(Unicode)
နေပြည်တော် ပြည်ထောင်စုနယ်မြေအတွင်းရှိ စက်သုံးဆီအရောင်းဆိုင် ခြောက်ဆိုင်တွင် အထူးဈေးနှုန်းဖြင့် ဒီဇယ်ဆီများရောင်းချပေးနေ
နေပြည်တော် ဇန်နဝါရီ ၁၄
နေပြည်တော်ပြည်ထောင်စုနယ်မြေအတွင်းရှိ စက်သုံးဆီအရောင်းဆိုင်ခြောက်ဆိုင်တွင် စက်သုံးဆီ သုံးစွဲသူအများပြည်သူများ အဆင်ပြေစေရန်အတွက် ဒီဇယ်ဆီနှင့် ပရီမီယံဒီဇယ်တို့ကို အထူးဈေးနှုန်းများဖြင့် ရောင်းချပေးလျက်ရှိကြောင်း နေပြည်တော် စားသုံးသူရေးရာဦးစီးမှူးရုံးမှ သိရသည်။
စီးပွားရေးနှင့် ကူးသန်းရောင်းဝယ်ရေးဝန်ကြီးဌာနနှင့် မြန်မာနိုင်ငံ စက်သုံးဆီ တင်သွင်းဖြန့်ဖြူး ရောင်းချရေးအသင်းတို့ ပူးပေါင်းစီစဉ်မှုဖြင့်ပြည်သူများ သက်သာသော ဈေးနှုန်းဖြင့် ဝယ်ယူရရှိနိုင်ရန် ရည်ရွယ်၍ ဗဟိုဘဏ်မှ ရည်ညွှန်းငွေလဲနှုန်းဖြင့် တိုက်ရိုက် ရောင်းချပေးသည့် နိုင်ငံခြားငွေ အမေရိကန်ဒေါ်လာ (၃၄) သန်းဖြင့် စက်သုံးဆီမှာယူတင် သွင်းခဲ့သည့် ကုမ္ပဏီ (၂၆) ခုမှ ဒီဇယ်ဆီဂါလန် (၁၂ ဒသမ ၅၄) သန်းခန့်ကို အထူးဈေးနှုန်းဖြင့် ဖြန့်ဖြူး ရောင်းချပေးသွားမည်ဖြစ်ပြီး ဇန်နဝါရီ ၁၁ ရက်မှစတင်၍ ကုမ္ပဏီ (၁၀) ခုမှ တိုင်းဒေသကြီး/ ပြည်နယ်များရှိ စက်သုံးဆီ အရောင်းဆိုင်စုစုပေါင်း (၉၉) ဆိုင်တွင်စတင် ဖြန့်ဖြူးရောင်းချပေးသွားမည်ဖြစ်ကြောင်း၊ နေပြည်တော် ပြည်ထောင်စုနယ်မြေအတွင်းရှိ စက်သုံးဆီ အရောင်းဆိုင် ခြောက်ဆိုင်တွင် ဇန်နဝါရီလ ၁၃ ရက်နေ့မှစ၍ အထူးဈေးနှုန်းများဖြင့် စတင်ရောင်းချ ပေးလျက်ရှိကြောင်း သိရသည်။
“ နေပြည်တော်ထဲမှာတော့ အရောင်းဆိုင် ခြောက်ဆိုင်ရှိပါတယ်။ ပျဉ်းမနားမှာက တစ်ဆိုင်၊ တပ်ကုန်းမှာက နှစ်ဆိုင်၊ လယ်ဝေး သာဝတ္ထိမှာက တစ်ဆိုင်၊ ဥတ္တရသီရိမြို့နယ်မှာက တစ်ဆိုင်၊ ဒက္ခိဏသီရိမြို့နယ်မှာက တစ်ဆိုင်ပေါ့။ ရောင်းတာကတော့ ဇန်နဝါရီ ၁၃ ရက်နေ့ကတည်းကစ ရောင်းချပေး နေပါပြီ” ဟု နေပြည်တော်စားသုံးသူရေးဦးစီးမှူးရုံးမှ ဒုတိယညွှန်ကြားရေးမှူး ဒေါက်တာဇော်လွင်က ပြောသည်။
