်အတွင်း မိုးအဆက်မပြတ်ရွာသွန်းမှုကြောင့် ရေကြီးရေလျှံမှုဒဏ်ကို ဆိုးဆိုးရွားရွားခံခဲ့ရသည့် Sudurpaschim ပြည်နယ် Achham ခရိုင်၏ နေရာအနှံ့အပြားတွင် မြေပြိုမှုများ ဖြစ်ပွားခဲ့သည်။
ယာယီခရိုင်အရာရှိ Dipesh Rijal ၏အဆိုအရ မြို့တော်ခတ္တမန္ဒူမြို့၏အနောက်ဘက် ၄၅၀ ကီလိုမီတာ (၂၈၁ မိုင်) အကွာတွင် မြေပြိုမှုအတွင်း အနည်းဆုံး လူ ၁၇ ဦး သေဆုံးခဲ့ကြောင်း အတည်ပြုခဲ့သည်။
အဆိုပါဖြစ်စဉ်တွင် ထိခိုက်ဒဏ်ရာရရှိသူ ၁၁ ဦးကို Surkhet ခရိုင်သို့ ပို့ဆောင်ကုသရန် လေကြောင်းဖြင့် ပို့ဆောင်ခဲ့သည်။ မြေပြိုမှုအတွင်း လူသုံးဦး ပျောက်ဆုံးနေကြောင်း အဆိုပါတာဝန်ရှိသူက ပြောသည်။
နီပေါရဲတပ်ဖွဲ့ဝင်များက ပျောက်ဆုံးနေသူများကို ရှာဖွေကယ်ဆယ်ရေးလုပ်ငန်းများ လုပ်ဆောင်နေကြောင်း၊
အသေအပျောက် အရေအတွက် တိုးလာနိုင်ကြောင်း၊ ခရိုင်ခုနစ်ခုကို ဆက်သွယ်သည့် ဘိမ္ဗုတ အဝေးပြေးလမ်းမကြီးမှာလည်း ရေကြီးရေလျှံမှုကြောင့် သုံး၍မရသေးကြောင်း၊Achham တွင် ဆက်သွယ်ရေးဝန်ဆောင်မှုလည်းထိခိုက်သွားကြောင်း အဆိုပါ တာဝန်ရှိသူက ပြောသည်။
နီပေါနိုင်ငံ တောင်တန်းဒေသများတွင် ရေကြီးခြင်းနှင့် မြေပြိုခြင်းများသည်ဇွန်လမှ စက်တင်ဘာလအတွင်း မကြာခဏ ဖြစ်ပွားလေ့ရှိသည်။ပြီးခဲ့သည့်နှစ် အောက်တိုဘာ မြေပြိုစဥ်ကလည်း ၄၈ယောက် သေဆုံးခဲ့သည်။
Ref:ndtv.com