ပြည်သူများအနေဖြင့် အထူးဈေးနှုန်းဖြင့် ရောင်းချပေးမည့် စက်သုံးဆီ အရောင်းဆိုင်များတွင် ဒီဇယ်ဆီများကို မြန်မာရေနံနှင့် ရေနံထွက်ပစ္စည်း ကြီးကြပ်စစ်ဆေးရေး ဦးစီးဌာနမှ ထုတ်ပြန်ထားသော ရည်ညွှန်းဈေးနှုန်းအတိုင်း ဝယ်ယူရရှိနိုင်မည်ဖြစ်ကြောင်း၊ ထိုသို့ ပြည်သူများအနေဖြင့် ဒီဇယ်ဆီများကို တိုင်းဒေသကြီး/ ပြည်နယ်အလိုက် သတ်မှတ်စက်သုံးဆီ အရောင်းဆိုင်များတွင် သတ်မှတ်ဈေးနှုန်းများအတိုင်း ဝယ်ယူရရှိခြင်း မရှိပါက ကုန်သွယ်မှုနှင့် ကုန်စည်စီးဆင်းမှုများ မှန်ကန်မြန်ဆန်စေရေး လုပ်ငန်းကော်မတီ ဖုန်း ၀၉-၆၆၄၀၇၅၆၈၃၊ ၀၉-၆၆၄၅၉၆၃၂၇၊ ၀၉-၆၈၇၆၃၅၉၄၃၊ ၀၉-၆၇၆၃၂၀၈၂၆ စားသုံးသူရေးရာဦးစီးဌာန၊ ရန်ကုန်တိုင်းဒေသကြီး ဖုန်း ၀၁-၂၅၀၂၇၀၊ မြန်မာနိုင်ငံ စက်သုံးဆီ တင်သွင်းဖြန့်ဖြူးရောင်းချရေးအသင်းဖုန်း ၀၉၄၂၁၀၀၆၇၉၄တို့ကို ဆက်သွယ် တိုင်ကြားနိုင်ကြောင်း သိရသည်။
(Zawgyi)
ေနျပည္ေတာ္ ျပည္ေထာင္စုနယ္ေျမအတြင္းရွိ စက္သုံးဆီအေရာင္းဆိုင္ ေျခာက္ဆိုင္တြင္ အထူးေဈးႏႈန္းျဖင့္ ဒီဇယ္ဆီမ်ားေရာင္းခ်ေပးေန
ေနျပည္ေတာ္ ဇန္နဝါရီ ၁၄
ေနျပည္ေတာ္ျပည္ေထာင္စုနယ္ေျမအတြင္းရွိ စက္သုံးဆီအေရာင္းဆိုင္ေျခာက္ဆိုင္တြင္ စက္သုံးဆီ သုံးစြဲသူအမ်ားျပည္သူမ်ား အဆင္ေျပေစရန္အတြက္ ဒီဇယ္ဆီႏွင့္ ပရီမီယံဒီဇယ္တို႔ကို အထူးေဈးႏႈန္းမ်ားျဖင့္ ေရာင္းခ်ေပးလ်က္ရွိေၾကာင္း ေနျပည္ေတာ္ စားသုံးသူေရးရာဦးစီးမႉး႐ုံးမွ သိရသည္။
စီးပြားေရးႏွင့္ ကူးသန္းေရာင္းဝယ္ေရးဝန္ႀကီးဌာနႏွင့္ ျမန္မာႏိုင္ငံ စက္သုံးဆီ တင္သြင္းျဖန႔္ျဖဴး ေရာင္းခ်ေရးအသင္းတို႔ ပူးေပါင္းစီစဥ္မႈျဖင့္ျပည္သူမ်ား သက္သာေသာ ေဈးႏႈန္းျဖင့္ ဝယ္ယူရရွိႏိုင္ရန္ ရည္႐ြယ္၍ ဗဟိုဘဏ္မွ ရည္ၫႊန္းေငြလဲႏႈန္းျဖင့္ တိုက္႐ိုက္ ေရာင္းခ်ေပးသည့္ ႏိုင္ငံျခားေငြ အေမရိကန္ေဒၚလာ (၃၄) သန္းျဖင့္ စက္သုံးဆီမွာယူတင္ သြင္းခဲ့သည့္ ကုမၸဏီ (၂၆) ခုမွ ဒီဇယ္ဆီဂါလန္ (၁၂ ဒသမ ၅၄) သန္းခန႔္ကို အထူးေဈးႏႈန္းျဖင့္ ျဖန႔္ျဖဴး ေရာင္းခ်ေပးသြားမည္ျဖစ္ၿပီး ဇန္နဝါရီ ၁၁ ရက္မွစတင္၍ ကုမၸဏီ (၁၀) ခုမွ တိုင္းေဒသႀကီး/ ျပည္နယ္မ်ားရွိ စက္သုံးဆီ အေရာင္းဆိုင္စုစုေပါင္း (၉၉) ဆိုင္တြင္စတင္ ျဖန႔္ျဖဴးေရာင္းခ်ေပးသြားမည္ျဖစ္ေၾကာင္း၊ ေနျပည္ေတာ္ ျပည္ေထာင္စုနယ္ေျမအတြင္းရွိ စက္သုံးဆီ အေရာင္းဆိုင္ ေျခာက္ဆိုင္တြင္ ဇန္နဝါရီလ ၁၃ ရက္ေန႔မွစ၍ အထူးေဈးႏႈန္းမ်ားျဖင့္ စတင္ေရာင္းခ် ေပးလ်က္ရွိေၾကာင္း သိရသည္။
“ ေနျပည္ေတာ္ထဲမွာေတာ့ အေရာင္းဆိုင္ ေျခာက္ဆိုင္ရွိပါတယ္။ ပ်ဥ္းမနားမွာက တစ္ဆိုင္၊ တပ္ကုန္းမွာက ႏွစ္ဆိုင္၊ လယ္ေဝး သာဝတၳိမွာက တစ္ဆိုင္၊ ဥတၱရသီရိၿမိဳ႕နယ္မွာက တစ္ဆိုင္၊ ဒကၡိဏသီရိၿမိဳ႕နယ္မွာက တစ္ဆိုင္ေပါ့။ ေရာင္းတာကေတာ့ ဇန္နဝါရီ ၁၃ ရက္ေန႔ကတည္းကစ ေရာင္းခ်ေပး ေနပါၿပီ” ဟု ေနျပည္ေတာ္စားသုံးသူေရးဦးစီးမႉး႐ုံးမွ ဒုတိယၫႊန္ၾကားေရးမႉး ေဒါက္တာေဇာ္လြင္က ေျပာသည္။
ျပည္သူမ်ားအေနျဖင့္ အထူးေဈးႏႈန္းျဖင့္ ေရာင္းခ်ေပးမည့္ စက္သုံးဆီ အေရာင္းဆိုင္မ်ားတြင္ ဒီဇယ္ဆီမ်ားကို ျမန္မာေရနံႏွင့္ ေရနံထြက္ပစၥည္း ႀကီးၾကပ္စစ္ေဆးေရး ဦးစီးဌာနမွ ထုတ္ျပန္ထားေသာ ရည္ၫႊန္းေဈးႏႈန္းအတိုင္း ဝယ္ယူရရွိႏိုင္မည္ျဖစ္ေၾကာင္း၊ ထိုသို႔ ျပည္သူမ်ားအေနျဖင့္ ဒီဇယ္ဆီမ်ားကို တိုင္းေဒသႀကီး/ ျပည္နယ္အလိုက္ သတ္မွတ္စက္သုံးဆီ အေရာင္းဆိုင္မ်ားတြင္ သတ္မွတ္ေဈးႏႈန္းမ်ားအတိုင္း ဝယ္ယူရရွိျခင္း မရွိပါက ကုန္သြယ္မႈႏွင့္ ကုန္စည္စီးဆင္းမႈမ်ား မွန္ကန္ျမန္ဆန္ေစေရး လုပ္ငန္းေကာ္မတီ ဖုန္း ၀၉-၆၆၄၀၇၅၆၈၃၊ ၀၉-၆၆၄၅၉၆၃၂၇၊ ၀၉-၆၈၇၆၃၅၉၄၃၊ ၀၉-၆၇၆၃၂၀၈၂၆ စားသုံးသူေရးရာဦးစီးဌာန၊ ရန္ကုန္တိုင္းေဒသႀကီး ဖုန္း ၀၁-၂၅၀၂၇၀၊ ျမန္မာႏိုင္ငံ စက္သုံးဆီ တင္သြင္းျဖန႔္ျဖဴးေရာင္းခ်ေရးအသင္းဖုန္း ၀၉၄၂၁၀၀၆၇၉၄တို႔ကို ဆက္သြယ္ တိုင္ၾကားႏိုင္ေၾကာင္း သိရသည္။